Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№429 21-27-январь, 2011-жыл.


(Башы өткөн сандарыбызда)

Мени туура түшүнгүлө, достор. “Элдар экөөбүздүн келечегибиз барбы-жокпу, биротоло бир бүлө болуп жашап кете алабызбы? Бири-бирибизге чыдайбызбы?” деген суроолорума жооп берер киши жок, башым жетпей маң болуп жүрсөм, анан балалуу болуп калсам, маселелер ого бетер чиеленишпейби. Өзүм деле бала эле бойдон болсом керек. Эне болууга даяр эмесмин, чын айтам, али андай сезимдерге, жоопкерчиликке даяр эмесмин.
Атам Кудайга шүгүр, калыбына келип калды, кыбырай тиричилигин өткөзүүдө. Арстан менин турмушка чыкканымды угуп, таарынып кеткенден бери келе элек. СМСтерди жазып жатса керек. Баягы окуядан соң телефонумду Элдардан сурай албай, улам бир жерди карап, бекиткен болсо таап алармын деген үмүттөмүн. Ошентип, канчалаган күндөрүм тымызын коркунуч менен өтүп жатты. Бир ирет уйкудан ойгоно калып, мен өзгөртө алгыс иш болгонун туйдум. Ушул ишти болбосо экен деп миң кайталап тиленип келе жатпадым беле? Шашып тура калсам, башым тегеренип кетти. Буга чейин деле мындай нерсеге көп эле жолу кабылгам. Бирок бул ирет башкача болчу. Күтүүсүз жерден кускум келип, көзүм алайып эле отуруп калдым. Дагы жакшы Элдар бейкапар уктап жаткан. Бул нерселер мени күн сайын кыйнай баштады. Тамакка табитим кадимкидей жоголуп, ар кандай жыттар да кыйначу болду. Айла жок, поликлиникага барууга туура келди.
Куттуктайм, жакында эне болот экенсиз! Алты жума болуптур!” Жылмая жүзүмө тигилген дарыгер аныктаманы колума карматып, куттуктап да жиберди. Рахмат айттымбы-жокпу, билбейм. Эптеп булдуруктай бирдемелерди сүйлөп, шашып чыгып кеттим. “Балалуу болосуң... Айдай, эне болосуң! Арстандан эмес, башка адамдан төрөйсүң...” Кубанарымды, кайгырарымды билбей, бет келди басып жүрө бердим. “Элдар билбеши керек!” Күнү кечке каңгып басып жүрүп тапкан акылым ушул болду. Токтой калып айланамды карасам, Асел жашаган жатаканага келип калыптырмын. Келерин келип алып айтсамбы-айтпасамбы деп ойлонуп туруп калдым.
– Айдай, салам! Не мынча ойго батып калгансың? Аселге келдиңби, чакырып коёюнбу?
Жаныма Аселдин группалаш баласы келип калды. Ойлонуп кеткениме ыңгайсыздана учурашканча шаштым. Жүгүргөн боюнча кирип кеткен ал бат эле Аселди жетелеп чыкты. Качан Аселге келбейин, ушул жигит маңдайымдан чыгат, тобо. Азыр да курбум экөөбүздү ээн калтырбай, бир топко быдылдап туруп алды. Айла кеткенде “сенде ишим бар, шашып жаттым эле” деп Аселди жетелеп кетүүгө туура келди.
– И-ии, сүйлө. Эмне болду, мынчалык купкуу болуп алгансың?
Курбум мен ооз ача электе эле жагдайымды сезди. Баятан бери эңгиреп турган жаным солкулдап ыйлап жибердим.
– Бүттү, баары бүттү. Эми кантем? Мен кантем?
– Эмне бүттү? Айдай, токточу, бери отурсаң. Эмне, Элдар капа кылдыбы, бирдеме дедиби?
– М-ммен, мен э-ми...
Көз жашыма какап-чакап, сөзүмдү аягына чыгаралбай ыйлай бердим. Асел да бирде ыйлап, бирде сооротуп, экөөбүз көпкө отурдук. Качан гана солуктап ыйым тартылганда кепке тартты.
– Эми айтчы, эмне болду?
Сүйлөй албай, врач жазып берген аныктаманы сундум.
– Алты жума... Демек?.. Жинди кыз десе, анын эмнесине ыйлайсың? Кубанышың керек да! Уф-фф, эмне болуп кетти деп жүрөгүм түшүп калбадыбы!
Көз жашым өзүмө ээ бербей, жамгырдай төгүлүп жатты.
– Айдай, акыркы күндөрү өтө көп ыйлачу болдуң. Такыр түшүнө албайм. Ыйлайт экенсиң, анда эмнеге турмушка чыктың? Элдар байкенин улуулугу эле болбосо жакшы күйөө да. Айтканыңды аткарат, сени эч нерседен кем кылбай багып жатат, окууга да киргизип койду. Канчалаган адам жетпей жүргөн академияда окуп жатасың, бизге окшогон жаштар минип көрө элек машинада чалкалап жүрөсүң. Дагы эмне керек?
– Сен ушунун баарын Арстанга алмашар белең?
– ...
– Айтсаң, ушунун баары Арстанга тең болор беле?
– Койчу, ушинтип да салыш­тыра­сыңбы?
– Көрдүңбү, алмашмак эмессиң. А мен акмак, алмаштырып кете бердим. Эми бырылдап ыйлап, сага арызданып отурам!
Өзүмө өзүмдүн жиним келип, бир эсе жаным ачый дагы шолоктоп кирдим.
– Болду, күүгүм кирип калды. Мындай маалда ыйлаган жаман жорук. Телефонуңа жооп берчи, баятан бери жан-алы калбай чырылдап жатат.
Элдар болчу. Бир жолу жооп бербей койсоң, ушинтип көшөрүп кайра-кайра чала берет. Телефонду жерге чаап таштагым келип кетти. Айла жок, жооп берүү керек.
– Кайдасың? Неге жооп бербей жаттың?
Күйөөм чү дегенде эле демитип кирди.
– Көчөдө жүрөм.
– Кандайча?
– Ушундайча эле, көчөдө жүрөм, каңгып.
– Кай жердесиң?
– Өзүм да билбейм. Азыр барам үйгө.
Көңүлсүз өчүрүп салдым. Кайрадан чырылдай баштады. Эми үйгө барбаска айла жок, кетиш керек. Канчалык өзүмдү тыйсам да, чыдабай сурап жибердим.
– Арстан чалып жатабы?
– Мурдагыдай көп чалбай калды. Көңүлү жок, кайдигер сүйлөп калыптыр.
– Менин жаңы номеримди берип койчу.
– Айдай?!
– Өтүнөм, жалынам, берип койчу. Сүйлөшпөсөм да, анда-санда үнүн угуп турайын. Болбосо жинди болуп кетем. Суранам, берип койчу.
Макул болбой кайда бармак эле?! Мага кошо ыйлап отуруп көздөрү шишип чыккан Асел айласыз баш ийкеди. Арстан туура айтат, чын эле акмак кызмын. Ии, номеримди берет деп ошого кадимкидей көңүлүм тынчып үйгө жөнөдүм. А мени ачуусуна туттугуп, кызармак түгүл карарып чыккан Элдар тосуп алды.
Үч ай болуп калды, а кош бойлуу экенимди дале күйөөмө айта элекмин. Асел, врач, үчөөбүздөн башка жан биле элек. Бирок үч айында каттоого туруу керек экен. Мен эми чындап баш ооруга туш болдум. Макул, каттоосуна деле туруп, акырындап бүтүрө берейин, бирок канчага чейин жашырам? Ушул суроо канчалык жанымды кыйнабасын, дале көшөрүп айтпай жүрөм. Деги кандай гана кежир жан элең? Өзүмдү өзүм урушуп да коём. Акыры мени айттырбай эле Элдар өзү байкап калды. Анын жытынан жүрөгүм айланып ваннага кирип кеткем. Чыксам эшик алдында суроолуу тигилип турат. Оо Кудай, азыр эмес, азыр сурабай эле турсунчу, даяр эмесмин! Бирок бул ирет Кудай мени укпады көрүнөт.
– Ии?..
– Эмне?
– Мага эчтеке айткың келбей элеби?
– А эмнени айтышым керек?
– Айдай, жетишер, эми канчага чейин жашырам дейсиң?
– Жашырып?..
– Охх, ушунчалык күлкүлүү кызсың да. Алтыным, кош бойлуулук жашыра турган уят нерсе эмес. Анын эч бир уяты жок. Ку-ба-ны-шың керек, төбөң көккө жеткиче кубанышың керек.
Кубануу керек? Демек, кубануу керек, ээ? Мен негедир такыр эле кубана албай койдум. Баарыңар кубануу керек дейсиңер, а менден бирөө жарым сурадыбы деги Айдай, азыр балалуу болгуң келеби? деп...” Ушинтип кыйкырып, Элдардын бети-башын жулмалап салгым келип кетти. Охх, тил кыска да, тил кыска!
Мына, Арстан урушчу эмес беле, “эч нерсени жашыра албайсың” деп. Билип айтчу да! Өзүм айта элегимде билип алганы үчүн Элдарга кадимкидей ачууланып, ичимден эрегишип жүрдүм. Карап тур, ошонусу үчүн аягына дейре ичин бышырып баланын уул-кыз экенин айтпай койбосом.

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
21.01.2011. 22:24 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Башында жакчу эле,Айдай. Эми жакпай калды,эмне мынча кыйнайт, жолдошун?Торой турган баласын аябагандан кийин, атамды аяп турмушка аргасыз чыктым дегени, чындыкка коошпойт...
22.01.2011. 01:38 
Тайпасы:
Жаран
Комментарийлердин саны:
10
Катталган:
02-12-2010
Соӊку аракети:
24-09-2018 18:52
Жынысы:
Белгисиз
Калаасы:
москва
0
Айдайдын жомоктогудай жашоосу аябай кызыктырып жатат.китеби бар болду бекен тезирээк окуп алганы.
22.01.2011. 04:40 
Тайпасы:
Жаран
Комментарийлердин саны:
123
Катталган:
29-11-2007
Соӊку аракети:
25-09-2018 06:12
Жынысы:
Белгисиз
Калаасы:
France
0
Men bul kyzdy tushunboi turam, joldoshu jakshy adam bolgondon kyiyn jyrgap jashai ber, tigi Arstandy oilop jindi bolo berbei, anyn apasy kim ekenin ozu jakshy bilet go!
22.01.2011. 12:28 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
balany oilobogon ushundai kyzdar baldardy torop tashtap ketip atyshat da.ozdorunun jeke kyzykchylygyn oilop.anan bashynda ele oilop tabletka ichip ubaktyluu bouna buturboi tursa bolmok da anan torolo elek balany jek korboi,tushup kalat anan dagy oturat yilap.takyr tushungon jokmun Aidaiga ozu emne kerek bul jashoodo?
22.01.2011. 17:42 
Тайпасы:
Жаран
Комментарийлердин саны:
38
Катталган:
03-10-2010
Соӊку аракети:
20-12-2016 16:55
Жынысы:
Белгисиз
0
бала деген бул ыйык го журогумду оруутуп жиберди
22.01.2011. 18:55 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Бала туйулдук болгондон тарта энесинин мээримин, сезет, туят. А Айдай Арстанын ойлоп отурса,ичинде жаткан баланы ойлоп жыргатпайт го?
23.01.2011. 18:22 
Тайпасы:
Жаран
Комментарийлердин саны:
62
Катталган:
30-11-2010
Соӊку аракети:
23-09-2018 08:32
Жынысы:
Белгисиз
Калаасы:
Жалалабат обл.Ташкомур шаары
0
Боюнан тушуп калса ыйлабай жыргамак да.Деги доолоет которо албаган кыз экен да.Башым айланып кочодо кангып журдум дегени жининди келтирет
25.01.2011. 00:49 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
03-07-2018 19:51
Жынысы:
Белгисиз
Калаасы:
Italia,Sardegnia.
+1
Arstan baktiluu kilsa da enesi baktiluu kilmak emes."Enesin korup balasina turmuwka 4ik"azir zaman uwundai.
29.01.2011. 13:44 
Тайпасы:
Жаран
Комментарийлердин саны:
105
Катталган:
22-01-2011
Соӊку аракети:
11-04-2018 12:49
Жынысы:
Белгисиз
0
Бактылуу болсун! Кошкону менен кошо карысын!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: