БИР БҮРКҮМ. ЭКС-МИНИСТРДИН УУЛУ КАРМАЛДЫ...

Өлкөдө 9 айда 746 миң айдоочу жол эрежесин бузганы маалымдалды.
Мурдагы министр Динара Кутманованын уулу Кемел Кутманов Стамбулдан кармалганы айтылды.
Кыргыз өкмөтү: Кыргыз-Тажик чек арасында дагы 14 чакырым тилке такталды.
Кыргызстанда көмүрдүн баасына мамлекеттик жөнгө салуу киргизилет.
Бишкекте Ленин райондук сотунун судьясы 2 миң доллар пара алып жаткан учурда кармалды.
Индия жана Кытай жарандары эми Кыргызстанга 7 күнгө визасыз кире алышат.
Уюшкан кылмыштуу топтун мүчөсү, Аксы районунун “смотрящийи” кармалганы жарыяланды.
Мындан ары окуу китептери “Учкун” басмаканасында басылып чыга турган болду.
Ысык-Көлдө 5 жылдыздуу мейманкананын курулушу башталды деп билдирди президенттин иш башкармалыгынын жетекчиси Каныбек Туманбаев.
Бишкек мэриясы автобус жана троллейбуста жол кирени 20 сом кылууну сунуштады.
Алтынай Сакеева Кыргыздын Санкт-Петербург шаарындагы башкы консулу болуп дайындалды.
17-октябрдан тарта кышкы жалпы республикалык тестирлөөгө документтерди кабыл алуу башталары айтылды.
Өлкөдө талапка жооп бербеген 14 мал базарга айып пул салынганы кабарланды.
Эрик Бейшембиев Кыргыздын Казань шаарындагы башкы консулу болуп дайындалды.
Кыргызстанда 450 миңден ашык бала кызамык жана кызылча илдеттерине каршы кошумча эмдөө алганы айтылды.
Талас Бегалиев Көк бөрү федерациясынын президенти кызматынан кетти.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1089, 20-26-октябрь, 2023-ж.