Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙТЫЛЫП БҮТПӨЙТ МАХАБАТ

№432 11-17-февраль, 2011-жыл


Атактуулардын арзуусу

Аалам чапчыган падышаны тизе бүктүрүп, карапайым адамды ааламдын кожоюну сездирген бул улуу күчкө таң кала тамшанып, табышмагын жандыра албай кыйналып, сырларын ачып бүтө албай келебиз. Кеп бизди, сизди, ааламды таң калтырган атактуулардын махабат баяндары тууралуу...

СҮЙҮҮДӨ МЕЗГИЛ БОЛБОЙТ
“Сүйүүнүн мезгили болбойт” дешет. Эл оозунан түшпөй ырдалып келе жаткан Мунарым аттуу ырды улуу акын Аалы Токомбаев пайгамбар жашынан ашкан кезинде жазган экен. Аалыкенин жубайы Зейнеп казак кызы болот. Эки жаш Ташкентте окуп жүргөндө үйлөнүшүп,
4 балалуу болушат. Токомбаевдин кызы Тамара атасы жөнүндө жазылган китептерде минтип эскерет: “Ооба, “Мунарым” – атамдын апама арнап жазган ыры. Жаш кезинде апам мунарадай түптүз, татынакай кыз болуптур. Ыр апамдын көзү өткөндөн кийин жазылган. Ар бир аял эле жазуучуга жар боло албайт. Апама “өзүңдү эмнеге карабайсың?” десем, “мен бир казактын жөнөкөй кызымын, ал эми атаң кыргыз элинин чыгаан уулу” деп калар эле”.
Акындын сүйүүсүн аныктаган төмөнкү саптар чейрек кылым эл оозунан түшпөй келет.
“Сүт эмген бала жыттанган,
Илебиңди сагындым.
Мойнумду сылап артылган,
Билегиңди сагындым.
Талаада калган өңдөнөм.
Таалайым Мунар, кайдасың?..”


16 ЖЫЛДЫК СҮЙҮҮ КАТЫ
16 жыл бою калем менен баракта сүйүү жашаганына ишенесизби? Француз жазуучусу, акын Оноре де Бальзакка сүйүү каттары жаап турганы мыйзам ченемдүү көрүнүш болчу. Ошончо каттын ичинен акындын жүрөгүн козгогон каттын ээси Эвелина Ганская эле. “Бай, сулуу, жаш аял. Картаң жана каардуу күйөөсү бар”. Сураштырган адамдар Бальзакка ушундай жооп беришти. Экөөнүн тагдыр жолу бирикпеши бештен белгилүү эле. Андыктан алардын сүйүүсү кат менен гана чектелген. 16 жыл бою сүйүү катын жазышкан алар 1833-жылы көрүшүшкөн. “Жолугушуу кыска, бирок бир өмүр күтүү, жолугушуу бактысына татыктуу болду”,- деп жазат Бальзак.
Эвелина 40 жашка чыкканда күйөөсү каза болот. Мына күткөн эркиндик! Бирок Бальзак Эвелинадан “мени коё бериңиз” деген кыска кат алат. Анткени күйөөсүнүн туугандары Эвелина башка адамга турмушка чыкса, балдарын тартып алышарын, балдары да даражадан айрылышарын эскертишкен.
Ортодон 8 жыл өткөндө махабат кайырчысына айланган Бальзак сүйүктүүсүнө жол тартат. Эвелина бул учурда 48 жашта эле. Анын алдында карыган, көзүнүн нуру өчкөн, оорукчан акын турган. Эвелина Бальзактын бутуна жыгылып, акындын жашоосун тозокко айланткан махабаты үчүн кечирим сурайт. Ал байлыктан да, даражадан да, балдарынан да баш тартып, акындын аялы болгонго макул болот. Никесин кыйдырган соң Бальзактын көзү көрбөй, баса албай калат. 5 айдан кийин улуу акын көз жумат. “Мен бул никенин аягы болбосун сезгеним менен, бир ооз сөз менен ал адамды бактылуу кыларымды туйдум. Бул махабат толгон жүрөккө таазимим, улуу инсанга болгон сүйүүм болчу”,- деп жазган Эвелина Ганская. Жок, эми ал Эвелина де Бальзак болчу.


СҮЙҮҮГӨ ТУРГУЗУЛГАН ТАЖ-МАХАЛ
Сүйүү ыр саптарында калат, сүйүү эл оозунда калат. Ал эми сүйүүдөн күмбөз тургузуу кимдин оюна келди дебейсизби? Могол шахы Жахан сүйгөнүнө арнап салган Таж-Махал күмбөзү – дүйнөдөгү эң мыкты архитектуралык эстеликтердин бири. “Таж-Махал” сөзүн хинди тилинен которгондо “Ак сарай сыймыгы” деген маанини берет.
Жахан шах Мумтаз Махалды базардан кезиктирип, сүйүп калат. Сүйүктүүсүн бир күн да көрбөй кала албагандыктан, аны жортуулга барганда өзү менен чогуу ала жүрчү. Бирок жортуулдан келе жатканда Мумтаз төрөттөн каза болот. Сүйгөнүнүн денесин кучактап түнү менен отурган шахтын кара чачы бир түндө агарып кеткен дешет.
Мумтазды жерге берген соң Жахан шах өлкөсүнө эки жылга той, шаан-шөкөткө тыюу салат. Анда да кайгысы басаңдабаганда Мумтазга арнап күмбөз салдырууну чечет. Таж-Махал 20 жыл бою 20 миң адамдын эмгеги менен курулат. Кереметтин керемети болгон мындай архитектуралык курулуш ааламда жалгыз болушу үчүн Жахан шах башкы куруучунун эки колун балта менен чаап салат. Өз уулу так талашып, атасын зынданга салдырат. Зындандын кичине терезесинен сүйүктүүсүнө арналып салынган күмбөздүн учун көргөнүнө бактылуу болгон Жахан эки көзү көрбөй калгандын эртеси көз жумат. Анын денесин шахты сыйлаган адамдар караңгы түндө алып чыгып, сүйүктүүсү Мумтаз Махалдын жанына коюшкан экен. Индияда жайгашкан Таж-Махал учурда сүйүшкөндөрдүн сыйынган жайы болуп саналат.


“СҮЙҮКТҮҮМДҮН КОЛУНАН ӨЛҮҮ – БАКЫТ”
Ева Браун... Бул аял тууралуу эчен макалалар чыгып, канча тасмалар тартылса да, жөнөкөй суроого жооп ушул кезге чейин табылбай келет. Уялчаак, татынакай, жаш кыздын каардуу, мерез, таш боор Гитлерди акылынан адашып сүйүп калуусуна эмне түрткү болгон? Бул да болсо сүйүүнүн табышмагы...
17 жаштагы Ева сүрөтчүгө жардамчы болуп иштеп жүргөндө 42 жаштагы Гитлерге кезигет. Евага көңүл бурганга Гитлердин убактысы да, маанайы да жок эле. “Мен Германияга үйлөнгөм” деген адам өзүнүн идеяларын баарынан бийик койчу. Анткен сайын Ева ага жагуу үчүн искусстводон сабак алып, моданын аркасынан түшүп, саясий китептерди окуй баштайт. “Эгер адамды сүйсөң, анын жаман жактарын да кошо сүйүшкө туура келет” деп жазат өз күндөлүгүнө Ева.
Бул учурларда Гитлердин көңүлдөшү Гели өз өмүрүн кыят. Мындай кайгыны көтөрө албай турган учурда ага Малышка Ева (Гитлер аны ушинтип атачу) жардамга келет. Ева Гитлердин каалоосу менен Гелиге окшоп чачын боётуп, ал кийингендей кийинип, сүйүктүүсүнүн талабын орундатат. Анда да таш жүрөк жибибейт. Жоопсуз сүйүүдөн жабыркаган Ева эки жолу өз өмүрүн кыйганга аракет кылат. Ушундан кийин гана Гитлер Еванын тунук махабатына баа берип, ага үй белек кылат. Бирок Ева сүйүү жана сүйүктүү аял болуу бактысына зар болчу.
Ошентип, көп жылдар бою көлөкөсүндө жашаган аялга Гитлер өмүрүнүн акырында сүйүүсүн билгизген. 1945-жылы Кызыл армия Берлинге басып кирет. Ева күндөлүгүнө минтип жазган: “Жеңилүүгө дуушар болгондон кийин гана ал мени сүйөрүн түшүндү. Идеяларынын, амбициясынын алдында мен кыпындай нерсе болуп, мага деген сүйүүсүн өзү да түшүнбөй келген. Түшүнгөн адамга бул менин эң чоң жеңишим!”
Бийлиги кулай турганына көзү жеткен Гитлер шашылыш никеге турат. Жер төлөдө, шам жарыгында никелешип кол койгон экөөнүн тою дүйнөдөгү эң трагедиялуу үйлөнүү той эле. Биринчи жолу күйөөсүнүн төшөгүндө аялы катары уктоого камынган Ева күйөөсү өз колу менен сунган уу кошулган шарапты ичет. Сүйүктүүсүнүн жансыз колун кармап чөгөлөп отурган калыбында Гитлер өзүн чыкыйга атып, дүйнө менен кош айтышат.


АТАКТУУЛАРДЫН СҮЙҮҮ КАТТАРЫНАН

Аделге
Туура, мен сенин эркиң­демин. Бактылуу кылуу да, бактысыз кылуу да сенин колуңда, Адель. Туруп эшикти ачып дем алган абам сен болуп сезилдиң. Чачымды жагымдуу сылап, көңүлүмдү көтөргөн желди сен деп билдим. Тереземдин алдында гүлдөп турган роза гүлү бажырая мени караса, сенин каректериң мага жылмайгансып турду. Мындан ары дүйнөдөн эмнени сезсем, эмнени уксам, эмнени жазсам, ошонун баарын сен деп билем.

Виктор Гюго, жазуучу

Жозефинага
Согуш бул жылы мени катуу өзгөрттү. Менин аскерим кайрадан силкинип, кезектеги чабуулга камданууда. Ушундай баш аламан абалда да сен бир мүнөткө да эсимден чыккан жоксуң. Таң калганым, эч ким бере албаган бакытты да, адам чыдай алгыс кыйноону да сен бердиң, Жозефина! Оо, менин Жозефинам! Сенин таш боордугуң мендеги сүйүүнү эки эселеп жалындатканын билген болсоң!..

Наполеон Бонапарт, император

Анна Кернге
– Мен китеп жазуу үчүн, акындык үчүн, же кимдир бирөөнүн күйөөсү болуу үчүн жарык дүйнөгө келген жокмун. Мен жалгыз гана сени сүйүү үчүн дүйнөгө жаралгам. Кымбаттуу Анна! Менин жашоомдогу улуу миссиям сени сүйүүдө экен. Менин бул дүйнөдөн алып кетерим – сенин жылмайган элесиң жана сен белек кылган күндөр... Мени даңктуу адам дешет. А мени даңктуу кылган сен экениңди эч ким биле бербейт.

Александр Пушкин, акын

Сергей Есенинге
– Cага жолуга албай, труппа менен кайра кеткенге аргасызмын. Сагынычтын көзгө көрүнбөгөн миң сан жебеси денемди тешип өтүп, жүрөгүмдү сыздатат. Есенин, сен менин кадырымды билген күнү менин махабатымдын жеңиши деп майрамдайбыз.

Айседора Дункан, бийчи

Нуржамал Жийдебаева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
11.02.2011. 19:05 
Тайпасы:
Кыймылы жок
Комментарийлердин саны:
80
Катталган:
30-04-2010
Соӊку аракети:
03-09-2015 17:52
Жынысы:
Белгисиз
Калаасы:
Бишкек
0
Рахмат Нуржамал Жийдебаева, сонун маалыматтар топтолгон.
12.02.2011. 17:54 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
+1
Keebirler suiuu jok deshet, birok suiuu bar uchun jashoo ulanyp atsa kerek.........
12.02.2011. 21:07 
Тайпасы:
Жаран
Комментарийлердин саны:
105
Катталган:
22-01-2011
Соӊку аракети:
11-04-2018 12:49
Жынысы:
Белгисиз
+1
Буткул дуйно жузу суйууго анан баш ийет. Суйуу болгон учун да момундай ыр саптар жаралып жатса керек.
14.02.2011. 13:48 
Тайпасы:
Тартип бузгандар
Комментарийлердин саны:
16
Катталган:
10-11-2010
Соӊку аракети:
26-12-2012 10:14
Жынысы:
Белгисиз
Калаасы:
ЖЕНЕВА
0
АТАКТУУЛАРДЫН "СҮЙҮҮ" КАТТАРЫНАН. Эмнеге менин коментти алып таштаганыңарды түшүнбөдүм, ойлопмун өздөрүнүн катасын оңдоп коюп анан менин коментимди алып койгон окшойт, деп!
14.02.2011. 18:06 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
+1
Эреже:1) Эмне болгон чакта дагы кулумсуро. Эреже:2) Аны чын журоктон суй. Эреже:3) Аны таштап кетпе. Эреже:4) Ал сени таштап кеткен болсо "Эреже:1 ди" эсте.
16.02.2011. 01:04 
Тайпасы:
Тартип бузгандар
Комментарийлердин саны:
40
Катталган:
29-12-2010
Соӊку аракети:
13-11-2014 23:15
Жынысы:
Белгисиз
Калаасы:
Москва
0
suiuu suiuu deit eken suiuu adamdi jeit eken
18.02.2011. 10:06 
Тайпасы:
Кыймылы жок
Комментарийлердин саны:
2
Катталган:
15-07-2010
Соӊку аракети:
11-07-2011 17:45
Жынысы:
Белгисиз
Калаасы:
Бишкек
0
Абдан таасирлууу экен,азыр да ушундай суйуу болсо деп ойлоп кетесин...
28.03.2011. 15:59 
Тайпасы:
Кыймылы жок
Комментарийлердин саны:
82
Катталган:
04-06-2009
Соӊку аракети:
21-10-2013 09:37
Жынысы:
Белгисиз
0
азыр деле мындай суйуулор бар. болгону биз аны баалай албай жатканбызда
04.07.2011. 21:01 
Тайпасы:
Жаран
Комментарийлердин саны:
2
Катталган:
29-06-2011
Соӊку аракети:
26-11-2016 22:08
Жынысы:
Белгисиз
0
императордун эрежеси мага абдан жакты учурда ыйлагым келип аран отурдум эле окуп алып аргасыз кулдум.
07.09.2011. 20:58 
Тайпасы:
Кыймылы жок
Комментарийлердин саны:
31
Катталган:
05-08-2011
Соӊку аракети:
20-02-2015 01:59
Жынысы:
Белгисиз
Калаасы:
jaran
0
syiyynyn daamun tatkanga otoo or bolot
09.07.2012. 00:54 
Тайпасы:
Жаран
Комментарийлердин саны:
26
Катталган:
08-07-2012
Соӊку аракети:
09-08-2018 19:17
Жынысы:
Белгисиз
0
суйуу бар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: