Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МУЛЬТФИЛЬМ СЫРЛАРЫ

№245 13-19-июль, 2007-ж.


Симба, Аладдин, Винни Пух, Шрек, Алекс, Том менен Жерри, Лило жана Стич... Балалыкты эске салган сүйүктүү мультфильм каармандары улуу муундун да, жаңы муундун да жүрөгүнөн түнөк таап келет. Кичинекейлер ар бир сөзүн жаттап алгыча аларды жүз жолу көрүшсө да эч тажашпайт. Ал эми мультфильмдин мыкты жаратуучулары кинематографтардан кем калбай атактуу кызыл килемде басып, “Оскар”, “Энни” сыйлыктарына ээ болуп келет.
Бүгүн көнүмүш рубрикабыздын салтынан четтеп, мультфильм сырлары тууралуу баяндамакчыбыз жана убак-убагы менен популярдуу мультфильмдердин жаралышы, каармандары жөнүндө маалымат берип турмакчыбыз.

ТАРЫХТАН...
Көрсө, анимация кинематографиядан да улуу экен. Эгер кинематография 1895-жылы пайда болсо, мультфильмдин пайда болгон датасы 1892-жыл деп эсептелет. Француз окумуштуусу, сү­рөт­чү Эмил Рейно кадимки блокноттун ар бир бетине сүрөт тартып, беттерди тез-тез барактап, кыймылдуу сүрөт­төрдү көрсөткөн.
Тарыхчылар “биринчи графикалык мультфильм 1908-жылы Эмил Коль аттуу аниматор тарабынан тартылган” деп эсептешет. Анын чыгармасы “Фантасмагория” деп аталчу. Анимация тарыхындагы дагы бир пионер, америкалык Стюарт Блектон, карикатура жана комикс китепчелерин тартып, мультфильм тарыхынын өнүгүүсүнө салым кошкон.
Советтик мультфильмдин тарыхы 1929-жылы тартылган “Почта” аттуу мультипликациялык фильм менен башталат. Ал эми биринчи кыргыз тилинде тартылган анимациялык фильмдер – “Сандардын талашы”, “Акылкарачач” жана башкалар. Жакында жаш аниматор Изат Абдраимовдун “Гүл” деп аталган жаңы мультипликациялык тасмасы жарык көргөнү сүйүнтөөрлүк жаңылык.
Антсе да кыргыз мультфильмдеринин аз экендиги өкүнүчтүү. Бирок, чет элдик мультфильмдерди кыргыз тилинде көрсөтүү – кичинекей балдарга чоң белек. Кыргыз элинин менталитетине ылайык болгон советтик жана башка чет өлкөлүк мультфильмдерди которуп, дубляждоо ишин алып барган Кыргыз телевидениесинин алдындагы “Дөөлөт” студиясы 300гө жакын мультфильмди кыргызча которуп даярдоого жетишкен.

ТАРТУУ ЖОЛДОРУ
“Мультфильм” сөзү кулакка абдан сиңип калгандыктан, анын мааниси жөнүндө деле ой салып көрбөсөңүз керек. “Мультфильм” деген сөз “көбөйтүү”, ал эми “анимация” – “жандандыруу”, “жан киргизүү” деген түшүнүктөрдү берет.
Мультипликациялык фильмди тартуу­да адегенде куурчактар колдонулчу экен. Мисалы, “Чебурашка” (“Союзмультфильм”) тасмасы. Көптөгөн режиссёрлор чыгармалары үчүн пластилин колдонууну жакшы көрүшөт. Мисал катары Александр Татпарскийдин 1980-жылкы “Пластилин карга” аттуу мультфильмин эсиңизге салабыз.
Мультфильм жаратуунун дагы бир жолу – сүрөт тартуу. Бул абдан оор, кылдаттыкты талап кылган жумуш. Анимациялык фильмдерди тартуу жолдору техника менен бирге өнүгүп келе жатканы талашсыз. Заманбап компьютердик программалардын жардамы менен тез аранын ичинде көптөгөн мультфильмдер жаралууда: “Супер-үйбүлө”, “Мергенчилик мезгил”, “Желмогуздар уюму”...

КИНОДОН КЕМ ЭМЕС
1930-жылдарда ишке киришкен “Уолт Дисней” кинокомпаниясы жөнөкөй эле чычканды бренд (символ) катары колдонуп, тез арада популярдуулукка жетишти. Атактуу Микки Маус компанияга кадыр-барк менен бирге акча да алып келди. “Диснейдин” алдында кызмат кылган “Пиксар” студиясы жалаң мультфильм тартуу менен иш алпарат. Акыркы жылдарда балдар гана эмес, чоңдордун да көңүлүн бурган “Хан арстан”, “Лило менен Стич”, “Мадагаскар”, “Рататуй” сыяктуу мультфильмдер жаралды. Булар популярдуулугу жана топтогон кирешеси боюнча көптөгөн кинотасмалардан алдыда турушат. Ал эми андагы каармандар кадимки актёрлордой эле таанымал болуп калышты.

КЫЗЫКТУУСУ
Тарыхтагы эң баалуу мультипликациялык кадр – “Кар кыз менен жети гном” (“Дисней”, 1937-жыл) мультфильминдеги колго тартылган сүрөттөрдүн бири. Аны 1991-жылы 222 миң 525 долларга сатышкан.

Дүйнөдөгү эң кымбат мультфильмдер төмөнкүлөр:

  • Жапон аниматору Катсухиро Отомонун “Стимбой” аттуу анимациялык фильми. Бюджети 20 миллион доллар.
  • “Египеттин ханзаадасы” (“Дрим Воркс”, 1998-жыл) мультфильми, бюджети 60 миллион доллар. Мультфильм үстүндө 4 жыл бою 350 актёр жана аниматорлор иштеген.
  • Ал эми чыныгы рекордду азыркы учурда популярдуу болуп жаткан “Үчүнчү Шрек” койду. Анын бюджети 160 миллион АКШ доллары!
    Эң узун “Попей-деңизчи” деген мультфильм америкалык “Макс Флей-Шер” студиясы тарабынан 24 жыл бою тартылган жана 233 бөлүктөн турат.
    Голливуддун эң популярдуу мультфильм каарманы болуп атактуу Микки Маус эсептелет. Бул чычкан күйөрмандарынан айына болжол менен 60 миң кат алып турат. Ошондой эле кичинекей балдардын көңүлүн “Мадагаскар”, “Муз доору” тасмалары бурат. Анын каармандары оюнчук түрүндө миллиарддап жасалып сатылат.
    Эң көп киреше тапкан мультфильмдер булар: “Үчүнчү Шрек” – 570 миллион, “Хан арстан” – 785 миллион, “Немону издөө” – 868 миллион доллар. Кинодон түшкөн кирешеден аз айырмаланат бекен?
    Атайын анимациялык тасмага арналган эң чоң музей Американын Флорида штатында жайгашкан. Анда 50 өлкөдөн алынып келинген 160 миң кадр (сүрөт), жалпы эсеп менен 1000 саатка созулган видеокассеталар жана 250 адамга ылайыкташтырылган кинотеатр бар.
    Эң көп пластилин колдонулган мультфильм – “Тоокканадан качуу” (“Аардман Анимейшн”, 2000-жыл). Тасманы тартууда 2 миң 380 килограмм түстүү пластилин керектелген. Мындан сырткары, бул тасма кадрлардын саны менен айырмаланат. 82 мүнөттүк тасмада 118 миң кадр бар (салыштыруу үчүн: жөнөкөй кинодо кадрдын саны 500-1000 тегерегинде болот).

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: