АКШ ПРЕЗИДЕНТИ ЖО БАЙДЕН БОРБОРДУК АЗИЯНЫН ЛИДЕРЛЕРИНЕ ЖОЛУГАТ

АКШ президенти Жо Байден Борбордук Азиядагы өлкөлөрдүн президенттери менен саммит өткөрүүнү пландоодо. Бул тууралуу Байдендин Өзбекстандын президенти Шавкат Мирзийоевге жолдогон катында айтылганын өзбекстандык ЖМКлар жазып чыгышты.

– 19-20-сентябрда сиз башка лидерлер менен бирге коопсуздук, экономика жана айлана-чөйрөнү коргоо жаатында биздин жалпы максаттарды чогуу алдыга жылдырууну талкуулоо үчүн С5+1 форматындагы расмий жолугушууга катыша аласыз деп үмүттөнөм,- деп маалымдалат катта.

Ушундай эле кат Борбордук Азиядагы башка өлкөлөрдүн, анын ичинде Кыргыз президентинин атына да келгени айтылат маалыматта.

“Орусия+Борбордук Азия” саммити 2022-жылы Астанада, “Кытай+Борбордук Азия” саммити 2023-жылы май айында Сиань шаарында, “Евробиримдик+Борбордук Азия” саммити быйыл июнь айында Чолпон-Атада өткөн. Ал эми “Булуңдагы араб мамлекеттеринин кызматташтык кеңеши+Борбордук Азия” саммити июль айында Жидда шаарында орун алды.

Борбордук Азиянын лидерлери менен сүйлөшүү кезеги, демек, АКШ президентинде.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1081, 25-31-август, 2023-ж.