Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Асылбек Өзүбековдун жубайы – Сүйүн Жунусова: «АСЫЛБЕКТИ КИМДЕР ГАНА СҮЙБӨГӨН...»

№431 4-10-февраль, 2011-жыл


Жан шерик

Адам бойго жетип өзүнчө түтүн булаткан соң анын эң жакын адамы өмүрлүк жан шериги болуп калат. Жана дагы ал адамдын кулк-мүнөзүн, жан дүйнөсүн, ким экендигин түбөлүк жарынан артык эч ким билбейт.
Бүгүн бизде конокто делебени козгой таамай айтылган сөздөрдүн коштоосунда муңдуу ырларды элге жеткире аткарган Асылбек Өзүбековдун жубайы – Сүйүн айым.

– Сүйүн эже, билишимче, Асылбек байке экөөңүздөрдү балалык аруу сезим табыштырган...
– Туура айтасың, Асылбек экөө­бүздү эч булгана элек, акактай тунук балалык баёо сезим табыштырган. Экөөбүз классташпыз. Асылбек 4-классты бүткөндө борбордогу Күрөңкеев атындагы музыкалык окуу жайына кетип, 9-класста кайра кайтып келди. Ал кайра келгенинде да элес алган эмесмин. Анан арткы партага отуруп алып чачымды чоюп, бирде колумду кайрып жатып көңүлүмдү өзүнө бурдуруп алган. Кечкисин жолугушууга келет, сөзүбүз эч түгөнбөйт. Биздин сүйүүбүздү мугалимдер, кыскасы, Тору-Айгыр айылы бүтүн билди. Мектепти аяктаарыбыз менен баш кошуп алдык. Ошентип, мени өзү менен чогуу борборго алып келип, Жеңишгүл эженикинде туруп калдык.
Асылбек Ташкенттеги театралдык институтка окууга кетти. Каникулга тарагыча сагынып куса болуп кетем. Тамга илинген чоң календардагы даталарды күн сайын бирден чийип, Асылбектин келер күнүн күтөм. Келгенде берерге ашымды, айтарга сөзүмдү таппай аябай сүйүнөм.
– Ал учурда Асылбек байке жаш, жакшынакай дегендей... Ашык болгондор көп болсо керек...
– Болгон. Мен аны жаштыктын жаңы­лыш­тыгы деп түшүнөм. Жаш кезде кимдер гана жаңылбаган...
– Байкенин чыгармачылык десе жанын берген адам экенин билебиз. Мындай адамдарда үй-бүлө арткы планга жылып кетет эмеспи. Балдарды тарбиялоо, үй-жайды кароо жалгыз өзүңүзгө кыйын болгон жокпу?
– Биринчи планга чыгармачылыгын коюп келгенин элдин баары билет. Мен аны туура түшүнгөм. Ошондуктан карым-катнашты, балдарды тарбиялоону өзүм эле жайгарып келем. “Бул чыгармачылык менен жашашы керек, сүйүшү керек. Сүйбөсө жакшы ыр жаралбайт. Балдарга алагды кылбайын” деп жок-жетикти билгизбей жакшысын айтып, жаманын жашырып жашап келдим. Жумуштан кеч келип үйдө уктап жатканда балдарымдын бирөөсү ыйлап калса, “кокуй, Асылбек ойгонуп кетпесин” деп үнүн угузбай сыртка алып чыгып кетчүмүн.
– Балдарына кандай ата болду?
– Жаш кезинде өтө бала кыял эле, анын үстүнө эрте балалуу болдук, ошондон болсо керек, балдарын көп эркелеткен жок. Мезгилди токтотуу кыйын экен, ары-бери карагыча балдар да чоңойду. Анан аларга чоң кишидей мамиле кылууга өттү. Улуу кызыбыз Жыпар турмушка чыгып кеткенде көпкө чейин жаман болуп жүрдү. Кичүү кызыбыз Сезимди азыр укмуш жакшы көрөт.
– “Сизди жакшы билгендер “өзү менен чогуу иштеген актрисадан кызы бар” дешет, ошол чынбы?” деп суроо бергенибизде Асылбек байке “эл айта берет, мындай ушактардан жаралган балдарымды чогултсам бир автобус” деген эле. Балким, мындан сиздин дагы кабарыңыз бар?..
– “Калк айтса калп айтпайт” деп коюшат эмеспи. Бул суроого жооп берчү убак келер, ошондо кайрылабыз. Асылбекти кимдер гана сүйбөгөн...
– "Аян" тасмасына тартылып жатканында казак кызына ашык болгон" дешет...
– 1991-жылы Жамал эже башында туруп "Туңгуч" театры “Аян” деген тасманы тартарда, Казакстандан Маржан деген кызды чакырышты. Кинонун башында эле экөө бири-бирине катуу ашык болуп калышты. Фильм аягына чыгып, тигил кыз кайра кеткенинде сөзүн Жедигер Саалаевге жаздырып, “мен өрттөнүп барам, мен күйүп барам” деген саптары бар ырын жаратты. Ошол күндөрдөгү менин тоскоол болбогонум текке кеткен жок. Жыйынтыгында эл сүйүп уккан ыр жаралды.
– Көңүл деген назик, байкеден кө­ңүлүңүз калып, айымдарга тие­шелүү мүнөзгө таянып төркүн жакка жылып кеткен учурларыңыз болдубу?
– Менин бул жашоодогу эң негизги максатым – үйүмдүн очогун өчүрбөй сактап калуу. Апам азыр 85 жашка чыкса дагы "үй-бүлөм, балдарым" деп жашап келет. Баарыбызды “үй-бүлөңөрдү сыйлагыла, эч качан ажырашпагыла, балдарыңарды чачыратпай чогуу өстүргүлө. Барган жериңерди гүлдөткүлө” деп тарбиялаган. Апамдын ошол сөздөрү жүрөгүмдүн түпкүрүндө сакталуу. Ошондуктан өз кызыкчылыгымдан дагы үй-бүлөмдүкүн жогору койгондуктан, төркүнгө кетип калуу оюма да келген эмес. Асылбекке деген таза сүйүүм азыр балдарыма өтүп кетпедиби. Ал мурдагыдан да терең, мурдагыдан да бекем.
– Асылбек байкени тамашакөй, ачык-айрым деп билебиз. Негизи, чыныгы жүзү кандай?
– Асылбектин мүнөзүн менден жакшы билген, менден жакшы түшүнгөн, менден кыйын көтөргөн жан болбос. Көчөдө андан өткөн жакшы адам жоктой жүргөнү менен, үйдө аябай түнт. Анан өзүмдү “ырдап, күлүп, сүйлөп, тамашалашып чарчап келди да” деп сооротом.
– Үйдө кызганычтан улам чыр-чатак көп болсо керек...
– Кантип эле сүйгөн адамыңды кызганбай­сың? Жаш кезде андай учурлар болгон. Бирок жөнү жок жерден кызганган эмесмин. Бир нерсени көрүп, туюп туруп анан жан далбастачумун. Азыр болсо менде кызганыч дагы, күтүү дагы жок. 35 жыл күттүм, сүйдүм, анан чарчасам керек. Азыр мен Асылбектин эл арасында жакшы ырларды жаратып, сүймөнчүк болуп аман жүрүшүн гана тилейм.
– Жаш Өзүбеков менен чоң ата Өзүбековдун айырмасы эмнеде?
– Албетте, жалындап турган жаш кезине караганда азыр бир аз токтолду. Жаш кезинде “Асылбек элге уят болбосо экен, таланты такшала электе сынып калбаса экен” деп тынчсыздана берчү­мүн, азыр антпейм. Себеби мурункуга караганда акылы токтолуп, көп нерсени түшүнүп, неберелүү болуп “таята”, “чоң ата” деген сөздөрдү угуп, ак-караны ылгагыдай жашка келип калбадыбы.
