БИР БҮРКҮМ. КЕРБЕН АЭРОПОРТУ ИШКЕ КИРЕТ...

Ала-Бука райондук прокуратурасынын тергөөчүсү пара алууга шектелип кармалды.
Теңгиз Бөлтүрүктүн 35 жаштагы уулу ишенип берилген мүлктү ыйгарып алуу кылмышына шектелип кармалганы маалымдалды.
Бекжан Супаналиев билим берүү жана илим министринин орун басары болуп дайындалды.
Депутат Эрулан Көкүлов өлкөдө электрондук тамекиге тыюу салууну сунуштады.
Кыргызстанда желим баштыктарды колдонууга тыюу салынышы мүмкүн, тийиштүү мыйзам долбоору парламентте 2-окууда каралууда.
Аксы районундагы “Кербен” аэропорту быйыл август айында ишке киргизилет.
Мамлекеттик цирктин жетекчиси Фархат Бекманбетов кызматтан бошотулду.
Айыл чарба министрлиги: Кыргызстан Кытайга балык, картошка жана төө буурчак экспорттоону пландоодо.
Кыргызстандан Өзбекстанга мыйзамсыз өтүүнү көздөгөн 4 бангладештик жаран колго түшкөнү кабарланды.
Балыкчы шаарына ишембиликте 6000 дана көчөт тигилгени жарыяланды.
Ош милициясы: Ошто кайырчылыкты кесип кылып алгандар көбөйдү.
Шухрат Айтиев менен Айчүрөк Назаралиева акыйкатчынын орун басары болуп шайланышты.
Чолпон-Атада "Акылман" президенттик лицейи түзүлгөнү жарыяланды.
Жыл башынан бери Баткен облусуна мамлекеттик казынадан 217 миллион сом бөлүнгөнү айтылды.
Мындан ары "Жыл мугалими" сынагы республикалык бюджет жана президенттин фонду тарабынан каржыланмакчы.
Президенттик администрация: Кемпир-Абаддын жээгине коңшу өлкө эч кандай эс алуу жайын курбайт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1071, 16-22-июнь, 2023-ж.