Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Арнольд Шварценеггер: «ИЙГИЛИКТИН АЧКЫЧЫ ЖҮРӨКТӨ»

№432 11-17-февраль, 2011-жыл


Бейне

Арнольд Шварценеггер деген ысым сизге эмнеден кабар берет? Америкалыктар аны “ийгиликтин ачкычы” дешет. Ал 17 жашында дүйнөлүк спортту багындырып, 22 жашында Голливуддун таланттуу актёру болгонго жетишип, 30 жашында миллионер статусуна ээ болуп, 56 жашында мыкты саясатчы аталган. Бир адам мындай ийгиликтерге кантип жетишкен? Сөз ошол тууралуу болсун.

Толук аты-жөнү – Арнольд Шварценеггер
Туулган жылы – 1947-жыл, 30-июль
Туулган жери – Австрия, Грац шаары
Өмүрлүк жары – Мария Шрайвер
Балдары – Кэтрин Юнис, Мария Аврелия, Патрик Арнольд, Кристофер Саргент Шварценеггерлер

ЖАКШЫ ТАМАКТЫ АСКЕРДЕН ЖЕП...
Америкалыктар Темир Арни аташкан наристе полиция кызматкеринин үй-бүлөсүндө туулган. Атасы Густав Шварценеггер 38 жашында, апасы Аурелия 23 жашында үйлөнүшүп, уулдуу болушат.
Шварценеггерлердин үй-бүлөсү начар турмушта жашаган. Кичинекей Арни кедейчиликтен арылуунун жолдорун көп ойлончу. Атасы динчил болгондуктан, уулунун жакшы жашоого болгон умтулуусун жактыра бербей, “Кудай ар бир адамдын тагдырын маңдайына жазып койгон. Аны өзгөртө албайсың” деп жемелечү. Бирок Арни көшөрө башын чайкап, үнсүз каяша көрсөтчү. Апасы жөн гана үй кожойкеси эле. Түнт, өжөр өспүрүм 14 жашында бодибилдингге кызыгып, культурист Стив Ривздей болууну самай баштайт. Ошондон улам бодибилдинг менен машыгууну баштайт. Машыгуу залы ишемби, жекшемби күндөрү жабык болсо да, терезесинен кирип алып машыкчу.
Ал 18 жашында өз эрки менен аскер кызматын өтөөгө жөнөйт. Аскерде өмү­рүн­­дө биринчи жолу адамдай тамактанып, күн сайын эт жей баштаганын өз эс­керүүлөрүндө көп айтып жүрөт. Машы­гууга кызыкканын ушундан билиңиз, түн ичинде штангаларын танкасынын ичине жашырып коюп, эл уктаганда түнү бою машыгып чыкчу. Бул жоругу билинип, Арнольд аскердик жаза катары 2 ай караңгы, сыз камерага камалган.

СПОРТТОН САЯСАТКА КАРАЙ
Аскерден келген соң Арнольд фит­нес-клубда иштеп, аз убакытта клубду менчикке өткөрүп алат. Бул анын алгачкы менчиги болчу. 1966-жылы культуристтердин “Ааламдын күчтүү мырзасы” сынагында 2-орунду ээлейт. Бул жеңиш аны ого бетер өрөпкүтүп, алдыга сүрөгөн. Ийгиликтин куйругун бек кармаган Арнольд Австриядан Америкага жол алат. Санта-Моника, Калифорния штаттарында жайгашкан клубдарда тынбай машыгып жүрүп Темир Арни деген атка да ээ болот. Өзүн ушунчалык кыйнагандан кечинде чай куюлган кружканы да кармаганга алы калбай төшөгүнө кулап калчу экен. Ошентип, 23 жашында культуристтердин эң барктуу титулу болгон “Олимпия мырзасын” жеңип алат. Ал көп жылдар мыкты культурист катары таанылган.
1970-жылдары Арнольдду киного тартылууга чакыра башташат. Бирок анын немисче акценти, көлөмдүү булчуңдары, жайдары карап бирөөгө күлбөгөнү режиссёрлорго чоң маселе эле. Кемчиликтерин байкап, Арни спорт менен кандай машыкса, актёрлук чеберчиликке ошондой машыкканга өтөт. Ал эми Жеймс Кэмерондун даңазалуу “Терминаторунан” кийин Арнольд Шварценеггер деген ысым дүйнөгө жайылды. Бул тасманын ийгилигинин сыры Арнольд тасмада өзүн ойногонунда эле. Ал учурда Арни да Терминатордой бир күндө жети эле сүйлөм сүйлөчү. Тасмадагыдай дүйнөнү сактап калуу маселеси, адамдын ойлоп табуусунун чексиздиги, аалам тууралуу көп ойлончу. Дал ошол каармандай темир дененин ичинде назик жүрөк жаткан. Кызыгы, Шварценеггер
30 жашка чыкканда миллионер болгон. Бул учурда бизнес жана экономика факультетин бүтүрүүгө жетишет. Актёрлук гонорарын ичкиликке, баңгизатка коротпой, курулуш компаниясын ачат. Тез арада спортту, кинону багындырган адамдын алдында бир гана максат калат. Ал – саясат.
2003-жылы Арнольд Шварценеггер АКШдагы эң чоң штат деп эсептелинген Калифорния штатынын губернатору болуп шайланды. Ал: “Эл мени кинодон саясатка секирик жасады деп ойлойт. Бирок билген адамга мен көп жылдар бою саясатта келдим. Мен Калифорниянын 38-губернатору жана башка мамлекеттен келген биринчи губернатормун. Бул нерсе мага бир аз күлкүлүү”,- деген. Ал штатты каржы каатчылыгынан алып чыгып, аз жылда экономикасын өнүктүргөнгө жетишти. Бул үчүн биринчи эле жылы өзүнүн бир жылдык
175 миң доллар губернатордук маянасынан баш тарткан (биздин чиновниктер үлгү алышса, ээ?). 2006-жылы күчтүү оппозицияга карабастан, губернаторлуктун экинчи мөөнөтүнө өткөн. Конституциянын негизинде үчүнчү мөөнөткө шайланууга укугу жок болгондуктан, 2011-жылдын 3-январында өз милдетин башка адамга өткөрүп берди. Ал “ийгилигиңдин сыры эмнеде?” деген суроого күлүп, үнсүз гана жүрөгүн көрсөтүп коёт.

МЭЭРИМДҮҮ АТА, КАТААЛ КҮЙӨӨ
Булчуңдуу, сексуалдуу, көп сүйлө­бө­гөн Арнинин спорттук карьерасынын башталышында эле аялзаты ага аарыдай жабышчу. Арнольддун көңүлүнө түшкөн биринчи айым Барбара Аутланд Бейкер болгон. “Мен ага жолукканча сексти спорттун бир түрү катары карачумун. Барбара мага сексте да сезим болорун үйрөттү”,- дейт Арнольд Барбара тууралуу. Алардын мамилеси 4 жылга созулуп, анан экөө эки башка жолго түшкөн. Кийин Барбара Арнольд Шварценеггер тууралуу “Австрия эменинин көлөкөсүндө” деген китеп жазып чыккан. Ал эми биздин каарман ага үч саат бою интервью берген. Мария Шрайвер – Арнольддун биринчи жана акыркы сүйүүсү. Ал – саясат берүүлөрүн алып барган телеалпаруучу, журналист. Экөө теннис ойноп таанышып калышат да, тез убакыттын ичинде баш кошушат.
Айрым маалыматтарда “Арнольд аялын президент Жон Кеннединин бир тууган жээни болгону үчүн алган” деп айтылып келет. Кандай болгон күндө да экөө 4 балалуу болуп, бактылуу үй-бүлөнүн үлгүсү катары таанылышкан. Кызыгы, губернатор балдарына окутуучу жалдап бергенге абдан каршы болгон. Ал балдарды окутууну эненин иши деп билет. Мария болсо математика сабагынан кызына жардам бере албасын айткан. Анда жолдошу “биринчи сени окутуу керек. Сен окуган соң Кэтринге жардам бересиң” деген. Күйөөсүнүн катаал мамилеси Марияны капа кылбайт. Ал Арнольддон жумшактыкты, мээримдүүлүктү эмес, күчтүү ийинди, үйдүн кожоюнун көргөн үчүн турмушка чыкканын айтат. “Мен кичинемде “үй-бүлөм Ак үй сыяктуу туруктуу, бийик чеп болот” деп кыялдангам. Арнольддун темир калканынын аркасында туруу – мага бакыт”,- дейт. Аялына катаал болгону менен, Арнольд балдарына эң мээримдүү ата. Алардан күн сайын чиркөөгө барууну гана талап кылат. Калганынын баарын балдарынын эркине коёт.

Нуржамал Жийдебаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
13.02.2011. 02:40 
Тайпасы:
Кыймылы жок
Комментарийлердин саны:
25
Катталган:
03-10-2010
Соӊку аракети:
10-10-2015 06:52
Жынысы:
Белгисиз
0
byt` ili ne byt`! Molotchik!
13.02.2011. 18:53 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Men byltyr kyshynda Avstriada Vorarlberg degen jerde lyja teep jurup Schwarznegger´di korgom, jaman surduu, chon adam eken.
14.02.2011. 11:25 
Тайпасы:
Жаран
Комментарийлердин саны:
40
Катталган:
25-03-2008
Соӊку аракети:
20-09-2018 16:47
Жынысы:
Белгисиз
Калаасы:
Бишкек
0
Чындап келгенде ушул актер мага абдан жагат...
14.02.2011. 19:34 
Тайпасы:
Кыймылы жок
Комментарийлердин саны:
3
Катталган:
31-01-2011
Соӊку аракети:
02-03-2011 22:23
Жынысы:
Белгисиз
0
Коп жашасын байкуш
16.02.2011. 12:46 
Тайпасы:
Жаран
Комментарийлердин саны:
11
Катталган:
09-02-2011
Соӊку аракети:
03-04-2018 16:37
Жынысы:
Белгисиз
0
молодчик Арнольд эркек экенсин. Максатына жетипсин эми только Кудай Тенир колдосун
12.06.2011. 02:46 
Тайпасы:
Жаран
Комментарийлердин саны:
6
Катталган:
04-06-2011
Соӊку аракети:
14-11-2017 13:18
Жынысы:
Белгисиз
0
En tuura aytyptyr, baardygy jurokton, bul aktyor jana sayasatchy gana ele emes, philosof da okshoyt. Kyskasy uzun omur saga.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: