Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Шайырбек Арапов: «АБДАН КАТУУМУН КЕЧИРГЕНДИ БИЛБЕЙМ...»

№429 21-27-январь, 2011-жыл.


Адамды сыртынан карап мүнөзүн билбейсиң. Сүйлөшүп отуруп кээ бирлеринин ичи-койнуна кирип кетсең, тескерисинче, айрым маектештер сенин кандай суроо берериңе чейин билип, жооп камдап отурушат. Алпаруучу Шайырбек Арапов ар бир сөзүнө макал кошуп сүйлөгөн жөнөкөй жигит. Кээде калем кармап өзбек ырчысы Юлдузга каршы ыр да жазып коёт.

КААРМАН ТУУРАЛУУ КЫСКАЧА
Толук аты-жөнү – Арапов Шайырбек Ысакжанович.
Туулган жылы – 1982-жыл, 23-апрель.
Туулган жери – Ош облусу, Ноокат району, Төөлөс айылы.
Бою –182 см.
Салмагы – 76 кг.
Фобиясы – Терең суу.
Жубайындагы баалаган сапаты – Жөнөкөйлүк. «Таанышкан күндөн бери ушул сапаты өзгөргөн жок. Экөөбүз чогуу түтүн булатканыбызга аз эле убакыт болду, ошондуктан мага али терс сапаттары көрүнө элек. Көрүнбөй эле койсун».
Жактырган жаныбары – Жылкы.
Девизи – “Бүгүнкүдөн эртеңки күн маанилүүрөөк!”
Учурда – КТРКнын жаштар студиясынын баяндамачысы. “Браво” жана “Балдардын сынагына сынбайсыңбы?” көрсөтүүлөрүнүн алып баруучусу.

– Шайырбек, алгач бир башыңыз эки болушу менен дейин! Жеңебиз кандай кызмат кылууда?
Рахмат! Келинчегим кызматы менен далай жолу жакшы сөздөрдү угат деп ишенем. Азыр эми экөөбүз эле жашагандыктан, мага кызмат кылып жатат десем жарашпай калат. Мен да, ал да эртеден кечке жумушта, анан кечинде үйгө барганда ысык тамак жасап, чайы менен күлмүңдөп күтүп алат. Бирок бир жакка барса деле отура бербей тура калып, келин экенин унутпай кызматын кылып жатат (айттырбай).
– Жарым жыл мурда биздин “Бойдоктор бурчуна” чыкка­ныңызда бир кыз издеп жүргөн “ушул жигиттин почтасын берип койгулачы” деп, жубайыңыз ошол кыз эмеспи?
Жок, ал кыз эмес. Анткени келинчегимди өзүм таап алдым.
– Кантип?
Аида менен интернеттен таанышып калдым. Почтасын алып достук сунуштасам, кабыл албай көпкө жүрдү, анан кат жазып сүйлөшө баштадык. “Кыз кылыгы менен” дегендей, номерин алыш мен үчүн тозок болду. Таптакыр бергиси келбейт. Акыры жан эргитчү жакшы сөздөрдү айтып отуруп номерин алып, бир күнү жолугушууга чакырдым. Бир көргөндө эле мага жагымдуу сезимдерди калтырды. Насип тагдыр экен, арзуумду билгизип, анын сүйүүсүнө татыдым. Бир күнү күтүлбөгөн жерден колун сурап, баш кошууну сунуштап салдым. Эмне дээрин билбей убакыт сурады. Мен болсо «жообун эки саатта айтасың» деп жанынан кетпей көгөрдүм. Ошентип, эки-үч күн ойлонуп жүрүп, анан макулдугун берип баш коштук.
– Ноокаттын эли жайыл дасторкон кылып 3 күндөп той беришет эле, сиздин той кантти, кайда өттү?
Ноокаттыктар мурун үч күн той берсе, азыр төрт күнгө көбөйүп калыптыр. Мен да төрт күн той берип, кадимки салтты кармап үйлөндүм. Кичи мекенимде, тууган-туушкандардын жанында досторумдун баарын чакырып той кылып, өмүрүмдүн бактылуу күндөрүн өткөрдүм.
– Мындан 2 жыл мурун бизге берген маегиңизде “11-класска чейин мектептин сахнасынан түшкөн жокмун” дегенсиз. Кайсы ырды ырдап, кимди кумир тутчу элеңиз? Жана азыр ырчы болууга эмнеге болбосун?
Билем, күнү бүгүнкүдөй эсимде. Мен бала кезде эле алып баруучу элем да. Орустардын Валдис Пельш деген алып баруучусун кумир тутчумун. Мектептер аралык сынактардын баарында алып баруучу болуп жүрдүм. Мектепте, болгону, 3 ырды ырдачумун. Ибрагим Жунусовдун “Туулган күнүм”, анан “Дайрадай” деген ыр бар болчу, авторун билбейм, ошол ырды ырдачумун. Акыркы окуучулук жылдары Кудайберген Кутуевдин “Сүйүү балын” ырдап жүргөм. Азыр кээде шеринелерде ырдап калам. “Жакшы ырдайсың” дешет, бирок “ар бир адам өз ишин кылганы жакшы” деп күлөм. Мени күйөрмандар алып баруучу катары кабылдайт. Ырдап чыгууну ойлонбопмун.
– Бирөө айткан экен, “ар жерге башымды тыгып көрдүм, деги мен иштебеген иш калбады” деп...
Мен кесибим боюнча юристмин. 2004-жылы КМЮАны аяктагам. Өз ишим боюнча иштеп деле көрдүм, жан дүйнөмө жакын келбеди. Чыгармачылык тартып туруп алды. Окууну улантып, юридикалык терминдер баары орус тилинде, ошону кыргыз тилине которуп чыксам деген ой менде көптөн бери жүрөт, качан ишке ашат билбейм. Ар жакка башымды тыга бергим келбейт. “Дарак бир жерден көгөрөт” деген сөздү жакшы көрөм.
Сиз алпарган кайсы берүү көрөрмандын жүрөгүндө, эсинде көпкө чейин калды деп ойлойсуз?
Мен баса белгилеп, тигил же бул деп айтпайм, анткени баары менин эмгегимдин үзүрүнөн жаралган. Ар бир программа өзүнүн аудиториясына ээ. Бирок азыркы күнгө чейин “Унуталбаймды” кайрадан чыгарсаңар жакшы болмок” деп айтышат.
– Эфирде отуруп кашыңызды серпе бересиз, сизде арыла албай жүргөн дагы кандай адат бар?
Мм-м, бул адат менде калбайт окшойт. Ооба, билем, кашымды серпип сүйлөйм, бирок арылууга аракет кылып көрбөпмүн. Дагы бир адатым, экранды карап көзүмдү бир дагы ирмебей сүйлөчүмүн, азыр ушул нерседен араң арылдым.
– Артык, Сапардын “Атага кат” ырынын клибинде тентек баланын ролун укмуш аткаргансыз. Негизи, Шайырбек үйдө кандай уул? Анан да бапестеген ата-эненин түйшүгү, боор тартчу бир туугандар, алардын жакындыгы тууралуу сурагым келет?..
“Атага кат” ырынын клибиндеги образга карама-каршымын. Жашоодо кээде катуумун, ошол эле учурда жумшакмын дагы. Мүнөзүм оор болгон учурлар көп болот. Тилекке каршы, атам өтө жаш кезинде дүйнө салды. Бул мен үчүн, дегеле биздин үй-бүлө үчүн өтө оор жоготуу жана катуу сокку болду. Үйдүн эң улуусу болгондуктан, апакемдин жана бир туугандарымдын ишенгени мен экенимди ар дайым жүрөгүмө бек сактайм. Апамдын сөзүн эки кыла албайм, ал киши үчүн баарын жасаганга даярмын. Үй-бүлөдө төрт бир тууганбыз, эки карындашым жана иним бар. Бир карындашым турмуш куруп, сүйүктүү жар. Иним, дагы бир карындашым апам менен бирге айылда. Жумуш деп жүрүп көп убакыт алар менен көрүшпөй калам. Телефондон эмне болсо баарын мага айтышат, мага ишенишет, ошого кубанам. Эч кимисине катуу сүйлөбөйм, анткени аларды кубантуу жана аларды карап туруу менин негизги милдетим.
– Мен мындай сөз уккам да “Бравону” алпарган баланын буту өтө эле узун экен, же диваны кыскабы?” деген. Өзүңүзгө карата сынды ким биринчи айтты эле жана кандай кабыл алгансыз?
Сын-пикирди туура кабыл алам, эч качан чычалабайм. “Диван кыска” деп айтпайм, болгону, менин боюм узун, анан албетте, буттун узундугу ошого жараша болот да. Мага эң биринчи сынды ким айтканы эсимде жок. “Ыр майрамда” көзүмдү бир да жолу ирмебей сүйлөгөнүм тууралуу сын уккам. Режиссёр “кээде көзүңдү ирмеп кой, бакырайып эле карап тура берген болбойт” деген. Сын-пикир болгону жакшы, бирок кээ бир сынчылар аша чаап кетишет. Андайда моюнга албай четке кагып туруп алам.
– Бизге билинбегени менен, жаңылып сүйлөп алуу, кадр артындагы кызыктар көп болсо керек...
Кээде жаңылып калып, аны оңдоп кеткенге аракет кылам. 2007-жылы 31-августка карата концерттик программа жасап жатканбыз, ошондо алып баруучунун сөзүн өзүнчө жазып алабыз деп калтырып койгон элек. Эртеси өзүм жаздырып жатып 31-августту 21-август деп кайра-кайра айтыптырмын, аны байкабайм, кийин көрүп алып, кайра башынан оңдоп айткам.
– Ноокатта ичкилик, 30 уул деген уруулар бар эмеспи, сиз кайсынысына киресиз?
Мен бөлүнбөйм таптакыр. Бирок ичкилик болом.
– Сизди “биздин алпаруучу бала” деп тергешсе керек жеңелериңиз. Анан да күйөрмандар бар. Таанып калып кол тамга алган убак болобу же Шайырбек жөпжөнөкөй жигитпи?
Салтты бекем кармайм. Ошондуктан сен деген жеңелерим жок, баары сиз деп тергешет. Экрандан сырткары кадимки эле жөнөкөй адаммын. Көчөдө көбү таанышат, кол тамга сурагандарга жазып берем. Кээде колу менен көрсөтүп калышканда мен да алардан көзүмдү албай тиктеп жеңип кетем.
– Нааразы болуп, көңүл чөккөн убакта эмне кыласыз?
Көңүл чөксө, жалгыз калып ойлоном. Таарынчаак эмесмин.
– Катуу жиниңизге тийип, өмүр бою кек сактоочу учур болгонбу? Дегеле Шайырбек кандай адам?
Кек сактабайм деп айталбайм. Менин көөнүмө жакпаган иш кылып койдубу, демек болду, ал адам мен үчүн жок деп эсептейм. Бул менин кемчилигим, кечиримдүү болуш керек. Бирок мен абдан катуумун, кечиргенди билбейм. Чогуу окуган бир группалашым биринчи курста абдан жаман сөз айткан, аны менен азыркыга чейин сүйлөшпөйм, сүйлөшкүм да келбейт.
– “Досум, дос элек коон үзгөндө, тетири карап калыптырсың бозо сүзгөндө” дейт. Шоу дүйнөдө ким менен өтө ынаксыз? Кимдин ырын көп угуп, кыңылдап кайсы ыр сиз менен кошо жаңырат?
Достукту сыйлайм, досторум көп, айылда жана шаарда. Алар менен мен Шайырбек Арапов деген ат жасай элегимде дос болгонмун, ошол боюнча калгам, түбөлүккө достугумду үзбөйм. Шоу дүйнөсүндө ынак болуп деле дос болуп көрбөгөм. Биздин шоу-бизнесте достук жок, болгону, кызыкчылык гана бар. Ошого карабай мен сыйлап мамиле курган чыгармачыл инсандар арбын. Мен эски ырларды жакшы көрөм. Мени менен кошо эски ырлар жаңырат.
– Ильяз Абдыразаковго казактар мындай суроо беришкен экен, “Tойота Ленд Крузериңиз барбы, жок болсо биз алып берелиби?” деп. Сизге берилген суроолордун ичинен кайсы суроо таң калтырып, азыркыга чейин эстейсиз?
Эң эле эсимде калганы “Атага кат” клиби жарыкка чыгып, элдин баары билип бүтүп эки жыл өткөн соң бир журналист мага “клипке тартылгыңыз келеби?” деген суроо узаткан. “Мен “Атага катка” тартылгам” десем, “ошол сиз белеңиз?” деп журналист оозумду Ошту караткан.
– Айрымдар атын чыгарыш үчүн ар кандай амал ойлоп табышат, сизчи?
Гезиттерге көп чыга бербейм. Аны баары эле билишсе керек. Эгер туура пиар болсо жакшы нерсе, бирок жасап көрө элекмин.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(18)
21.01.2011. 19:34 
Тайпасы:
Кыймылы жок
Комментарийлердин саны:
49
Катталган:
21-10-2007
Соӊку аракети:
15-07-2015 09:55
Жынысы:
Белгисиз
0
Шайырбек Арапов мага жаккан телеалпаруучулардын бири. Жубайыныз менен эн бактылуу уй-булоолордон болунуз, иштеринизге албан албан ийгиликтерди каалайм демекчимин.
22.01.2011. 00:10 
Тайпасы:
Кыймылы жок
Комментарийлердин саны:
102
Катталган:
26-03-2008
Соӊку аракети:
14-03-2012 10:00
Жынысы:
Белгисиз
Калаасы:
Bishkek
0
Болунбойн дейсин бирок ичкиликтер силер аябай болосунор бизди КОКУЙЛАР дейсинер короче Баткен областынан башкасынын баардыгы кокуйлар дейсинер эмнеге?
22.01.2011. 00:47 
Тайпасы:
Кыймылы жок
Комментарийлердин саны:
150
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
негизи кыйын жигит...мен ишине коооп ийгиликтерди каалайт элем жана уй булосуно дагы ... он мне ооочень симпатичен...
22.01.2011. 10:48 
Тайпасы:
Кыймылы жок
Комментарийлердин саны:
6
Катталган:
12-10-2007
Соӊку аракети:
27-11-2012 19:52
Жынысы:
Белгисиз
Калаасы:
Кыргызстан
0
jua Сага окшогон адамдар бар учун ушундай болунуулор болуп жатат.Абайласаң ичкилик аркалык айрымасы эмнеде кыргызбызго баарыбыз.Абайланыз мен мисалы аркалык болсом да баарын бирдей кором.Шайырбек Араповду жакшы алып баруучу катары сыйлайм.Анан калса келгилечи болунбойлучу суранам.
22.01.2011. 10:52 
Тайпасы:
Кыймылы жок
Комментарийлердин саны:
1
Катталган:
31-10-2010
Соӊку аракети:
12-06-2014 15:37
Жынысы:
Белгисиз
0
Fred Туура айтасын JUA га окшогон панкуштар бар экен кыргыздар онолбойбуз.Шайырбек ийгилик бактылуу бол алганын менен.Азаматсын негизи сени менен менин досум жакын тааныш экен.сени ар дайым жонокойлугунду айтат ошонундан жазба.Мен лично сен ичкилик болгонуна карабастан сенин суйлогонунду алып барганынды сыйлайм.Мен сени ичкилик деп ойлобоптурмун эмнеге таптакыр ичкиликтерге окшоп суйлобойсун?Таза суйлосунго же шаарда осконсунбу?
22.01.2011. 10:54 
Тайпасы:
Кыймылы жок
Комментарийлердин саны:
1
Катталган:
11-11-2010
Соӊку аракети:
22-01-2011 10:54
Жынысы:
Белгисиз
0
Менин эн жакшы коргон алып баруучум.Сага ийгиликтерди каалайм.Былтыр колго келгениде коргом.Быйыл келсен мага айтып койчу суранам.мен сени менен жон гана таанышкым келет.Азаматсын.Мен бөлүнбөйм таптакыр. Бирок ичкилик болом.эч качан болунбо биз сени мененбиз.
22.01.2011. 11:56 
Тайпасы:
Кыймылы жок
Комментарийлердин саны:
102
Катталган:
26-03-2008
Соӊку аракети:
14-03-2012 10:00
Жынысы:
Белгисиз
Калаасы:
Bishkek
0
Fred жана abbas сиздер биринчи Баткен обл.барып иштеп келиниздер анан мага рахмат айтасыздар мен дагы башта биз баарыбыз кыргызбыз болунбош керек деп ойлочумун Баткенге иштеп барганда алар антип ойлошпойт экен сен аркалыксын дагы дебейт алар аркалык дегенди КОКУЙЛАР дешет экен беттине эле сиз кокуйлардан болосузбу деп жайлашат мен негизи болгум да болунгум дагы келбейт так что abbas жазып жатканда созунузго жооп берип анан суйлонуз хорошо
22.01.2011. 12:09 
Тайпасы:
Кыймылы жок
Комментарийлердин саны:
3
Катталган:
22-01-2011
Соӊку аракети:
29-01-2011 16:16
Жынысы:
Белгисиз
0
Менин оюмча эң мыкты алып баруучу бирок өзүн өтө эле бийик коюп алат
22.01.2011. 18:22 
Тайпасы:
Кыймылы жок
Комментарийлердин саны:
80
Катталган:
30-04-2010
Соӊку аракети:
03-09-2015 17:52
Жынысы:
Белгисиз
Калаасы:
Бишкек
0
Мага жагат. Жакшы алып барат. Браво!!! Бактылуу болгула! Келинчеги жонокой экен.
22.01.2011. 23:35 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Ар бир областта жакшы жаман адамдар бар да,беш кол сен эмес го,болунбойлу достор.Мага лично баары бирдей.
23.01.2011. 14:27 
Тайпасы:
Администраторы
Комментарийлердин саны:
138
Катталган:
14-08-2006
Соӊку аракети:
25-09-2018 15:38
Жынысы:
Белгисиз
Калаасы:
Бишкек шаары, Фрунзе көчөсү 402 (Исанов көчөсү менен кесилиште)
0
Жер-жерликке болунгон билдируулор дагы жазылса, эскертуусуз банга!
24.01.2011. 03:36 
Тайпасы:
Жаран
Комментарийлердин саны:
131
Катталган:
12-07-2009
Соӊку аракети:
01-04-2018 20:23
Жынысы:
Белгисиз
Калаасы:
Canada
0
Syrottory jok go deim?
Je 4et jerdegilerge korynboy jataby?
24.01.2011. 03:42 
Тайпасы:
Кыймылы жок
Комментарийлердин саны:
150
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
да мага да суроттору корунбой жатат....
24.01.2011. 11:26 
Тайпасы:
Жаран
Комментарийлердин саны:
344
Катталган:
07-09-2010
Соӊку аракети:
25-09-2018 08:36
Жынысы:
Белгисиз
0
Ушул жигит менен бир суйлошуулор болуп ото жонокой ж/а элпек экенин байкагам...азамат бар бол!
25.01.2011. 12:36 
Тайпасы:
Жаран
Комментарийлердин саны:
88
Катталган:
01-11-2010
Соӊку аракети:
08-08-2018 17:22
Жынысы:
Белгисиз
Калаасы:
Бишкек
0
Аялын катуу кармайт окшойт.
25.01.2011. 14:23 
Тайпасы:
Кыймылы жок
Комментарийлердин саны:
3
Катталган:
22-01-2011
Соӊку аракети:
16-03-2013 15:12
Жынысы:
Белгисиз
0
Шайырбек азамат,бактылуу бол!!корсотуулорду ар дайым маанилуу,жонокой алып барат.болунуулор туурасында,ар жерде ар кандай адамдар болот,кыргызэлитасынын баштоочусу Исхак Раззаков деле ичкиликко.Бишкектен эмес Оштон да коп кордум,ичкиликтерди болуп айтышат.
27.01.2011. 13:38 
Тайпасы:
Кыймылы жок
Комментарийлердин саны:
37
Катталган:
28-11-2010
Соӊку аракети:
08-07-2014 14:00
Жынысы:
Белгисиз
Калаасы:
Ош. Азырынча Москвада
0
Бактылуу болунуз жубайыныз м-н узак омур сурунуз,иштеринизге ийгилик!
29.01.2011. 20:11 
Тайпасы:
Кыймылы жок
Комментарийлердин саны:
9
Катталган:
24-12-2010
Соӊку аракети:
30-12-2015 21:21
Жынысы:
Белгисиз
Калаасы:
Москва
0
Азаматсыз Шайыр!Сизге уй булолук бакыт жана ишинизге ийгилик каалайм.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: