Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№431 4-10-февраль, 2011-жыл


(Башы өткөн сандарыбызда)

Көөдөнүмдө бороон-чапкын. “Дайым жаныңдамын... Дайым жаныңдамын...” Ушул сыйкырдуу эки ооз кеп, анан курсагы ачканда эмчек сурап ыйлап, башка учурда бышылдап уктагандан башка жумушу жок балам гана кунарсыз жашоомо бир маани берип тургандай. Мындай абалдан качан кутулам, кантип кутулам?
Арстандын алыста жүргөнү мен үчүн жеңилирээк болгон экен. Эми баягыдай уктап жатканымда келип, көрүнбөй кетип калчудай тынчсыздануу мени дайыма коштоп алды. Уйку жок, атүгүл түнкүсүн да эки тиземди кучактай, жыргап уктап жатышкан балам менен күйөөмдү тиктеп отура бермей адат таптым. Мага караганда Элдар бул жоругума көп тынчсызданчу болду. “Адистерге кайрылып көр” дегенине ынабай койсом, өзү консультацияга барып келиптир. “Жаңы төрөгөн аял кээде ушинтип депрессияга кабылат. Көңүлүн ачканга жардам бериңиз, бирок кайра-кайра “кабакты ач” дей бербеңиз. Жакшысы, бир жактарга алып барып, күнүмдүк адаттарын өзгөртүңүз” дешиптир. Ошондон бери ал бечара күйпөлөктөп жанымдан чыкпайт. Адамга жакшылык жакпайт деген да чын. Менин ордумда башка бирөө болсо жыргап жашамак. Мен болсо дайыма Элдардын маанайын бузам. Мына бүгүн да шашып, кудуңдап келип, шаабайы сууп отуруп калды.
– Жаны, сага сонун сюрприз алып келдим, көзүңдү жум.
Дагы эмне болду экен? Охх, ушу сюрприз дегенден коркчу элем...
– Жумбасамчы?
– Анда минтип жумдурабыз.
Бир колу менен көзүмдү жаап, экинчи колу менен бир баракчаны кармата салды.
– Тада-даам, эми карай берсең болот.
– Бул эмне?
Жакшылап карап көрсөм авиабилет экен. Экөөбүзгө.
– Жаңы жылды Дубайдан тособуз.
– Кандайча?
Ымм-ммм, биз барып келгиче Арстан Москвага кетип калсачы.
– Искен али кичинекей, аны самолётто алып жүрүү кооптуу. Кичине торолгондон кийин барбайлыбы?
– Мен сураштырдым. Алып барсак болот экен. Андан кам санаба. Жакшысы, чемоданыңды даярдай бер. Аз эле убакыт калды.
– Чынын айтсам, эч жакка баргым жок...
Күйөөм суроолуу тигилип калды. Суранам, антип карабачы?! Ансыз деле өзүмө-өзүм батпай жүрөм.
– Ии?
– Үйдө эле, балам менен тынч отургум келет.
Көздөрүн бат-бат ирмегилеп, мени тиктеп калды. Ачууланып, не кыларды билбей калганда ушинтет. Мен да көзүмдү албай туруп бердим. Ушундай кежирдик кайдан пайда болот?!
– Айдай, кел, жакшылап сүйлөшөбүз. Мына, Искендин төрөлгөнүнө бир айдан ашты. Ошондон бери бир гана жолу көчөгө чыктың. Анда да баланы эмдөөгө алып барыш үчүн. Бери карачы.
Колумдан дегдеңдете сүйрөп, дубал бою менен бир болуп турган күзгүгө алып келди.
– Карачы, мобу мөлтүрөгөн кыз сенсиң. Болгону 19 жаштасың. Күлүп күлкүгө, ойноп оюнга тоё элек курактасың. Ойгон, алтыным, ойгон.
– Мен эмне, бир нерсеге нааразы болуп, чатак салып жатамбы?
– Азыркы абалыңдан көрө чатак салганың жакшы болмок!
– Элдар, деги менден эмнени каалайсың?
– Эч нерсени. Болгону, бактылуу жашашыңды каалайм. Бакытың сөзүңдөн, көзүңдөн, күлкүңдөн көрүнүп турушун каалайм. Эмне, ишке ашпай турган жаман нерсени талап кылып жатамбы?
Кечиресиң го, ушул нерсени мен сага убада кыла албайм. Мен бир гана адамдын алдында чын дилден жыргап күлөр элем. Бирок андан айрылып калышыма сен күнөөлүү эмессиң.
– “Жакшы тилек – жарым ырыс” дейт. Менин бактылуу болушумду тилесең, демек, бактылуу болом. Кудай жакшы тилектерди угат да. Анан да... Мени бактысыз деп ким айтты?
Чыдабады. Тиктешүү жагынан чын эле кыйын окшойм. Экөөбүз ушинтип тиреше тиктешип калган чакта дайыма Элдар жеңилип берет. Азыр да эч нерсе дебестен, бооруна кыса кучактап алды. Ошентип, чечилди. Демек, Жаңы жылды Дубайда тособуз.
Ажар кайрадан жагымсыз жоруктарын баштады. Кечээ атам экөө үйгө конокко келишкен. Атам менин “бактылуу” турмушумду көрүп, жетине албай бапылдап кирди.
– Мобу сары кызым “ушу кишиге турмушка чыгам” деп жер тепкилеп туруп алганында аябай ачуум келген. Элдар, сен капа болбо. Сени жаман адам деп ойлоп эмес, “жаш эле туруп күйөөгө чыгам дейт, кичине жүрө турса болбойбу” деп кыйналгам. Мына, сенин да кызың бой жетип калыптыр. Мени түшүнүшүң керек. Аталарга кызы секелек бойдон кала берет окшобойбу. Экөөңдүн турмушуңду, жаман чүрпөңөрдү көрүп, бекер эле каршы болгон экенмин деп отурам. Кудайга шүгүр. Кызымды ушундай адамга тапшырганыма ыраазымын. Эми Арстанды үйлөп, жайгаштырып алсак, кемпирим экөөбүздүн санаабыз биротоло тынчымак.
Арстанды үйлөп?.. Жүрөгүм бир саамга сокпой, токтоп калды. Кимге? Качан? Кандайча Арстан үйлөнүшү мүмкүн?
Ажар менин көкүрөгүмдө эмне болуп жатканын сопсонун билип турат да. Мени жакшылап түшүнүп алсын дегенсип, ар бир сөзүн чоюп сүйлөп калды.
– Арстан менен Айдай абдан ынтымактуу болчу, эгиз козудай ээрчишип жүрүшөр эле. Карындашынын окубай туруп турмушка чыкканына нааразы болуп, баарыбызга таарынып, эмгиче жазылбай жүрөт. Бирок дилинде Айдайды абдан жакшы көрөт да, жазылбай кайда бармак эле? Биз деле экөөнүн бири-бирине мурчуюп, эки жакта жүргөндөрүн каалабайбыз. Окуусун бүтүп, азыр Бишкекте жүрөт жумуш караштырып. Ошону байкап көр. Жаныңа алсаң, иш билги бала, ишиңди өздөштүрүп кетсе Айдай да аябай кубанмак. Экөө бири-бирине жөлөк-таяк болсо, биздин да көңүл тынчыбайбы.
– Аа, чын эле. Бизнес башкаруу боюнча бүттү да, ээ? Апа, ал башка жактан жумуш издеп эмне кылат, келсин мага. Мага деле билимдүү, ишенимдүү адам керек.
– Ошону ойлоп, абышкам экөөбүз кечээ акылдаштык эле. Арстанды көндүрүп көрөлү. Жаш да, бир аз өжөрлүгү бар. Карындашына айылдын балдарын жолотпой кайтарып жүрөр эле. Ага айтпай күйөөгө берип жиберсек, келип алып аябай чатак салган. “Айдай али жаш. Бүгүн бир нерсени кааласа, эртең айнып, башканы талап кылышы мүмкүн. Күйөөгө чыгам десе эле коё бердиңерби? “Окуп-чокуп, жашоону көр, ойноп-күл, анан деле күйөөгө жетишесиң” дебейт белеңер” деп бизди айыптап жүрөт.
– Аны түшүнөм. Айдайдай карындашым болсо, мен деле жанына эч кимди жолотмок эмесмин.
Элдар атамдын сөзүн коштоп, экөө күлүп калышты.
– Ошо, күйөө бала. Арстан менен сүйлөшөлү. Көндүрүп, сага жиберели. Анан Айдай экөөң тыңыраак кыздардан караштыра жүрсөңөр, келин бала кылганга.
– Апа, ал жагынан кам санабагыла. Жакшы кызга үйлөйбүз, ээ, Айдай?
Мындан ары чыдап туралбадым. “Чай демдейин” деп толтура чайы бар чайнекти көтөрө качып чыктым. Көз жаштан көздөрүм тумандап, колума ысык чай куюлуп жатканын да байкабаптырмын. Разия чайнекти колумдан ала койду. Анын суроолуу көздөрүнөн мени Искендердин ыйы куткарып кетти.
“Арстан Элдардын колунда иштөөгө макул болбойт”. Көңүлүмө ушул ой уюп калды. “Айдай, бул сен үчүн эле жакшы. Дайыма анын жанында жүрүү кооптуу. Алыс жүрүшүң керек!” Ичимден улам-улам кайталап, өзүмдү тынчыта албай жаттым. Анткени тээ жүрөк түпкүрүндө башка ой жаткан. Анын жанымда жүрүшүн каалаар элем. Ошол жылуу, керек жерде от чачкан каректерди күн сайын көрүп турсам болгону.

Жазгүл Калыева

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(9)
04.02.2011. 19:13 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Алыс жургонун жакшы эле болмок. А чындыгында унутууга аракет кылсан жакшы болоор эле.
05.02.2011. 18:57 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Арстан конбосо керек чогуу иштегенге.....
05.02.2011. 23:32 
Тайпасы:
Кыймылы жок
Комментарийлердин саны:
1
Катталган:
03-02-2011
Соӊку аракети:
05-02-2011 23:50
Жынысы:
Белгисиз
0
ka4an butot ay
06.02.2011. 19:04 
Тайпасы:
Кыймылы жок
Комментарийлердин саны:
44
Катталган:
02-02-2011
Соӊку аракети:
16-08-2014 07:36
Жынысы:
Белгисиз
0
ЭЭЭЭЭЭЭЭЭЭээх турмуш ушундай татаал,ушундай таш боор да,мен Айдайдын Арстанга болгон суйуусун аябай жакшы тушунуп турам,бирок Айдай ушунчасында баарына акыл токтотуп, иш кылыш керек. Суйгон жары,баласы жанында дагы не керек. суйуу бул ар бир адамга ар дайым бирдей боло бербейт да!!!!!!
06.02.2011. 23:04 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
Arstan Eldardyn kolunda ishtep,Aidai ekoonun romany bashtalat okshoit...
07.02.2011. 02:29 
Тайпасы:
Кыймылы жок
Комментарийлердин саны:
2
Катталган:
19-01-2011
Соӊку аракети:
07-02-2011 02:31
Жынысы:
Белгисиз
0
ктиптер баары кызыктуу болуш учун кээ бир жерлерин кооздоп жазышат,Арстан Элдардын колунда иштеп,Элдардын кызына уйлонсо керек,
07.02.2011. 09:50 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
balasy 1 aiga tolo elekte kaidagy Dubai,ushul jeri kichine okshoshopoi kalyptyr.anan dagy menin baikashymcha avtor kommentaryilerge karap ele chygarmany burup jazyp ketet okshoit.
07.02.2011. 10:06 
Тайпасы:
Түйүлдүк
Комментарийлердин саны:
49
Катталган:
19-08-2010
Соӊку аракети:
11-01-2012 22:45
Жынысы:
Белгисиз
Калаасы:
Бишкек
0
Кызыксыз болуп кетип баратат,АКУ айткандай коментарийлерге карап эле озгоруп жатат окшойт.Акырында коросуздор кызыксыз эле бутот го
07.02.2011. 16:53 
Тайпасы:
Жаран
Комментарийлердин саны:
53
Катталган:
23-12-2008
Соӊку аракети:
08-10-2018 20:55
Жынысы:
Белгисиз
Калаасы:
Каракол
0
Айдайды суйуп,атасын айыктырып олумдон алып калса,козунун кареги менен тен айланып турса,балалуу болсо анан дагы эмне керек бул кызга тушунбойм.Суйуп,куйуп уйлонуп анан ажырашып кеткендер азбы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: