БИР БҮРКҮМ. ПРЕЗИДЕНТ ТАЖИКСТАНГА БАРДЫ...

Бир жылда Кыргыз элинин саны 125 миң адамга көбөйгөнү расмий маалымдалды.
Президент Садыр Жапаров Эмомали Рахмондун чакыруусу менен 14-сентябрда Тажикстанга барды.
Нурия Кутнаева санариптик өнүктүрүү министри болуп дайындалды.
Гүлнара Баатырова эмгек, миграция жана социалдык өнүгүү министри болуп дайындалды.
Министрлер кабинети: Көмүрдүн баасы көзөмөлдөнөт.
Ажербайжанга Ысык-Көлдүн жээгинен 17 гектар жер 49 жылга ижарага берилгени жатат, ал жерге 5 жылдыздуу мейманкана курулары айтылды.
Белгилүү ишкер, “Аю” компаниясынын мурдагы ээси Шаршенбек Абдыкеримов сыртынан камакка алынды.
Жыргалбек Шаршембиев Талас мамлекеттик университетинин ректору болуп дайындалды.
Ала-Буканын Көк-Таш айылында жайыт комитетинин төрагасы пара алууга шектелип кармалды.
Абдыганы Эркебаев бийликти сөз эркиндигине басым жасабоого чакырды.
Алымкадыр Бейшеналиев саламаттыкты сактоо министри болуп дайындалды.
13-сентябрда Кыргыз-Тажик чек ара тилкесинде Баткен жана Согди облустарынын жетекчилери жолугуп, коопсуздук жаатында сүйлөшүү жүргүздү.
Медеткан Шеримкулов кийинки жылы Эгемендүүлүк майрамын Баткенде белгилөөнү сунуштады.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1084, 15-21-cентябрь, 2023-ж.