Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Эркин Мээрканов: «АТАМДЫ КӨПКӨ ЧЕЙИН КЕЧИРЕ АЛБАЙ ЖҮРГӨМ»

№430 28-январь - 3-февраль, 2011-жыл


“Инсан” тобунун негиздөөчүсү, учурдагы мыкты аранжировкачы Эркин Мээрканов 7-майда 42 жашка чыгат. Карап отуруп өз курагынан өтө жаш көрүнөрүнө көзүм жетти. Анан да ал бүгүн-эртең кайната болуп калышы толук мүмкүн. Бир туруп балалыгына, бир туруп бүгүнкү күнүнө кайрылган Эркин мырза ичиндеги көп сырларын айтып берди.

– Эркин байке, буга чейин “Инсан” тобунун түзүлүүсү тууралуу көп айтылып келсе да, окурмандын эсине сала кетпейлиби?
– “Инсан” тобу 1990-жылы уюшулган. Аталышын Эмил Турусов аттуу жакшы таанышым коюп берген. Алгачкы ырчысы Ырыскелди Осмонкулов болду. Бас гитарада Нурлан Бейшекеев, гитарада Болот Малаев, синтезатордо мен ойночумун. Башында тажрыйба топтоп, эки жылдан кийин от алдык. Топ “Кыздар ай” деген ыры менен элге кеңири таанылды. Ырыс 4 жыл иштеген соң жеке ырчы болууну туура көрдү. Буга каршы деле болгон жокмун. Ал кеткенде топ көпкө эс алууда болду. 1998-жылы Тынай Алыбаев киргенде топтун экинчи өмүрү башталды.
– Тынай байке да жеке ырчы болуп кеткен соң топ кайрадан эс алууга кетти. Кайра жандандыруу тууралуу ой барбы?
– Ооба, негизи, бул тууралуу азырынча айтпай турайын дегем. Бирок ошондой болсо да “Инсан” тобунун күйөрмандарын кубандырып айтып коёюн, топко ырчы жигит алынып, тарбияланууда. Жакынкы күндөрү жарк этип чыгат.
– Сизди обончу, аранжировкачы катары да таанып-билебиз. Бул ишти кандайча аркалап калдыңыз?
– Мени композитор дешет, бирок өзүмдү композитор деп эсептебейм. Бул улуу кесип, мен композитор деп аталуу үчүн көп ишти бүтүрүп, көп нерсени үйрөнүшүм керек. Ал эми мыкты обончу, аранжировкачымын деп уялбай айта алам. Себеби өз ишимди билем, буга тажрыйбам да жетиштүү. Бул ишке бала чагымдан бери жакынмын. Анткени кичинемден келечегимди музыкант катары көрүп, музыкалык мектептен билим алгам. Ошондо эле скрипка, фортепиано сыяктуу түрдүү музыкалык аспаптарда ойноп, музыкалык сабатымды жойгом. Албетте, ошол күндөр мени бул ишиме алып келди.
– Мектепте “3кө” окуп, партадан партага секирип тентектикти көп кылган окуучулардын катарында белеңиз же “5ке” окуган үлгүлүүбү?
– Биринчисине го (күлүп). “3-4кө” эле окучумун. “Отличник болбош керек, уят болот, кызтеке” деп коюшчу. Мен ага ишенип алгам. Көбүнчө “2ге” окугандар мыкты, чыгаан болушат дешет. Мен буга да ынандым. Начар окуган классташтарымдын баары эле мыкты болуп чыгышты. Болбоду дегенде ишкерлер.
– Ата-энеңиз буга кандай карашчу?
– Албетте, урушчу, бирок анда укпай турган, “өтүң жарылган” убак да.
– Баса, ата-энеңиз искусствонун адамдары деп уктум эле...
– Ооба, атам да, апам да актёр, актриса эле. Раматылык атам Сулайман Мээрканов актёрлукка караганда мыкты менеджер, администратор болчу. Ал эми апам Жумабүбү Сыдыкбекованы көптөр “Лифт” деген кыска метраждуу тасмада Сабира Күмүшалиеванын абысыны болуп аткарган Салкынай катары таанышат.
– Бир туугандардан канчанчысыз?
– Бир туугандарым толтура. Анткени атам үч жолу үйлөнгөн. Биринчисинен бир кыз. Экинчи аялы апам. Биз үч бир тууганбыз, Равшан жана Рыскүл деген эжекелерим бар. Үчүнчүсүнөн да үч баласы бар.
– Алар менен байланышып турасыз да...
– Ооба, каныбыз бир да. Азыр баары менен кабар алышып турам. Бирок бир кезде Равшан, Рыскүлдөн башкасы менен сүйлөшпөчүмүн. Атама болгон жек көрүүдөн улам. Атам бизди таштап кеткенде мен 14 жашта элем. Ошол чакта ал мага аябай керек эле, бирок... Мен аны аябай жек көрүп жүрдүм. Телефон чалса, сүйлөшчү эмесмин. Бирок бой жетип, жашоого көз караш өзгөрдү. Аскерден келгенден кийин атамды кечирип, сүйлөшүп калдым.
– Жашооңуздагы эң чоң жоготуу эмне болду эле?
– Ата-энем. 1987-жылы 63 жашында апам кант диабетинен улам каза болду. Андан 5 жыл өткөн соң атамдан айрылдым. Баары бир ойлой берем, эгер атам апамды таштабаганда алар узакка жашашмак. Анткени апам аны аябай сүйчү. Анын башкага кетип калганын көтөрө албай ооруп калды.
– Өзүңүз качан түтүн булата башта­дыңыз?
– 20 жашымда үйлөндүм. Жан биргемди 9-класста окуп жүргөндө байкагам. Экөөбүздү бий ийрими тааныштырган. Бирок анда жаш элек. Мектепти бүткөн соң мен аскерге кетип калдым. Экөөбүз сүйлөшпөй жүрдүк. Канчалык алыстасак да, тагдыр экөөбүздүн жолубузду кайра-кайра бириктирип турду. Эки жолу сүйлөшпөй кайра табышып, анан баш коштук.
– “Уулума барышым керек” деп шашылып жатасыз, ал каякта? Негизи эле балдарыңыз тууралуу кеп салсаңыз.
– Кенже балам Элимхан азыр мектепте. Мектептен алып, скрипка ийримине алпармакмын. Ал музыкага жакын. Ал эле десем, андан улуураагы Эмирхан да өзүнчө жылдыз болгусу келет. 16 жаш өткөөл мезгилде баары эле ушундай го. Бирок ал музыка эмес, башка кесипти тандаса керек. Улуу кызым Нурайым учурда БГУнун 3-курсунун студенти, кытай тилин өздөштүрүп жатат.
– Балдарыңызга хан менен уланган ысымды ким койгон?
– Экөөнө тең өзүм. Негизи, адамдын ысымы анын тагдырына, жашоосуна байланат дегенге ишенем. Элимханым менен Эмирханым эл адамы, эл башкарган, эли үчүн күйүп-бышкан инсандардан болсун деген ниетте.
– Бой жетип калган кызыңыз бар экен. Колун сурап куда түшүп келгендер көп болсо керек?
– Ооба, колун сурагандар көп. Бирок ал кыз биздин эмес, таене-таяталарынын колунда чоңойгон. Ошолордун сөзү чечет.
– Өз курагыңыздан өтө жаш көрүнөсүз. Мунун сыры эмнеде?
– Ооба, мындайды көп угам. Жаш болуп көрүнүш үчүн аракты көп ичиш керек (катуу күлүп), албетте, тамаша. Музыка ушундай сактаса керек. Жан дүйнөң канчалык жаш болсо, ал сырткы келбетиңе да таасирин берет.
– Гүлнур Сатылганова сизден башкаларга аранжировка жасатпайт деп угам. Кандайча иштешип калдыңыздар эле?
– Гүлнур менен 90-жылдардан бери таанышпыз. Бир муундун адамдарыбыз да. Ал эми ырларына 2006-жылдан бери аранжировка жасайм. Мага чейин Эрик Кадырбаев менен иштешчү. Кандайча десеңиз? Башында анын бир-эки ырына аранжировка жасадым, аябай жактырган. Ошондон улам иштешип калганбыз. Гүлнур менен иштешүү мага да жеңил. Кандай мүнөздөгү аранжировканы каалаганын сүрөттөп берсе, мен элестетип тез эле даярдап берем.
– Казакстанда да иштеп келгенсиз. Ал жактын атактуу ырчыларына аранжировка жасадыңыз беле?
– Ооба, көбүн эле тааныйм, иштешкем. Силер билген Роза Рымбаеванын ырына жасагам. Калганы казактардын жаңыдан чыгып келаткан жаш ырчылары.
– Ушул жерден ставкаңызды сурап кетпесем болбос?
– Башкалардан ашык эмес, кем эмес. 300 доллардан жогору. Ал эми казак ырчыларынан заказ болсо, мындан 3 эсе көп.
– Жаш чагыңыздан жашооңуз музыка дүйнөсүндө экен. Музыка сиз үчүн...
– ...жашоом. Музыка болбосо мен эч ким эмесмин. Балык сууда өзүн кандай эркин сезсе, мен да музыкада өзүмдү ошондой сезем. Учурда аранжировка жасоодомун, бирок жан дүйнөм сахнаны дегдеп турат. Буулугуп жүрөм. Убагы келгенде жарылам го.
– Ар бирибиз алдыга план коюп иштейбиз да. Алдыдагы пландарыңыз менен бөлүшүп кетпейсизби?
– Менде “Энеме” деген апакеме арналган ырым бар. Ошону өзүм аткарып, клип тартууга камынып жүрөм. Атама деп ырдын обонун жазып койгом, жакшы текст жазыш керек. Ата-энеме арнап ыр жазуу милдетим дейм. Муну жакынкы убакта аткарсам деп жүрөм.
– Ой-максатыңыз өзүңүз пландагандай ишке ашсын. Сыр бөлүшүп, жылуу маек куруп бергениңиз үчүн ыраазычылыгыбызды билдиребиз. «Инсандын» кайрадан сахнага кайтышын чыдамсыздык менен күтөбүз.

ЭРКИН...

  • Ысык-Көл облусуна караштуу Маман айылында туулуп, Бишкек шаарында чоңойгон.
  • Абдан шашма. Бирок бул сапаттын жумуш­ту тез бүтүрүүгө жардамы чоңун айтат.
  • Жубайын кубантууну жактырат. Ага түрдүү сюрприздерди уюштуруп турат. Мисалы, кечээ үйүнөн айтпай алып чыгып, кинотеатрга алып барыптыр.
  • Тамак ылгабайт. Сүйүктүүсү жасаган палоо менен фунчёзаны бир дагы мыкты ашпозчу кайталай албайт дейт.
  • Жаш эстрада ырчыларынан Мирбек Атабеков менен Омарды сыйлайт жана баалайт.
  • Учурда Г.Сатылганова, Г.Тойгонбаева, К.Эралиева, Ж.Муратова, А.Исабаев, Ы.Осмонкулов, Т.Алыбаев, С.Искеналиев жана башкалар менен иштешет.
  • Орус эстрадасынан Юрий Антонов, Евгений Мартынов, София Ротару, Владимир Пресняков, Леонид Агутинди баалайт. Пресняков жана Агутин менен жакшы тааныш.
  • Сууда сүзүүгө жана тенниске кызыгат. Достору жакшы көргөн бильярдды такыр жактырбайт. Алар менен барганда ойногонун мыскылдап отуруудан ырахат алат.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
02.02.2011. 00:01 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Iygilik!!!
02.02.2011. 05:57 
Тайпасы:
Кыймылы жок
Комментарийлердин саны:
1
Катталган:
05-05-2008
Соӊку аракети:
15-06-2012 04:31
Жынысы:
Белгисиз
Калаасы:
Moskva
0
kyday koldogon insan bolup,kalyn jyrttyn katarynda aman jyro beriniz.
03.02.2011. 03:59 
Тайпасы:
Кыймылы жок
Комментарийлердин саны:
25
Катталган:
03-10-2010
Соӊку аракети:
10-10-2015 06:52
Жынысы:
Белгисиз
0
daaaa, jakshy yrchylar Yryrkeldi menen Tynaidyn arkasyndagy azamt eken gooooo!!!
Kyrgyzda myndai adamdar bar, kyrgyz jashap kelet da.
30.03.2011. 11:42 
Тайпасы:
Кыймылы жок
Комментарийлердин саны:
52
Катталган:
17-08-2010
Соӊку аракети:
17-10-2013 19:05
Жынысы:
Белгисиз
0
Жакшы бактылуу болгула!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: