Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

РЕАЛ МАДРИД

№429 21-27-январь, 2011-жыл.


“Жашоо кызыксыз болуп баратканда музыка жаралган. Музыка да жардам бербей баштаганда футбол ойлоп табылган” дегендей, учурда бүйүр кызыткан клубдар арасында мелдештер көп. Дүйнөнүн атактуу клубдары тууралуу баяныбызды “Падышалык клуб” деген атка конгон “Реалдын” күйөрмандарын кубантуу менен баштоону чечтик. Анткени №1-спорт түрүндө мадриддиктер №1-болуп саналат...

“Реал” (Мадрид)
Өлкөсү – Испания
Шаары – Мадрид
Негизделген жылы – 1902-жыл, 6-март
Лакап аттары – “Актар, “Галактикос, “Каймактар
Стадиону – “Сантьяго Бернабеу
Президенти – Флорентино Перес
Машыктыруучусу – Жозе Моуринью (Порт.)
Капитаны – Икер Касильяс
Жетишкендиктери – Испаниянын 31 жолку чемпиону; Испаниянын кубогунун 17 жолку ээси; УЕФАнын ЧЛсынын 9 жолку жана Суперкубогунун 1 жолку жеңүүчүсү. Континент аралык кубокту 3 жолу жана Испаниянын Суперкубогун 8 ирет утуп алган.
Расмий сайтыwww.realmadrid.com

КЫЗЫКТУУ ФАКТЫЛАР

  • Стадиону Сантьяго Бернабеу” деп командага 14 жашында келип, футболчулук карьерасын аяктагандан кийин машыктыруучу, директор, аягында команданын президенти болгон Дон Сантьяго Бернабеу Йестенин урматына аталган. 1955-жылга чейин Реалдын” стадиону Нуэво Чамартин” деп аталчу.
  • Дүйнөдөгү клубдар арасындагы эң атактуу тирешүү испаниялык Реал” менен Барселонанын” каршы туруусу болуп саналат. Эки клубдун “жолугушуусу” эль классико деп аталат. Сыйлыктар жагынан алганда мадриддиктер барселоналык атаандаштарынан алдыда. Барселона” Испания чемпиондугун
    20 жолу гана (
    Реал” 31 жолу) жана УЕФАнын ЧЛсын 3 жолу гана багынткан (Реал” 9 жолу).
  • Падышалык клуб тууралуу Голливудда тасма да тартылган. Белгилүү “Гол” тасмасында баш каарман болгон футболчунун Реалдагы жашоосу камтылган. Тасма тартууга ошондогу жылдыздуу курам (Зидан, Роналдо, Бекхэм жана башкалар) активдүү аралашкан.

ПАДЫША ЖАКТЫРГАН КЛУБ
Азыркы “Реалдын” “ата-энеси” болуп 1896-жылы түзүлгөн “Футбол скай” клубу саналат. Бирок расмий түрдө “Реалдын” туулган күнү деп 1902-жылдын 6-марты кабыл алынган. Ошондо жаңы түзүлгөн командасына ага-ини Падрос менен Хулиан Паласиостор “Мадрид футбол клубу” деген ат коюшкан. “Реал” деген аталышына 1920-жылы Испаниянын падышасы Альфонс XIII “Падышалык клуб” наамын ыйгаргандан кийин ээ болгон (“real” сөзүн испанчадан которгондо “падышалык” дегенди билдирет. Ал латынча “regalis” – “падышалык” деген сөздөн келип чыккан).

КЫЛЫМДЫН МЫКТЫ КОМАНДАСЫ
"Реалды” дүйнөдөгү №1-клуб деп атоонун себеби эмнеде? Бул испаниялык клуб эң абройлуу делген УЕФАнын ЧЛсын баарынан көп, башкача айтканда, 9 жолу жеңген. Дал ушул жагынан ал №1-болуп турат. Ушул себептен болсо керек, ФИФА “Реалды” “ХХ кылымдын мыкты командасы” деп тапкан. Мындан тышкары “Галактикос” Испаниянын Жогорку Лигасынан “учуп кетпеген” 3 клубдун бири (калган экөө – “Атлетик” менен “Барселона”) болуп саналат. “Галактикос демекчи, кылымдан ашуун мезгил аралыгында команда 3 лакап атка ээ болду. “Азан чакырылып коюлган аты “Актар болгону менен, аброю өсүп, “Галактикос жана “Каймактар деген аталыштар жаралды.

“ПЛАНЕТАНЫН МЫКТЫЛАРЫН ЧОГУЛТАМ”
Көп жылдардан бери “Реал дүй­нө­нүн мыкты футболчуларын сатып алуу жагынан эч кимди алдына салбай келет. “Реал футбол жылдыздарына “аңчылык кылуусу менен атагы чыккан. Атактуу топ чеберлерине карата мындай ач көздүк команданын президенти Флорентино Перестин ысымы менен байланыштуу.
2000-жылы “Реалдын президенттик кызматына амбициясы күч болгон Флорентино Перес келип, командага планетанын мыкты футболчуларын чогултууну чечет. Бул максатта алгач 71 миллион евро коротуп, португалия­лык Луиш Фигуну сатып алган. Фигунун артынан командага Зинедин Зидан келип кошулган. Анын трансфери 75 миллион еврону чапчыган. Дагы бир жылдан кийин Мадридге Роналдо, Дэвид Бекхэм жана Майкл Оуэн көчүп келген. “Дүйнөнүн мыкты футболчусу” аталган бул футболчулардан чогулган команда “Галактикос” деп атала баштаган.

ҮЙРӨНГӨН АДАТ КАЛАБЫ, УЙГА ЖҮГӨН САЛАБЫ?
2006-жылы Перестин ордуна Роман Кальдерон келет. Кальдерон ошондо командага жаңы чыгып келаткан жылдыз Криштиану Роналдуну алып келүү убадасын берип, упай топтоп бийликке келген эле. Бирок анын тушунда күйөрмандар “Сантьяго Бернабеудан” Роналдунун оюндарын көрө алышкан жок. Тескерисинче, Кальдерон Перестен калган “мурастарды” (Бекхэм, Роналдо жана башкалар) сатып жиберген. Натыйжада ал 2009-жылы отставкага кетип, “Реалга кайрадан Перес келет. Ал чү дегенде эле көнгөн адатын баштайт. Кака үчүн 68 миллион, Роналду үчүн 93 миллион евро аябайт. Аталган эки мегажылдыздан тышкары командага Рауль Альбиоль менен Карим Бензема келип кошулат. Ошондой эле ири сатып алуулардын катарына “Ливерпулдан Хаби Алонсонун келишин да кошсок болот. Бирок миллиондогон каражаттар коштогон өзгөрүүлөр натыйжа берген жок.
10 жыл ичинде мыктылардын мыктыларынан чогулган “Галактикос УЕФАнын ЧЛсын 1 жолу, Испа­ния­нын чемпиондугун 4 жолу гана жеңди. Чынында, “Реал мил­лиондогон акчаларды каяктан алат жана оюнчуларды кымбатка сатып алуудан эмне пайда?

КҮЙӨРМАНДАР ЭЭЛИК КЫЛГАН КОМАНДА
Пайда болбосо, “Реалдын кожоюндары жогорудагыдай тобокелге барышмак эмес. Команда азырынча ири жеңиштерге жетише албаса да, стадионго келген көрүүчүлөрдөн, телеге алып берүүлөрдөн жана жарнамалардан чоң киреше таап келет. Мындай ийгиликке команда туура жана ачык жүргүзүлгөн саясаттын негизинде жетишип келет. Айта кетсек, “Реал” акционердик коом эмес. Команда кадимки күйөрмандардын менчиги болуп саналат. Күйөрмандар жыл сайын взнос төлөп, команданын саясатын өзүлөрү шайлаган президенти аркылуу аныктап турушат. Ал эми шайланган президент Башкаруучу Кеңеш менен иш алып барат. “Deloitte” уюмунун маалыматында, “Реал” дүйнөдө эң чоң бюджетке ээ болгон клуб” деп табылганы бекеринен эмес.

АТАКТУУ ОЮНЧУЛАРЫ
Бай тарыхка ээ болгон атактуу командалар сыяктуу эле “Реалдын” да легендага айланган улуу оюнчулары бар. Алар – Замора, Раймон Копа, Ференц Пушкаш, Альфредо Ди Стефано, Гарсия Ремон, Пауль Брайтнер, Рауль жана башкалар. Акыркысын “Реалга” 16 жыл өмүрүн арнагандыгы үчүн “команданын иконасы” деп аташат. Мындан тышкары “Реалдын” курамында “Дүйнө чемпиону” аталган 11 футболчу ойногон жана төмөнкүлөрдүн акыркы бешөө учурда да ойноп келет (Гюнтер Нетцер, Пауль Брайтнер, Хорхе Вальдано, Роналдо, Зинедин Зидан, Фабио Каннаваро, Икер Касильяс, Рауль Альбиоль, Альваро Арбелоа, Серхио Рамос, Хаби Алонсо).


Спорт жаңылыктары

“НЕФТИЧИ” ОРУСИЯДА РЕВОЛЮЦИЯ ЖАСАЙ АЛБАДЫ
2010-жылы Кыргызстанда эрдик жасап, футбол боюнча улуттук чемпиондукту жеңип алган “Нефтичи” Шериктештик кубогунда революция жасай албады. Команда “жок дегенде 1 жеңишке жетишүү” деген максатын да ишке ашыра алган жок. Өзгөчө 3-турда тажикстандык “Истиклолго” 5:0 эсебинде жеңилиши зээнди кейитпей койбойт. Айта кетчү нерсе, мындай эсеп эң ириси эмес (1994-жылы “Алга-РИИФ” Орусиянын жаштар курама командасына 10:0 эсебинде жеңилсе, 1995-жылы “Кант-Ойл” беларустук “Динамого” 9:0 эсебинде баш ийген. Ал эми Шериктештик кубогунун эң көп катышуучусу “Дордойдун” жеңилген эң ири эсеби 7:0 болгон. Ошондо “дордойчуларды” молдовалык “Шериф” “ыза” кылган).
Ошентип, кочкор-аталыктардын эл аралык мелдештердеги дебюту ийгиликсиз аяктады. Команданын машыктыруучусу Александр Крестинин айткандай, “Нефтичи” үчүн ар бир беттеш чоң тажрыйба болду.
Шериктештик кубогунун ээси 23-январда билинет. Тайпалык баскыч­тын жыйынтыгында чейрек фи­нал­дык жуптуктарды төмөнкү коман­далар түздү:

“Шахтёр” (Беларусь)“Динамо” (Украина)
“Сконто” (Латвия)“Истиклол” (Тажикстан)
“ХИК” (Финляндия)“Зенит” (Орусия)
“Интер” (Азербайжан)“Мика” (Армения)

“Нефтичинин” Шериктештик кубогундагы натыйжалары:

“Интер” (Азербайжан)“Нефтичи” – 3:0
“Нефтичи” – “Искра-Сталь” (Молдова) – 0:1
“Истиклол” (Тажикстан)“Нефтичи” – 5:0


Бильярд

КАНЫБЕК САГЫНБАЕВ ЭМНЕГЕ НААРАЗЫ?
Өткөн аптада ММКларда бильярдчы Каныбек Сагынбаевге “КРнын Эмгек сиңирген спорт чебери” наамы ыйгарылгандыгы тууралуу кабар тараган. Мунун чын-төгүнүн билүү максатында анын өзү менен байланыштык. Бул тууралуу ал: “Менин мындай даражага көрсөтүлгөндүгүм чын. Ошондой эле машыктыруучум Константин Коробовго да “КРнын Эмгек сиңирген машыктыруучусу” наамы берилгени жатат. Угушубузча, буйрук чыккан, бирок расмий түрдө качан тапшырылары белгисиз. Чынын айтсам, мен эч кимге ишенбей калдым. Былтыр Дүйнө чемпиондугун жеңип келгенимде “бийлик тараптан чоң колдоо болот. Президент өзү кабыл алат” дешкен. Бирок ушул күнгө чейин “рахмат” дешкен да жок”,- деп айтып өттү.
Эске салсак, былтыр Каныбек Германияда өткөн Дүйнө биринчилигинде туубузду бийик көтөрүп, 4-ирет Дүйнө чемпиону аталган.

Футбол

“АБДЫШ-АТАДА” ӨЗГӨРҮҮ ЖАНА “ДОРДОЙДУН” БАШ ТАРТУУСУ
Канттык “Абдыш-Атада” өзгөрүү болуп өт­тү. Команданын башкы машыктыруучулук кызматына өзбекстандык Ислам Ахмедов (сүрөттө) дайындалды. Ал голландиялык Жейлан Ариканды алмаштырды.
“Дордойдун” 20-февралдан 1-мартка чейин өтө турган Түркмөн­стандын президентинин кубогуна (баш байгеси 20 миң доллар) катышары тууралуу кабарланган. Бирок жогоруда аталган күндөрү КРнын олимпиадалык курама командасы “Лондон-2012” Олимпиадасынын тандап алуу оюндарында беттеш өткөрүүсү керек. Ал эми олимпиадалык курама команданын өзөгүн “дордойчулар” түзгөндүктөн, “Дордойдун” жетекчилиги Түркмөнстандын кубогуна катышуудан баш тартууга аргасыз болду.
Ошондой эле “орусиялык адис Сергей Дворянков отставкага кетет” деген кептерге карабастан, ал “Дордойдун” машыктыруучулук кызматында калгандыгын кошумчалай кетмекчибиз.

АВСТРАЛИЯ МЕНЕН ӨЗБЕКСТАН – БАШКЫ ТАЛАПКЕР
Ушул тапта бизде кыш болуп жатса, ысык климаттуу Катар өлкөсүндө Азия кубогу кызуу уланууда. Араб өлкөсүндө майданда абанын температурасынан кем калышпаган “ысык” күрөштөр жүрүп жатат. Гезит басууга кетип жатканда чейрек финалдын 8 жолдомосунун жетөөсү белгилүү болуп калган эле. Тактап айтканда, чейрек финалда кылыч кайрачу 4 жуптуктун үчөө толугу менен түзүлгөн. Болгону, Австралия өз атаандашын күтүп жаткан.
Тайпалык оюндардын негизин­де көпчүлүк адистер тарабынан Австралия менен коңшулаш Өз­бек­стандын чемпиондукка мүм­күн­чүлүгү жогору экендиги айтылууда.

ЧЕЙРЕК ФИНАЛДА КИМДЕР БЕТТЕШЕТ?

21-январда

1. Япония – Катар
2. Өзбекстан – Иордания

22-январда

3. Иран – Түштүк Корея
4. Австралия – (Ирак, БАЭ же Түндүк Корея болушу мүмкүн)

Эреже боюнча, жарым финалда 1-оюндун жеңүүчүсү 3-оюндун жеңүүчүсү менен, 2-оюндун жеңүү­чүсү 4-оюндун жеңүүчүсү менен кезигет.

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
23.01.2011. 00:53 
Тайпасы:
Жаран
Комментарийлердин саны:
30
Катталган:
18-11-2010
Соӊку аракети:
27-07-2017 10:45
Жынысы:
Белгисиз
Калаасы:
Бишкек
0
eh (Real madrid ) soz menen jetkire albaim kanchalyk RM suiorumdu..Atin soz tapsamchy
23.01.2011. 01:19 
Тайпасы:
Кыймылы жок
Комментарийлердин саны:
6
Катталган:
07-01-2011
Соӊку аракети:
05-02-2011 21:29
Жынысы:
Белгисиз
Калаасы:
Ош
0
Реал Мадридке дуйнодо эч бир клуб тен келе албайт!!! Наlа Маdrid!!!
24.01.2011. 15:38 
Тайпасы:
Кыймылы жок
Комментарийлердин саны:
3
Катталган:
22-01-2011
Соӊку аракети:
16-03-2013 15:12
Жынысы:
Белгисиз
0
Реал Мадрид укмуш клуб,ушулардын футболун корсон ох ох ох
27.01.2011. 20:27 
Тайпасы:
Жаран
Комментарийлердин саны:
12
Катталган:
15-01-2011
Соӊку аракети:
25-02-2017 06:24
Жынысы:
Белгисиз
Калаасы:
Томск
0
Real ен зоор команда
28.09.2011. 20:25 
Тайпасы:
Кыймылы жок
Комментарийлердин саны:
8
Катталган:
26-09-2011
Соӊку аракети:
27-12-2011 15:21
Жынысы:
Белгисиз
0
ооба ен мыкты крманда!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: