Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бакыт Төрөбаев, ЖКнын депутаты: «ӨКМӨТТҮН АКЧАСЫНАН БАЙЫГАН ЭМЕСМИН»

№429 21-27-январь, 2011-жыл.


Бейне

Бүгүнкү каарманыбыздын саясий тажрыйбасы аз. Ошого карабастан, эки ирет депутат болуп, атүгүл Өзгөчө кырдаалдар министрлигин жетектөөгө жетишти. Сөз “республикачы” Бакыт Төрөбаев тууралуу болмокчу. Азыр ал Жогорку Кеңештин төрагасынын орун басарларынын бири.

КЫСКАЧА
1973-жылы 5-апрелде Жалал-Абад шаарында төрөлгөн.
1995-жылы “Жамиля и К” фирмасынын директору болгон.
1996-2007-жылдардын аралыгында “Экспорт-Табак” ишканасы, “Азия-Сузак” дыйкан чарбасы, “Мариям” ЖЧКсында эмгектенген.
2007-жылы “Ак жол” партиясынан депутат, ал эми 2009-жылы Өзгөчө кырдаалдар министри болуп дайындалган.
Учурда Жогорку Кеңеште “Республика” фракциясынан депутат.
Кесиби – экономист.
Үй-бүлөлүү, 3 уулдун атасы.

– Бакыт мырза, сизди эл депутат жана министр катары билет. Өмүр баяныңызга карай келсек, 22 жашыңызда коммерциялык фирманын директору болуптурсуз. Бул эрте жаштан башталган эмгекчилдик сапатпы же ата-эненин түзүп берген шартыбы?
– Мен мектепти аяктаган жылдар өлкөбүз жаңыдан рынок багытын тандап алган учурга туура келген. “Өзүңөрдү өзүңөр баккыла” деген заман басып кирбедиби. Баары бутуна туруу үчүн бизнеске өтүштү. Ошол 22 жашымда Бишкекте студент болчумун. Бирок мен да алып-сатуу багытына өтүп, сырттан окуу бөлүмүнө которулдум. Ата-энемден акча сурай бербейин, тиричиликти оңдойлу деген ниет менен иш баштадым. Өнөктөштөр менен фирма ачып, бензин сатууга өттүк. Тапкан пайдабызга май куюучу жайларды ачтык. Кийин бул бизнесимди сатып, тамеки эккендер менен иштештим.
– Кандайча саясатка аралашып калдыңыз?
– Атам 4 жолу депутат болгон. 2007-жылы парламенттик шайлоо партиялык тизме менен өтүп, ошол учурда Жалал-Абаддын жаштарынын арасында мени депутаттыкка көрсөткөндөр болду. Мен сунуш болгон “Ак жол” партиясынын программасы менен таанышып чыктым. Чынында, түрдүү тармактарды камтыган жакшы программа болчу. Анан макулдугумду бердим. Бирок ачык эле айтайын, саясатка келип калышыма атамдын да колдоосу болгон.
– Демек, саясатка келип калышыңыз ата жолун улантуубу же анын буйругубу?
– Биринчиден, атамдын жолун жолдоп келе жатам жана муну Кудайдын буйруганы деп койсо да болот. Атам депутат болуп жүргөндө шайлоочулар менен жолугушууларында көп коштоп жүрчүмүн. Анча-мынча буйруктарын аткарып, кимдир бирөөлөрдүн муктаждыгын бүтүрүп койчубуз.
– Башка бир туугандарыңыз кандай чөйрөлөрдө?
– 6 бир тууганмын. Улуу агам – куруучу. Экинчиси Каржы полициясында иштейт. Ортончу агам – ишкер. Атамдан кийин эле ушул бир тууганым көп кеңешин берип жүрдү. Анан мен. Менден кийин карындашым жана иним бар. Иним – бизнесмен.
– Атаңыз учурда эмне менен алек?
– Ал азыр ардактуу эс алууда. 74 жашка келгенине карабастан, кышында “Норуста” лыжа тебет. Жайында Ысык-Көлдө болот. Жылына 2-3 жолу чет өлкөгө жиберип турабыз. Мага саясат боюнча акыл кептерин да айтып турат.
– 2009-жылы Камчыбек Ташиев менен Данияр Үсөновдун пикир келишпестигинен улам Ташиев министрликтен кеткен. Анын ордуна сиз келдиңиз. Учурда кесиптешиңиз Камчыбек Ташиев менен мамилеңиз кандай?
– Ооба, мен Ташиевдин ордуна министр болуп келгенмин. Бирок мамилебиз бузулуп, тиш кайрашып калган эмеспиз. Анткени министрликти президент Курманбек Бакиев сунуш кылып, анан жумушка келип калганмын. Бүгүн Ташиев деле депутат, мен дагы. Экөөбүздүн мамилебиз ага-инидей.
– Бакиевдин командасынын бир топ өкүлдөрү “Ата Журт” партиясынын катарында шайлоого барууну чечишти. Сиз кандайча “Республиканы” тандап калдыңыз?
– Тандады десе туура эмес болор, “Республиканы” негиздегендердин биримин. Өмүрбек Бабанов менен ЖКнын 4-чакырылышында тааныш болуп калганбыз. Мамилебиз жакшы. 7-апрелден кийин түндүк-түштүк дебей жаш жигиттер жана кыздар биригип, борбордук партия болуп чыгууга аракет жасадык. Көп сын-пикирге туш болгонубузга карабастан, эл добуш берди. Коалицияны да биз түздүк.
– Коалициялык өкмөттү куроодо мурун министр болуп турганыңызга карабастан, сизге өкмөттөн кызмат берилген жок. Эмне үчүн депутат боюнча калдыңыз? Же сунуш болгон жокпу?
– Жакшы суроо экен. Биздин партиянын Жогорку Кеңеште 23 депутаты бар. Анын көбү жаштар. Мурун депутат болуп жүргөндөрдөн эки-үчөө гана. Коалиция курулуп жатканда «Республиканын» депутаттары “партиянын кызыкчылыгын жактап парламентте иштеп бериңиз” деп суранышты. Мен сунушту кабыл алып, депутат боюнча калууну туура көрдүм. Анын үстүнө өзүм деле кызматка барууну сураган жокмун.
– Экономика тармагында иштеп келиптирсиз. Бүгүнкү бюджеттин таңсыктыгын кантип жойсо болот? Жеке сунушуңуз...
– Дефициттен бардыгы коркуп жатышат. Экономиканы түшүнгөн адам дефициттен коркпошу керек. Кантип биз аны жоёбуз? Өкмөт тышкы жана ички каражаттарды карап чыгышы шарт. Айрыкча ишкерлерге колдоо көрсөтүп, ички инвестицияны тартууга жол ачуубуз керек. Ушундай жол менен гана мамлекеттин кирешесин түзө турган салыктарды көбөйтүүгө болот.
– Менин айтайын дегеним, “Ар-намыстын” лидери Феликс Кулов коррупциялык схемаларды иликтеп, бюджетке кошумча 300 миллион доллар табууну айтып чыкты...
– Укпаптырмын. Бирок ошол коррупциялык схеманы да так далилдеп бериш керек. Учурда Энергетика министрлигинен башка өлкөлөргө электр тогун дүйнөлүк баада сатууну талап кылып жатабыз. Мурун энергетика тармагында коррупциялык схема бар эле. Анда көңүл бурчу бир жагдай, акыркы жылдары энергетикада “коммерциялык жана техникалык жоготуу” деген илдет пайда болду. Союз учурунда техникалык жоготуу 3-4 пайызды түзсө, бүгүн ал 14 пайызга жетти. Кандайча көбөйүп кеткен? Же “жоготуу” деп коюп, анын эсебинен акча жеп жатышкандыр? Муну түп тамырынан бери аңтарып чыгууга муктажбыз. Биздин партия коррупциялык схемаларды карап чыгып, аларды жок кылууга күчүн жумшайт.
– “Фергана” гезитинин версиясы боюнча, Төрөбаевдердин үй-бүлөсү Кыргызстандын эң бай адамдарынын катарына кирген. Эгерде азыр мүлкүңүздү каттай (декларацияга киргизүү) турган болсоңуз, тизме канча үй жана машинадан турмак?
– Бишкекте өзүмө караштуу үйүм жана машинам бар. Муну эч кимден бекитпейм. Дагы эмнем бар? Шайлоо учурунда, кодекс боюнча, башкаруучу кызматтардан кеткенмин. Декларацияга каттай турган болушса, менин фамилияма катталган мүлктү жашырып калуу оюм жок. Баарын көрсөтөм. Мурун ишканаларым 5 миллион сом салык төлөсө, бүгүн 100 миллиондой сом беришет. Мен бизнес чөйрөсүнөн келгем, өкмөттүн акчасынан байыган эмесмин.
– Саясаттан тышкары ыр жана бийге жакындыгыңыз бар экен (“Кош жылдыз” теледолбоору). Бош убактыңызда дагы эмне менен алек болосуз?
– Тилекке каршы, бош убакыт жокко эсе. Мен азыр балдарымдын тарбиясына көбүрөөк көңүл бура баштадым. Анткени биз өкмөттүн жумушу менен жүрүп, балдардын окуусу жана тарбиясы көңүл сыртында калып кетет.
– Акыркы жолу коомдук унаага качан түштүңүз эле?
– 1992-1993-жылдары болсо керек.
– Канча балаңыз бар? Үй-бүлөңүзгө токтоло кетсеңиз...
– Келинчегим Асел – башкы эсепчи. 3 уулум бар. Улуусу мектепте жакшы окуйт. Мектептин Билим берүү министри болгон. Экинчиси “министр” болбосо дагы, достору менен жакшы мамиледе. Мен аны “Тышкы иштер министри” деп коём. Кичүүсү быйыл мектепке барат.

УЧКАЙ СУРОО-ЖООП
– Кичинеңизде ким болгуңуз келчү?
– Энергетик.
– Өзүңүздү үч сөз менен сүрөт­төсөңүз...
– Улууларды сыйлайм. Эгерде мени алдап кетсе, кекчил эмесмин, бирок ал киши менен экинчи иш алып барбайм. Үчүнчүдөн, жөнөкөймүн.
– Эмнени баарынан көп жек көрөсүз?
– Популисттерди.
– Эмнени баарынан жакшы көрөсүз?
– Атамды ыраазы кылууну.
– Жашоону кайра кайтарууга мүмкүн болсо, кайсы учурга кайтмак элеңиз?
– Кайтаруунун кажети жок.
– Спорттун кайсы түрү менен алектенесиз? Ууга чыгып көрдүңүз беле?
– Жок, ууга чыккан эмесмин, бирок мылтык атам. Мурун футболчу болчумун, азыр убакыт жок.
– Балдарыңыз кыргызча жакшы билишеби?
– Жакшы эле. Жалал-Абадда айылда жашачубуз. Бирок жакында кайра көчөбүз. Өзүм орус мектепти бүтүргөндүктөн, кээде кыргызча туура эмес сүйлөп алам. Андыктан балдардын кыргызча жакшы билиши үчүн мугалимдер кошумча сабак беришет.
– Депутаттык айлыкка муктажсызбы?
– Шайлоо мезгилинде бир айылга барып, жардамга муктаж бала бакчага кирип калдык. Азыр депутаттык айлыгымды ошол бала бакчага которуп турам. “Айтылган сөздү аткарыш керек” деген принципти карманам.
– Анда өзүңүздү бай адаммын деп эсептейсизби?
– Депутаттык айлыкты албай, аны башка бирөөгө берсем эле, мени бай деп атоого болбойт. Шайлоодо айрым саясатчылар “мен депутат болсом, мага айлыктын, машинанын кереги жок” дешти эле. Бирок иш жүзүнө келгенде андай болбой калды. Ал эми өзүм айткан сөзүмдү аткарууга аракет жасайм.

Эльвира Караева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
22.01.2011. 00:36 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
хммм да.. чын эле озу айткандай адам болсо анда жакшы экен...ушундай чыныгы уулдар кыргызда коп болсо гана аттин...
24.01.2011. 11:34 
Тайпасы:
Жаран
Комментарийлердин саны:
344
Катталган:
07-09-2010
Соӊку аракети:
22-09-2018 15:16
Жынысы:
Белгисиз
0
Ишенбейм.......
24.01.2011. 13:02 
Тайпасы:
Кыймылы жок
Комментарийлердин саны:
19
Катталган:
16-12-2010
Соӊку аракети:
18-02-2013 12:11
Жынысы:
Белгисиз
Калаасы:
Бишкек- Жалал Абад
0
Бул чын, анткени жумуш сурап барганда жардам берген, адам керчиликтуу.
25.01.2011. 11:41 
Тайпасы:
Жаран
Комментарийлердин саны:
88
Катталган:
01-11-2010
Соӊку аракети:
08-08-2018 17:22
Жынысы:
Белгисиз
Калаасы:
Бишкек
0
билбейм чо то сомнения бар
26.01.2011. 18:23 
Тайпасы:
Кыймылы жок
Комментарийлердин саны:
181
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Окмоттун ачасынан байыбаган болсо, атасынын артынан депутат болгону, саясатка аралашып калганы билинип эле турат. Жеген эмесмин, тийген жокмун деп актангандарычы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: