ҮЧ ГЕНЕРАЛ ИЮНЬ ОКУЯСЫ ҮЧҮН ЖАЗА АЛАБЫ?

Аптанын жаңылыгы

2010-жылдын июнь айында Ош жана Жалал-Абад облустарында болуп өткөн кандуу окуялар боюнча Улуттук комиссия өз иликтөөсүн жарыялады.
Жыйынтыктын негизинде “кандуу кагылышуунун келип чыгышына башкы күнөөлүү адам” деп өзбек диаспорасынын лидери Кадыржан Батыров табылды. Айыптуулардын катарында Убактылуу өкмөт мүчөлөрүнүн аттары да аталбай койгон жок.
“Коогалаң болору тууралуу кооптонууларын айтып, чекисттер коңгуроо кагышса да, Убактылуу өкмөт маалыматка маани берген эмес. Аларга ишенишпеген же тийиштүү көңүл бурууга чамалары жеткен эмес”,- дейт комиссиянын төрагасы Абдыганы Эркебаев. Албетте, кандуу окуя болушу мүмкүн экендиги тууралуу өкмөткө кабар берип, бирок анын алдын алуу үчүн чара көрбөгөн УКМКнын айыбы да опол тоодой. Комиссиянын айыптуулар боюнча “кара тизмесинде” үчүнчү күчтөр жана Максим Бакиев менен Жаныш Бакиев жүрөт. Бакиевдерди кандуу окуяны уюштуруучулар катары айыптоого интернетке жарыяланган телефон менен сүйлөшүүлөр гана далил катары берилиптир. “Кара тизмеге” Азимбек Бекназаровдун уулу Руслан Бекназаров да катталган.
Из жашырып кеткен экс-депутат Кадыржан Батыров улуттар аралык кагылышуунун негизги уюштуруучусу болгону көп ирет айтылды. Президент Роза Отунбаева өзү дагы ММКларга берген маегинде өзбек лидеринин бир канча жолу Бишкекке келип ага жолукканын жана кызмат сураганын айткан. Шибегени капка ката албагандай эле, мамлекет башчы Ошто кандуу окуя башталып кеткенден кийин журналисттерге “бизде бул жөнүндө маалыматтар бар болчу, бирок божомолдордон эртерээк башталып кетти” деп оозду ачырган. Билип туруп кебелбеген УӨ да мындай кадамы үчүн жооп бериши керектиги анык.
Азырынча белгилүүсү Абдыганы Эркебаевдин айтылган талабы болду. Ал өкмөттөн Азимбек Бекназаров, Исмаил Исаков, Болот Шер, Кеңешбек Дүйшөбаев, Ош жана Жалал-Абад облусунун губернаторлору, шаар башчыларына карата тийиштүү чара көрүү керектигин айтты. Анда Дүйшөбаев мырза
УКМКнын жетекчилигинен кол жууса, депутаттар Исмаил Исаков менен Болот Шерди кол тийбестиги сактайбы? “Дүйнөнүн бардык эле өлкөлөрүндө мындай учурда тиешелүү чиновниктер өздөрү отставкага кетишет. Кетишпесе, демек, мажбурлоого туура келет”,- деди комиссиянын төрагасы.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (18)

UvE

2011-01-15 14:47:25

Аттин, ушул бийлике келип кеткендердин артыдан кимдир бироолор эле айыпталып, жок эле куноосун жарыялап сурака тартып жатканы кейиштуу! Мисалы, булардын арасында И.Исаковго койгон куноосу туура эмес, бул киши мамлекеттин генералы катары Оштогу тополонго барды, маселени закондун чегинде чечууго аракет кылды, дагы эмне айып? Эгер лично бул киши камалса мамлекетте дагы митингдер башталып, учурдагы бийлике нараазычылыктар башталат, себеби, бийлик туура эмес куноону коюп жатат!

UvE

2011-01-15 14:56:42

Эгер чындыгында куноосу болсо Исаковдун анда Отунбаева да жоопко тартылсын жогорттогу айтылган созу учун!Алдын ала билген экен, а кантип билген, ким аркылуу билген?! Ушундай суроолорго жоопко тартылса эле кимдер куноолуу, а кимдер куноолу эмес экени айкын болуп калат, бирок тилеке каршы, жоопко тартылбай калды го, себеби, кыргызчылык да, боло берет!!!

jua

2011-01-15 16:28:51

Исаков кунолуу болсо анда Отунбаева,Атамбаев,Сариев кыскасы УОмотто иштегендердин бардыгы куноолу болуп жоопко тартылыш керек

Кайрат

2011-01-15 18:30:17

Эми башка адам калбай калгансып Эркебаевди коммиссия торогасы кылганы бул чон анонс! Ошол кооптуу учурда бир нерсе боло калса эле туштук бир эле Исаковго керек болгонсуп УОтон бироо басып барып койгонго жараган жок да, бугун болсо Исаков куноолуу дегени акылга сыйбаган жорук. А Дуйшобаевтики башка кеп анын башкы чекист кечирилгис куноосу бар, бир эле анын эмес Текебаев Атамбаев Сариев Отунбаевалардын ббарын жоопко тартыш керек!

cosmopolit

2011-01-16 01:07:02

уфффф тупизммм... а.эркебаев озу эмнени кыйратыптыр..туштон кийин кыйын болуп чыга калганды жакшы билишет.....качан бир ийри отуруп туз кенешип .. бир жыйынтыкка келип мамлекетти ойлошот...бийлик соройлор эч кимиси бирин бири тушунгусу уккусу жок кайдагы бир эски жеке таарнычтары учун отношение выяснять этишкенден башка...

arlekino

2011-01-17 11:57:35

Ой бизде чон армия барбы ыя? Генералыбыз эле коп?

mikasa

2011-01-17 12:17:41

Элдер. Эркебаевди мен андай деле сыйлаган адам эмесмин. бирок бул комиссиянын чечими. Эн туура айтылып жатат. Акчага сатылган жок, антсе озбектер куноосун жон эле сатып алмак. Бийликке умтулган жок, УО жооп берсин деп жатат. Бакиевге да сатылган жок. Бири-бирибизди бутубуздан артып журуп дагы 1990-жылдагыдай куноолуу болуп калабыз. Создун артын ойлойлучу. Жерибизди тарттырып кул болуп калбайлы. Жаман да болсо кыргыз деген болсун. Озбектер баштаганын баарыбыз билебиз.

mikasa

2011-01-17 12:19:05

cosmopolit туппизм депсин, анда айтчы ким баштады...

mishadjan

2011-01-18 08:57:50

Куноолу деп куноолулордун арасында президент айымды да эсептейм.Эмнеге алдын ала уккандан кийин алдын алган эмес.Бул да болсо биздин чондордун бейкапарлыгы.Канчалаган кыргыздар бейажал олуп кетишти.Куноолу озбектерди катык жазалаш керек.Озбекстандагы кыргыздар озбектер менен урушуп корсун Каримов баш болуп кырып салат.

guzi90

2011-01-19 02:15:53

каап эми чыр чыкса эле оздорунун ысымын сакташ учун Бакиев дей эле беришет!

guzi90

2011-01-19 02:18:25

билип туруп кайдыгер карап коюп канчалаган элдердин убалында калышты!

rus87

2011-01-20 20:58:45

Menimche Kyrgzystandyktarga bir jolku 'perezagruzka, restart' (kayra bashtat) kerek. An-sezim, oy, tushunuk, oy-tolgoo, koz jugurtuu, eseptoo, sanoo degen jashoo tushunuktoruno taktyk kirgizuu kerek. Duyno ar bir sekundada taanylgys ozgoruudo. Oshol ozgoruu yldamdygyn karmoodo eski oy jugurtuulor kereksiz, bosh nerseler katary an-sezimibizden, koomduk oy-pikirden chygyshy abzel. Bolboso, bayagy ele mamaidyn koru...
Iygiliksiz konstitutsia ozgortmoylor, ishkerdik (Kumtor), ideologia, j.b.

savik

2011-01-21 12:57:43

Бакиевди куносу башка жерде да толо аны оштогу окуяга кошпой чыныгы кунолуулор корунуп туратко Абдыганы мырза комисиянын жыйынтыгын тайсалдабастан ачык айтын Алайлык болсонуз Алайда ажалга тике кара деген созунор барго

mishadjan

2011-01-22 10:45:54

кыргыз куноо демекчи убагында тартипти кармабаган бакиевте бир куноо андан кийин бийликти жана калган каткан байлыкты болушо албай жургон уонун мучолорундо эми булар кудайдан корксо жакшы болмок канчалаган адамдын убалына калып отурушат

almasbek

2011-01-23 23:35:12

жаза албайт аларды козубузду жумуп качырып жиберебиз

Комментарий калтыруу үчүн өз ысымыңыз менен кириңиз же каттоодон өтүңүз.

№ 428, 14-20-январь, 2011-жыл.