– “Артист менен жашоо өтө кыйын” деген бул жашоонун аныктамасы бар...
– Бала күнүмдөн баштап “Асылбек” деген жашоо менен алпурушуп келатам. Ыйлап эскере турган да, күлүп кубана турган да күндөр болду. Ал күндөр жөнүндө болгонун болгондой бир китеп кылып чыгарсамбы деген пландарым бар. Анткени бул өмүр бизден өтүп кетет. Анан көз өткөндө кимдир бирөөлөрдүн турмушубузду чукуп, каалагандай калчап жазышын каалабайм.
35 жыл бирге жа­шап, балдардын жакшылыгын чогуу көрүп, куда, дос, тууган күтүп, алар менен катышып келе жатканыбыздын өзү эле Асылбектин мага берген баасы го деп ойлойм. Эгер мени сыйлабаса, барктай, баалай албаса, чогуу жашоонун деле кереги жок эле да.
Достордун арасында “Сүйүн эле билет, Сүйүндүн жүр деген жагына кете берем. Сүйүн эмне десе ошону аткарам. Мен жумуштун кишисимин” деп койсо сүйүнүп калам.
– Байке азыр чоң сүйүүгө кабылып, "кетем" десе эмне кыласыз?
Буга чейинки сүйүүлөрүнө тоскоол болбогон, эми кармамак белем. Кетем десе жолун тоспойм. Бул дүйнөгө бир жаралган соң сүйгөнүң менен ырахаттанып жашоого эмне жетсин?..
– Балдарыңыз тууралуу айтып берсеңиз...
– Эки уул, эки кызыбыз бар. Улуу балабыз Сапар менен келинибиз Фарида эки кыздуу болушту. Фаридадай келинди берген Кудайыма ыраазымын. Кызыбыз Жыпар менен күйөө балабыз Союз дагы эки уулдун ата-энеси. Күйөө балабыз Асылбекке окшоп ачык-айрым, тамашакөй, бизди ата-апалап сыйлап турат. Аргенибиз студент, көкүрөк күчүгүбүз Сезим он жашта. Менин жашоодогу кол жеткис байлыгым бул – балдарым. Алар үчүн бардыгын жасоого даярмын. Балдарымды дагы өзүм сыяктуу көтөрүмдүү, чыдамдуу болууга тарбиялап келем.
– Балдарыңыздын ичинен атасынын жолун улап кете турганы барбы?
– Асылбек кабыргасы ката элек кезинен тарта сахнанын тузун-балын татып, баарына эрте бышпадыбы. Ошондон улам болсо керек, журналисттер ушундай суроо берсе эле “таланттуусу жок, сахна адамы болбойт” деп кыска жооп берип коёт. Баары кичинесинен искусствого аралашып өсүштү. Бирок Асылбек алардын чыгармачыл чөйрөгө аралашышын каалаган жок. А өзүнө “кайрадан төрөлүп калсаңыз ким болмоксуз?” деген суроо берилсе, “кайра эле ушул жолумду тандамакмын” дейт.
– Маегиңизге рахмат, эже. Бул менин акыркы суроом болсун. “Асылбек Өзүбеков ким?” дегенге сиздин аныктамаңыз...
– Асылбек – өзгөчө жаралган ар тараптуу талант. Обончу, аткаруучу, актёр, алпаруучу, ырга жан киргизген адам. Күйөөм, балдарымдын атасы экенине караганда, талантына өзгөчө баа берем. Мындай таланттар көп эмес. Азыркыга чейин үнү жаш кездегидей, ичинде катылып жаткан байлыгы дагы 100 жылга жеткидей.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(12)
04.02.2011. 19:39 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Байкенин кыздары озунун эле кочурмосу экен.
05.02.2011. 04:06 
Тайпасы:
Жаран
Комментарийлердин саны:
161
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
Чыгармачыл адамдар непонятный болушат
06.02.2011. 09:54 
Тайпасы:
Кыймылы жок
Комментарийлердин саны:
16
Катталган:
21-10-2007
Соӊку аракети:
15-07-2015 09:55
Жынысы:
Белгисиз
0
Суйун эжедей айымдар бул жашоодо чанда гана кездешсе керек.
Мен да сиздей которумдуу, туруктуу, уй-булоо очогун бийик койгон, жолдошумдун асыл, кымбат жары болгум келет, бирок сиздин жолдошунуз канча таланттуу адам болсо да андай адамга жолукпай эле койсом деп тилейт элем.
06.02.2011. 23:02 
Тайпасы:
Кыймылы жок
Комментарийлердин саны:
38
Катталган:
05-11-2010
Соӊку аракети:
05-03-2011 13:26
Жынысы:
Белгисиз
0
yrlary jagat magajan ergitet go jon ele..........
07.02.2011. 02:32 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
"супер инфо" акыркы убакта орфографиялык каталарды коп кетирчу болдунар...тартарда деп(тартаарда)тажикстан, озбекстан(тажикистан,озбекистан)деп жазылат болуш керек... бул эсимде калган создор....албетте кечирим сурап кетмекчимин....
07.02.2011. 09:07 
Тайпасы:
Кыймылы жок
Комментарийлердин саны:
340
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
cosmopolit, орфографияны озун туура билбеген сон сен экообуз "тууралабай" эле койбойлубу. Озбекистан, Тажикистан деп бул олколор оздору да жазбайт.
07.02.2011. 13:29 
Тайпасы:
Жаран
Комментарийлердин саны:
88
Катталган:
01-11-2010
Соӊку аракети:
08-08-2018 17:22
Жынысы:
Белгисиз
Калаасы:
Бишкек
0
Аябай кыйын эже экен! Менин жолдошум Асылбек байкедей болбой эле койсо экен. Негизи эркектер жаман эле болушат экен.
11.02.2011. 02:59 
Тайпасы:
Жаран
Комментарийлердин саны:
269
Катталган:
06-09-2010
Соӊку аракети:
03-07-2018 19:51
Жынысы:
Белгисиз
Калаасы:
Italia,Sardegnia.
0
Ayabai akilduu jan eken,men da uwul ejedei bolgum kelet,ui buloonu saktaw kerek erkeke iwenip otura berbei.
11.02.2011. 17:18 
Тайпасы:
Жаран
Комментарийлердин саны:
105
Катталган:
26-01-2011
Соӊку аракети:
15-12-2016 20:00
Жынысы:
Белгисиз
Калаасы:
ош
0
Эркектин баары бир гор
19.02.2011. 23:25 
Тайпасы:
Кыймылы жок
Комментарийлердин саны:
20
Катталган:
22-09-2010
Соӊку аракети:
29-11-2014 00:12
Жынысы:
Белгисиз
0
okup jatyp men mamamdy estep kettim.mamam da dal ushul ejedei,papamdyn kemchilikterin azyrkyga cheyin kotorup kelet.eger menin kuioom ushundai kylyktardy kylsa chydabait bolchumun(eto lichno moe mnenie).
20.02.2011. 21:30 
Тайпасы:
Жаран
Комментарийлердин саны:
137
Катталган:
05-08-2010
Соӊку аракети:
15-09-2017 17:46
Жынысы:
Белгисиз
0
куйоондун ушунча нерсесин котором деп аягындаа карасан озун тугонуп калган болосун, бул нерсе(кызганыч)адам нервин мите курттай жейт! Айымдар биринчи озунорду аягыла,сабырдуулук менен уй булоону сактайлы!
07.05.2011. 17:52 
Тайпасы:
Кыймылы жок
Комментарийлердин саны:
1
Катталган:
04-05-2011
Соӊку аракети:
12-11-2015 13:30
Жынысы:
Белгисиз
0
Суйун эже, баракелде сизге! Керек болсо ушул Жер шары ушундай кишилердин ийнинде турат... Бирок, эженин ар бир созундо купуя мун, арман бар экени сезилип турат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: