Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№430 28-январь - 3-февраль, 2011-жыл


(Башы өткөн саныбызда)

– Ким?! Мыктыбек ошондой дейби? Оо атаң көрү десе. Аны чөктүрө тургандар табылбай калат дейсиңби. Коркпой айта бер.
– Мен коркподум, аба. Сиз үчүн коркуп жатам. Мени чөктүрбөйт ал.
– Аа десе, мен үчүн коркпо, атаң көрү. Андан көрө айтып койчу, балам, сен атыңдын атын эмнеге Карачаң деп койдуң эле?
– Атым чуркаганда кара чаң чыгат да, кара чаң, Эшпай аба!
– А бали, ушу сөзүң жагат да мага, Адилет,- деп каткырып, өзүнчө бир ыраазы болуп алды абышка.
– Мен шашып баратам, жакшы барып келгиле-, деп андан ары жолун улады Адилет.
– Болуптур анда. Терминаторду көрсөң салам-дуба деп кой.
Эшпай чал насыбайдан ээктин алдына салды да, эшегин “чүлөй” неберелеринин артынан жөнөдү.
Аксакал 70 жаштан ашса да, саат төрткө жетпей 4 эшек отунду артып жетип келет. Тестиер неберелери эшектин башын кармап туруп бербесе эле, башка пайдасы жок. Баарын өзү кылат. Таң каласың. Менин чоң атам мындай курагында эшекке зорго минчү. Анысы мындай турсун, Эшпай абам жаш балдардай бутуна кроссовка киет. Пенсия алганы костюм-шым киет да, бутуна жалтыраган туфли кийип алат. Жаш келиндерге тийишкеничи... И-ий, боорду эзет да тим эле” Адилет абышканы көзү менен узатып калды.
Атты аркандайын деп баратып токтоп калды. “Карачаңды аркандабай туруп, торпокту карап келе калайынчы” деп өзүнө-өзү ыраазы болгондой, атына кайра тырмышып минди. Торпогу көбүнчө Максаттын сарайынын үстүндөгү капталдарда жүрчү.
Жолдо баратып түндө көргөн түшү эсине келе түштү. Түшүндө атасы тоолордо жашынып жүрүптүр. Жүдөп, сакалы өсүп, кийими тытылып тамтыгы калбаган. Көргөн түшү толук эсине келген Адилет чын эле атасы жашынып жүргөндөй тоо тарапты үмүттөнө карап алды. Аны менен тим болбой атын токтото калып, дүрбү салып ойлонуп...
“Байкуш атам эмне кылып жүрдү экен? Кыйналды го жалгыз. Кандай жашоону көрүп, кайда жүрөт? Үйдө батинкесин да жалтыратып мен тазалап берет элем го...”
Ойго чөмүлүп бараткан Адилетти алдынан чыккан добуш токтотту. Максаттын кызы менен баласы келе жатыптыр. Үстүндө кийимдери жок, көздөрүнөн жаш куюлган. 6 жашар кызы 2 жашар инисин колунан жетелеп алган.
– Асел, не болду? Кайда баратасыңар? Кийимиңер кана?
– Атам түндө мас болуп келген. Апамды уруп жатат!..
Секелек кыз буркурап ыйлап жиберди. Анын артынан иниси да өңгүрөп коштоп кирди.
– Асел, токто, ыйлаба. Мен азыр.
Аттан түшүп, спорт костюму менен футболкасын чечип, экөөнүн үстүнө кийгизди.
– Силер ушул жерде тургула, мен азыр үйүңөргө барып, силерге кийим алып келем.
Аңгыча Максаттын сарайы жактан мылтыктын атылган үнү угулду. Бир нерседен чочулаган Адилет атына шапа-шуп мине сарайды көздөй чаап жөнөдү. Тамдын бурчунан кыйкырык чыккан жакты карап, акырын башын чыгарды. Көзү көргөн көрүнүшкө анчейин ишене бербеди. Максат жерде жатат, чалкасынан. Аялы Рыскан мылтыкты күйөөсүнө көздөп жанында турат. Күйөөсү апалап кыйкырып жатат.
– Рыскан жеңе, мен бул Адилет.
– Сен эмне кылып жүрөсүң бул жакта?
Максат менен Рыскан экөө жарыша суроо узатышты.
– Сен сүйлөбөй жат, алкаш! Мээңди чачырата атам. Сеники жетишти,- деп Рыскан жини менен мылтык кезеп калды.
– Ээй, жеңе, атпаң, атпаң! Мен торпок издеп жүрүп, Аселдерди жолуктуруп калдым. Кийимдери жок экен. Өзүмдүн кийимимди жаап койдум. Кийим бериңиз аларга? Не болуп жатат өзү, жеңе? Тынччылыкпы?
– Бул ит кечээ 10 жылдыктагылар менен отурганы кеткен, сыйлап коёюн деп. Түн жарымда мас болуп келип, “мага тамак бер” деп эле сабап кирсе болобу. Түнү менен алыштык. Эч жеримди койбоду,- деп Рыскан көз жашын төгүп кирди.
Чынында, Рыскан жеңенин бетинде соо жер жок, канжалап кетиптир. Бир жак көзү шишип, кашынын капталы жырылган. Кийиминде тамтык жок.
– Мындайы жок эле го Максат акемдин?
– Жок эле болчу, бүгүн кайсы жин тийген буга билбейм. Кире бериште аркан турат. Алып келип байлачы бул эшекти.
– Жеңе, байлабай эле койбоюнбу? Өзүнө келейин деп калыптыр го?
– Байла, байла. Өзүнө келбейт бул. Мылтыкты кулагынын жанына туштап атып жибергем. Ошого үнү жакшы чыкпай, деңгиреп калды. Азыр дагы баштайт тим койсо. Адилет, байлап бер эми?..
Арканды алып чыгып, Максаттын жанына келип туруп калды. Экөө бири-бирине тигилип карап турушат.
– Оодарыл, чочко!
Рыскан күйөөсүнө буюрду.
Окуя өтө түпкүрлөп кеткенин сезген Максат оодарылып, эки колун артка кылып, көмкөрөсүнөн жатып берди. Адилет минтип адам байлаган учурга биринчи жолу кабылышы. Ошентсе да козу байлагандай эле Максаттын колу-бутун таңып салды.
– Рахмат. Эми сазайын берем бул иттин,- деп оор үшкүрүп алды Рыскан.
– Жеңе, барып балдарды алып келейин, анан мен кеткенден кийин сазайын бере бересиз.
– Макул, сен алып келе бер, мен бети-башымды жууп турайын.
– Болуптур, кеттим,- деп Адилет Максаттын балдарын алып келгени чуркап кетти.
Балдарды калтырган жерге жетип барса, байкуштар уктап калышыптыр. Аларды ойготуп, кичинесин көтөрүп, чоңун жетелеп үйдү көздөй жөнөдү.
Уул-кызын колуна алган Рыскан үйүнө алып кирип жаткырды. Балдар атасын көрбөсүн деп Максаттын үстүнө жаман таарды жаап, үстүнө токулгаларды таштап салыптыр.
– Жеңе, мен кеттим.
Үй тарапты карай кыйкырып калды.
– Токтой тур, азыр чыгам.
Жанагы эле телевизордон боксёрлор былчылдашып мушташып, бети-башы шишип чыгат го тим эле. Жеңемдин бети-башы дал эле ошол боксёрлордун бетиндей болуп калыптыр. Элестетип алып күлүп жиберейин дедим. Аңгыча:
– Сен болбосоң дагы канча кыйналат элем?! Эми муну эч кимге айтпай эле кой, ээ?! Шерменде эле болдук, шерменде.
– Жок, жеңе, айтпайм эч кимге. Макул, жакшы калыңыз. Мен кеттим.
Максатка мынчалык эмне болду экен? Рыскан жеңем үйүн жакшы карайт, балдарын таптаза алып жүрөт, жадакалса малга да аралашат. Кээде чөптө жүргөнүн да көрүп калам. Бой десе бой, келбет десе келбети бар татынакай. Болду-болбоду, ушул Максатка кечээки он жылдыкка шаардан келген кыздар сулуу көрүнүп кеткен окшойт. Андай болсо, аялыңды модалуу кийинтип, жакшылап карап кой да. Рыскан жеңем алардан да сулуу болуп чыга келет. Маселе чечилет да калат. Бирок анда да “кимге көрүнө албай жатасың, сулууланып?!” деп кызганып чыгышы мүмкүн. Ээй, эмнеси болсо да бактылуу болушсунчу. А мен баарын башыма келгенде түшүнүп алармын” деп кобурап алды.
Адилет бир аз мурун болуп өткөн окуялардан алыс кете албай баратты. Рыскан жеңесинин бети-башын эстегенде, айласыздан быкшып күлүп коёт. Торпокту издеп бул жакка келгени жадынан чыгып кетти. Аксак торпогу мынчалык алыска кете албасы да оюна келбеди.
Ал кечинде боло турган кечени элестетип жыргап баратты.

Залкарбек Карабалаев

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
06.02.2011. 10:36 
Тайпасы:
Кыймылы жок
Комментарийлердин саны:
49
Катталган:
21-10-2007
Соӊку аракети:
15-07-2015 09:55
Жынысы:
Белгисиз
0
Байкуш Рыскан жене...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: