БУУнун ӨНҮКТҮРҮҮ ПРОГРАММАСЫНЫН ИШИ ТАЛКУУЛАНДЫ

12-июлда Бишкекте тегерек столдо БУУнун Өнүктүрүү программасынын өлкөнүн өнүгүшүнө кошкон салымы талкууланды. Жыйынга өкмөттүн, жарандык коомдун жана жеке сектордун өкүлдөрү катышты. Тышкы иштер министринин биринчи орун басары Асеин Исаев БУУнун Өнүктүрүү программасы ишенимдүү өнөктөш экенин белгиледи. Ал эми БУУнун Өнүктүрүү программасынын туруктуу өкүлү Луиз Чемберлен бийик максаттарды күчтүү өнөктөштүк менен гана ишке ашырууга болорун айтты.

- БУУӨП бардык деңгээлдеги мамлекеттик жана жарандык коомдогу кызыкдар тараптардын социалдык-экономикалык, экологиялык жана демократиялык прогресске умтулуусун ишке ашыруу үчүн колдоо көрсөтөт – деди Чемберлен. Президенттик аппараттын Саясий жана экономикалык изилдөөлөр бөлүмүнүн башчысы Алмаз Исанов өлкөнүн жашыл жана санариптик экономикага карай жолун баса белгилеп, ишкердикке жана креативдүү экономикага басым жасады: "БУУӨП бул багыттагы олуттуу саясатты жана программаларды ишке ашырууга салым кошту, кризиске каршы турууда колдоого алды, аз дегенде пандемия жана чек ара кризистери учурунда - деди ал.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1075, 14-20-июль, 2023-ж.