БИР БҮРКҮМ. НАРЫНГА ЖЫЛУУЛУК БЕРИЛДИ...

Нарын шаарына 25-октябрдан тарта жылуулук бериле баштады.
Токмок шаардык ички иштер башкармалыгынын кызматкери 178 миң сом пара алууга шектелип кармалды.
Жогорку Кеңештин депутаттары бир күндүк маянасын Палестинага жардам катары которо турганы айтылды.
“Кумтөрдүн” мурдагы жетекчиси Теңгиз Бөлтүрүк боюнча кылмыш иши тергелип бүтүп, сотко өткөрүлдү.
Коомдук ишмер Базарбай Мамбетов каза болду.
Кыргыз-Казак чек арасынан Кыргызстандын оор жүк ташуучу унааларынын өтүшүндө кайрадан кыйынчылык жаралды.
2024-жылкы ажылык сапарга каттоо 9-ноябрда башталат.
Жыл башынан бери өлкөдөгү банктардын таза кирешеси 16,3 миллиард сомду түзгөнү маалымдалды.
Быйыл 1-январдан 1-октябрга чейин өлкөдө 53 432 жаран пенсияга чыкты.
Бишкектеги №1 СИЗО шаар сыртына, Төмөнкү Нооруз айылына көчүрүлөт.
УКМК: Камчы Көлбаевдин дагы 80 миллион сомдук асыл тукум жылкылары табылды.
Бишкекте 26-октябрда ШКУга мүчө мамлекеттердин өкмөт башчылар кеңешинин жыйыны өттү.
Депутат Нуржигит Кадырбеков өлкөдө батирлердин ижара акысы кескин кымбаттап кеткенин сындады.
“Манас” аэропорту учактардын ичи-тышын жылытуучу атайын техникаларды сатып алганын жарыялады.
“Ата-Бейит” мемориалдык комплексинде иштеген жумушчулардын маянасы көтөрүлөрү айтылды.
Адахан Мадумаров СИЗОдон Улуттук кардиология борборуна которулду.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1090, 27-октябрь-2-ноябрь, 2023-ж.