Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УБАКТЫЛУУ ӨКМӨТ АРТЫН ТАЗАЛАЙ БАШТАДЫБЫ?

№430 28-январь - 3-февраль, 2011-жыл


Мезгил үнү

Убактылуу өкмөт бийликте кыска мөөнөттө турса дагы, анын артынан ээрчиген күбүр-шыбырлар Чубактын чуусундай көпкө созула турган баштанып калды. Ошол учурда каржы тармагын тейлеген Темир Сариев акчанын кайда жумшалганын айтып, өткөн аптада Жогорку Кеңеште «актануу» процессинен өткөн. Эми президенттик аппараттын жетекчиси Эмилбек Каптагаевдин июнь окуясында Ошко гумжардам берип жөнөткөн адамдарынын январда чуу түшкөн террордук окуяга тиешеси бар экени тууралуу маалымат чыкты.

СУРОО ТУУДУРГАН ДОКУМЕНТ
Учурда президенттик аппараттын жетекчиси, Ош окуясы чыккан кезде Убактылуу өкмөттүн аппарат башчысы иретинде иштеген Эмилбек Каптагаев тарабынан кол коюлган документ ачыкка чыкты. Аны көргөн адамдын чачы тик турат. Документ алгач «Эл сөзү» гезитине жарыяланды. Анда 2010-жылдын 12-июнунда кагылыштан жабыркаган Ош жана Жалал-Абад облустарына гуманитардык жардам таратуу үчүн өкмөт тарабынан өкүлдөр жөнөтүлгөнү айтылат. Жардам көрсөтүүчү өкүлдөрдүн тизмесинде Эдил Абдрахманов деген ысым дароо көзгө илинет. Бул адам «4-январь күнү милиция кызматкерлерин атып өлтүрдү, Спорт Ордосун жардырды, Бишкек шаардык БИИБди жардырмакчы болду» деп айыпталып, Беш-Күнгөй айылындагы атайын операциянын учурунда жарадар болуп, колго түшүрүлгөн жигит эмеспи?
Эгер ысымдары дал келип калган эле болбосо, Спорт Ордосунун жанындагы жардыруу жана Бишкек шаардык БИИБинин жанында жардыргыч заты бар автоунаанын табылышы, 4-5-январдагы окуя УКМК өзү уюштурган оюн болуп чыга келеби? Мындай суроо баарында эле жаралары бышык.
Документ кезектеги компроматтардын бириби же капыстан чыккан кагазбы, азырынча бул жагдай бүдөмүк. Анткени бул документтин артында ондогон жоопсуз суроолор жатат. Документ жарыялангандан бери бул окуяга тиешеси бар Эмилбек Каптагаев, УКМКнын төрагасы Кеңешбек Дүйшөбаев, ИИМ башчысы Зарылбек Рысалиев дагы коомго үн катыша элек. Эмнегедир укук коргоочу Токтайым Үмөталиева гана журналисттерге байма-бай маалымат таратуу менен алек.

ҮМӨТАЛИЕВА НЕГЕ ҮН КАТПАЙ КЕЛДИ?
Жогорудагы документте көрсө­түлгөн адамдарды Токтайым Үмөта­лиева Ош жана Жалал-Абад облустарында гуманитардык жардамды жеткирүү боюнча жетектеп барган. Бирок мында да суроо туулбай койбойт. Эмне үчүн Токтайым Үмөталиева да «террорчу» деп кармалган Эдил Абдрахманов менен түштүк окуясында гуманитардык жардамды жеткирүүгө чогуу барганын буга чейин айтпай келди? Арадан 20 күн өткөндөн кийин гана эжекебиз «кармалгандар террорчу эмес» деп отурат.
Сөз башынан болсун. Быйылкы жылы 4-январда Беш-Күнгөй айылында болуп өткөн окуяда «Альфа» атайын бөлүмүнүн снайпери көз жумган. Шекте­лүүчүлөрдүн бири өзүн-өзү жардырып жиберген. Ушул эле окуяда Эдил Абдрахманов колго түшкөн. «Өз эрки менен июнь окуясында гумжардам таратып баргандардын арасында «террорчу» деп аталып, УКМКнын кызматкерлери тарабынан кармалган бирөө бар»,- деди Үмөталиева. Ушул эле тизмеде Бакыт Кенжегулов деген да бирөө бар. Аны УКМКнын кызматкерлери «орусиялык террорчу Саид Бурятскийдин жолдоочуларынан түзүлгөн террорчулардын топ башчысы» деген шекте кармап, камашкан.
«Июнь айында түш­түккө жиберилген Бакыт Кенжегулов жана башка балдарды бүгүн «террорчу» деп күнөөлөшүүдө. Бирок алар ошол учурда бийликтеги партиялардын мүчөлөрү болгон. Эмне үчүн азыр алардын лидерлери бул балдардан баш тартып койгонун түшүнбөй отурам»,- дейт Үмөталиева. Айтмакчы, Эмилбек Каптагаев айыпталуучу Бакыт Кенжегуловду жакшы тааный тургандыгын да кабарлады. Террорчулукка шектелип жаткандар кандайча саясий партиянын мүчөсү болуп калгандыгы түшүнүксүз. Бирок Оштун кандуу окуясын пайдаланып, кээ бир саясий партиялар шайлоого чейин үгүт иретинде гуманитардык жардам таркатканын угуп эле жүргөнбүз. «Бул партиялар коалицияда да, оппозицияда да бар»,- деди Үмөталиева.

«АЛЬФАЧЫНЫ» АЙЫПТООДО ТЕРРОРЧУ КҮБӨ ӨТКӨНБҮ?
Беш-Күнгөй айылында каза болгон айыпталуучу апрель окуясы боюнча сот ишинде күбө өтүп жаткандардан экени да ачыкка чыкты. Анын «альфачыларга» каршы көрсөтмө бергендиги белгилүү болду. Үмөталиева айымдын айтымында, УКМК жана ИИМ кызматкерлери тарабынан террорчуларды кармоо жана жок кылуу процесси тийиштүү талаптарга жооп берген эмес. «Балким, бул тазалоону саясий мүнөздөгү буйруктарды аткарган адамдардан кутулуу үчүн атайын жасашкандыр?..» деп суроо салат ал.
Токтайым Үмөталиеванын айтымында, учурда террорчулукка шектелип кармалган 20дан ашуун балдардын баары апрель окуясында жаңы бийликке жардам берген. «Мен тизмесин даярдап, бул балдарга өкмөттүк наам берүүгө даярдап жатканмын»,- дейт Токтайым айым.

ШЕКТҮҮ ТҮМӨН СУРОО БАР
1. Эгерде Беш-Күнгөй айылында жок кылынган террорчулардын бири апрель окуясы боюнча сот ишинде күбө болсо, анда террорчулар «Альфа» менен Мамлекеттик күзөт кызматынын адамдарына каршы көрсөтмө беришкенби?
2. Эмилбек Каптагаев кырдаалдын курчтугуна жараша тизмедеги адамдардын ким экендигин билбеши толук мүмкүн. Же, тескерисинче, башынан эле жакшы тааныш болушу ыктымал. Негизи эле эки жактын ортосунда байланыш барбы?
3. Олуттуу негиз болбосо, УКМК кимдир бирөөнү террорчулук үчүн күнөөлөбөшү керек. Анда бул маселе боюнча саясий партиялардын лидерлери, ошол эле Эмилбек Каптагаев дагы көрсөтмө береби?

«БИЛБЕЙМ» ДЕДИҢ, ДЕМЕК, КУТУЛДУҢБУ?
Бизди кызыктырган суроолор боюнча айрым тиешеси бар адамдарга кайрылдык. Эдил Абдрахмановдун адвокаты болуп дайындалган Нурлан аттуу мырзанын уюлдук телефонуна улам чалганыбызга карабастан, ал «кийин жооп берейинчи, убактым жок» деп отуруп кутулду.
Ал эми Президенттик басма сөз кызматынын башчысы Султан Каназаровго Эмилбек Каптагаев бул маалыматка карата качан жооп айтарын сурасак, «мен билбейт экенмин, расмий билдирүү тарката элек го» деп жооп берди.
Андыктан бул темага кийинки сандарыбызда кайрылабыз.

Эльвира Караева
koom@super.kg


«Супердин» сурак бурчу

«ТЕРРОРЧУЛАР ЧУУСУН»
ДОНОРЛОРДОН ЖАРДАМ АЛУУ ҮЧҮН УКМК ӨЗҮ УЮШТУРДУ»
ДЕГЕНГЕ ИШЕНЕСИЗБИ

Чыныбай Турсунбеков,
КСДП фракциясынан депутат:
– Биздин өлкөдө террордук толкундардын бучкагы сөзсүз бар. Ошондуктан «террорчуларды кармадык» деп калп эле акча алгылары келди» дегенге кошулбайм. Адам өмүрү, мамлекет бүтүндүгү акчадан аябай эле жогору турат.

Кадыр Маликов,
Дин, укук жана саясат аналитикалык
борборунун директору:
– Террорчулар баш көтөрүштүбү, аларды кармоо орган кызматкерлеринин иши. «Жан кечтилерди атайын ойлоп табышты» деген дагы туура эмес. Алар бар болгон үчүн ар түрдүү китеп-журналдар табылып жатат да.

Илим Карыпбеков,
серепчи:
– Азыркы жагдайда бардыгы болушу мүмкүн. Жөн жерден сөз чыга бербейт да. «Өздөрү уюштурду» деген кептин чыгышына бир негиз түрткү болуп жатса керек. Бирок көзүң көрбөгөндөн кийин же колуңда фактың болбогон соң тигил же бул деп айтуу кыйын.

Чолпон Султанбекова,
«Республика» фракциясынан депутат:
– Мындай сөздөрдү чыгарып жаткан адамдарга таң калам. Беш адам каза болду, канча өмүрлөргө коркунуч туулду? Коомчулукту дүрбөлөңгө салып, көпчүлүккө кооптонуу жаратуу УКМКнын иши эмес.

Жоомарт Сапарбаев,
«Ата Мекен» фракциясынан депутат:
– Мындай сөздөрдү айтардан мурун жоопкерчиликти сезип, анан сүйлөш керек. Биздин жетекчилер коомчулуктун үшүн алуучу иштерди атайын уюштургудай төмөн деңгээлге түшүп кете элек деп ишенем.

Алмаз Касенов,
Дене тарбия жана спорт агенттигинин директору:
– Андай болушу мүмкүн эмес. Бул кептерди «террорчу» деп шектелип жаткандар өздөрүн актоо аракетинде иликтөө-териштирүү иштерин башка нукка буруу үчүн таратып жатышат деп ойлойм.

Чубак Жалилов,
Кыргызстан мусулмандарынын муфтийи:
– Кармалгандар чын эле терроризмге катыштыгы барбы, жокпу, же атайын уюштуруу болгонбу, булардын баары соттук териштирүүдө билинет. Андыктан тигил же бул деп өз оюмду таңуулай албайм.

Сүйүн Кулматова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: