БИШКЕКТИН АЙМАГЫ 3 ЭСЕ КЕҢЕЙЕТ

Бишкек шаарынын аймагы 3 эсе кеңейтилет. Бул тууралуу борбор шаардын башчысы Айбек Жунушалиев 27-декабрда Бишкек шаардык кеңешинин сессиясында билдирди. Айтымында, учурда Бишкектин аянты 12 900 гектарды түзсө, кеңейтилгенден кийин 37,8 миң гектарды түзөт. Бишкекке шаардын тегерегиндеги 8 айыл өкмөтү, ошондой эле Чүйдүн 4 айыл өкмөтүнө караштуу айрым айылдар кошула турганы айтылды.

Бишкектин четинде Восток, Лебединовка, Новопокровка, Көк-Жар, Орто-Сай, Новопавловка, Военно-Антоновка жана башка айылдар бар.

Бишкектин аймагын кеңейтүүгө тийиштүү жарлыкка жакында президент Садыр Жапаров кол коёру маалымдалды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1099, 29-декабрь-4-январь, 2023-ж.