Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№430 28-январь - 3-февраль, 2011-жыл


(Башы өткөн сандарыбызда)

Биз каалайбызбы, каалабайбызбы, күндөр өтө берет, ээ? Кош бойлуу экенимди угуп, атам аябай кубанды. “Жакында неберелүү болом” деп баарына айтып чыгыптыр. Демек, Арстан да укту...
Башында эне болорум жөнүндөгү ойду жаныма жууткум келчү эмес. Эми өзүмдөгү өзгөрүүлөрдү кызыгуу менен байкап, балакай менен сүйлөшүүнү адатка айланттым. Катаны кетирсем мен кетирдим, арманым да мага гана тиешелүү, наристеде не күнөө? Атамды, өзүмдү көз алдыма көп келтирчү болдум. Апам төрөттүн айынан каза болуп калганда атам бала аттуунун баарынан кечип жибере жаздабады беле. Анын мага жасаган салкын мамилесинен улам эрке-талтаң жаным түнт, ичимтап болуп кеткенмин. Ким билет, Арстан жашоомдо пайда болбосо кандай адам болуп калыптанар элем? Баламдын мен тарткан азапты тартышын каалабайм.
Мына кызык, наристе менин туулган күнүмдө жарыкка келүүнү туура көрдү. Врачтардын жазып бергени боюнча, дагы эки жумадан кийин төрөлмөк. Бирок төрөт үйүнө 12-ноябрдын түнүндө барууга туура келди. Баары эле ушинтип кыйналабы, билбедим. Балким, эне болуу бактысынан коркконум үчүн Кудай мени ушинтип жазалоону чечкендир. Кандай азап тартканымды айтпай эле коёюн, ал өзүмдө гана калсын. Улам эсимди жоготуп, кайра өзүмө келип врачтардын айласын кетирдим. Апакесин катуу кыйнаган бала таңкы саат беште жарыкка келди. Көзү ачылбай, оозу-мурдун бырыштыра бакырып жаткан наристеге сонуркай тигилип турдум. Чын эле ушул баланы мен төрөдүмбү?
– Бешик боо бек болсун, Элдар мырза!
Балам экөөбүзгө жеткирбей эле сүйүнчү айтуучуларды күткөнгө чыдамы жетпей кирип келген Элдардан врачтар сүйүнчү доолап киришти.
– Сүйүнчү силерден айлансын! Балам кандай, ден соолугу жакшыбы?
Менин деле ал-акыбалымды сурап койсо болор беле?
– Айдайчы? Анын акыбалы кандай?
Ии, бул башка кеп. Ичимден ыраазы боло тынчып калдым.
– Жаным, алтындарым менин!
Элдар кимибизди өөп, кимибизге жалынарды билбей, калдастап турду. Урматтуу айымдар, кээде ушинтип күйөөңөрдүн ичин бышырып койсоңор болот экен. Уулдуу болорун алдын ала билбеген биздин атабыз жерге-сууга батпай кубанып жатты. Кырктын кырына барып калганда уулдуу болуу да өзгөчө окшойт.
– Айдай, бул сага.
Эртеси күнү мээрман айым кызыл-тазыл майда гүлдөрдөн жасалган гүлдесте алып кирди. Өмүрү көрбөгөм мындай гүлдөрдү.
– Ким алып келди?
– Байкең сен уктап жатканыңда келди. “Агасы болом, аман-эсен төрөп алганына кубанычтамын. Шашып турам, муну берип коюңуз” деп гүлдү, анан олчойгон сүйүнчү пул таштап кетти.
Арстан! Арстан келиптир!
– Качан кетти? Кайсы тарапка кетти?
– Билбедим, сыртка чыгып кеткен. Агаң аябай тынчсызданды. Чыдамы кете төрөт үйүн айланып басып жүргөнүнөн “кайсы аялдын күйөөсү?” деп билбей жатканбыз. Көрсө, агаң экен. Төрөгөнүңдү укканда теңселип кетип отура калды.
– Неге ойготуп койгон жоксуз?
– Айдайка, эмне болду сага? Жат-жат, турба, өңүң купкуу болуп кетти.
– Канча болду кеткенине?
– Жарым саатча болуп калды.
– Башка эч нерсе айтпадыбы?
– Жок, башка эч нерсе айткан жок.
Кашайгырдыкы, демейде чакчайып жумулбаган көзүм ошондо илинип кеткенин карачы! Тапкан экенсиң уктай турган маалды! Иии-ий! Ичим туз куйгандай ачышып кетти.
– Неге уктадымм-мм?
Алаканым менен маңдайымды койгулап жибердим.
– Айдай, чын эле байкең беле?
Ой, мээрман айым кете элек тура!
– Ооба, байкем. Просто таарынышып кеткенбиз. Көптөн бери сүйлөшө элек болчубуз. Атайы мен уктап жатканда кириптир да. Мени кантип чычалатыш керегин жакшы билет. Талуу жерим кайда экенин да жакшы билет.
Акыркы сөздөрдү мээрман айымга эмес, өзүмө айттым окшойт. Үч жыл болуп кетиптир көрө элегиме. Үч жыл... Айтып алып өзүм да чочуп кеттим. Чын эле ушунча убакыт өтүп кеттиби? Кечээ эле көргөнүмө карабай, бүгүн бултуюп сагынып жаткандаймын. Уктасам түшүмдө, күнү көз алдымда. Үч жылы үч күнгө, үч күнү үч кылымга тете болуп сагынып, зарыгып күткөн адам гана менин абалымды түшүнсө керек. Не деген азап, ошончо зарыгып күтүп жүрүп, керек маалда бырылдап уктап калган?
Көзүм тунарып кетти. Кайран көз жаштар дагы куюла баштаган тура. Кой, Айдай, бырылдап ыйлай бермейиңди токтот эми. Уулуң бар, ошону ойло! И, жааааным десе, балам момпоюп уктап жатат.
– Атын Ардак коёлу. Эли-журту ардактаган, сыйлуу инсан болсун, кандай дейсиң?
Элдар балага ат тандай албай ­убара.
– Жакшы ат экен.
– Же Искендер коёлубу?
– Экөө тең жакшы аттар.
– Кайсынысы көбүрөөк жакты?
Арстан. Ушул атты коёлу десем макул болсо керек. Бирок... Өмүр бою, күн сайын ушул ысымды атап, жүрөгүң ооруп жүргөнүңдү элестет? Муну ойлогондо айнып кеттим. Макул, атасы жактырган ысымды коёлу.
– Бул гүл кимдики?
– Асел алып келиптир.
Кимден келгенин билип койчудан бетер шашып кеттим.
– Букет киргизбегиле, бала менен апасын аллергия кылат деп урушуп жатышпады беле?
Өлдүм, эми териштирип кирет. Эртерээк токтотуш керек!
– Ооба, жаңы төрөлгөн бала гүлдүн жытын жактырбашы мүмкүн экен. А биздин балакай жигит болуп калбадыбы.
– Койчу? Чын элеби? Апасы секелек кыз да, баласы чоңоюп кетиптирби, ээ? Азамат! Менин уулум да.
– Аны ким төрөдү экен? Ошонун уулу болуп жүрбөсүн?
– Айттым го, апасы ыйлаак, эки күндүн биринде эле бырылдап ыйлай берет деп...
– Ыйлаак эмес!
– Ыйлаак эле, карачы, мына азыр деле көз жашы төгүлгөнгө даяр турат. Мына-мына...
– Элдар, бул сага күлкү эмес!
Канчалык тамаша болбосун, өзүмдү карманалбай кеттим.
– Тамаша, жаным, айтылган кептин баары тамаша! Мобу балакай экөөң менин баарымсыңар. Болгон-бүткөн ырысым экөөңсүңөр.
– Элдар.
– Ии?
– Айтчы, бактылуусуңбу?
– Бул кандай суроо болду? Кана мени карачы? Эмне, көзүмдөн көрүнбөй турабы?
Мени тиктеген каректерден чын эле бакыттын нуру төгүлүп турду. Өзүң бактылуу боло албасаң, анда башкаларды бактылуу кыл. Жок дегенде ушул адамды бактысынан айрыба, Айдай! Ичимден бир үн ушул сөздөрдү айтып турду.
– Бүгүн да бул жакта калышыңар керек экен. Эртең таң атпай келип чыгарып кетем.
– Шашпай эле кел. Уйкуну бузду деп балаң жинденип жүрбөсүн!
– Есть, товарищ капитан!
Баланы шуу дегизе жыттап алып Элдар чыгып кетти. Ошондон кийин гана гүлдестенин бурчунда кичинекей баракча бар экенин байкадым. Мага абдан тааныш кол жазма...
Чынында, менин баламды төрөшүң керек болчу. Ошону ойлосом, ичим өрттөнүп кете жаздайт. Бирок сени ооруканага алып кетишкенин атаңдан угуп, эч нерсеге карабай жетип келдим. Түнү бою күтүп, кабарың уккуча жинди болуп кете жаздадым. Жаным. Менин кичинекейим. Ушу сен эне болдуңбу? Ишене албай турам. Өзүңдү сакта. Мен дайым жаныңдамын”.

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
03.02.2011. 08:00 
Тайпасы:
Кыймылы жок
Комментарийлердин саны:
3
Катталган:
27-05-2010
Соӊку аракети:
22-04-2011 03:52
Жынысы:
Белгисиз
0
серия кылбай тезирээк жазып бутургулочу плз чарчап кетим куто берип
03.02.2011. 18:55 
Тайпасы:
Кыймылы жок
Комментарийлердин саны:
20
Катталган:
08-01-2011
Соӊку аракети:
01-08-2011 10:45
Жынысы:
Белгисиз
0
Суперди коп деле окучу эмесмин, бугун жумуш жок болгондуктан карап отуруп ушул сериалды "Айдай" таап алып кечке окудум... Чыгарма турмуштан алынганы корунуп турат, абдан жакты... Эми калгандарын окуп буткончо жаным чыгып кетет гооооо. Китебин кайдан алсам болот, айтып койгулачы.
03.02.2011. 18:57 
Тайпасы:
Кыймылы жок
Комментарийлердин саны:
20
Катталган:
08-01-2011
Соӊку аракети:
01-08-2011 10:45
Жынысы:
Белгисиз
0
Бирок бугун окуганыма абдан окуном, андан коро сериал буткондо тапсам болмок экен, баарын бир кундо окуп бутмокмун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: