Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ШИРИН НОЯБРЬ

№246 20-26-июль, 2007-ж.


Режиссёру – Пэт О“Коннор
Сценарийин жазгандар:
Герман Раучер, Пол Юрик, Курт Вуилкер
Продюсерлери:
Жоди Эрлих, Дебора Аал, Марти Юинг, Эллиотт Кастнер
Башкы ролдордо:
Шарлиз Терон, Киану Ривз
Ролдордо: Жейсон Айзекс, Грег Германн, Лайм Айкен, Роберт Жой, Лорен Грэм, Майкл Розенбаум, Фрэнк Лангелла, Жейсон Кравитц жана башкалар

СЕНТЯБРЬ, ОКТЯБРЬ, НОЯБРЬ...
Сара Дивер (Шарлиз Терон) эч кимден айырмасы болбогон жөнөкөй кыз. Үйбүлөсүнөн бөлүнүп жалгыз жашайт. Жашоосунда кызык эч нерсе жоктой сезилет. Болгону, күчүктөрдү жакшы көрөт, француз тилин үйрөнгүсү келет жана Чез аттуу кызтеке досу бар. Саранын кичинекей батиринен башка эч байлыгы жок. Анткени, Сара эч нерсеге муктаж эмес. Ага жетишпеген бир нерсе – убакыт. Сара жаман дарт менен ооруйт. Доктурлар ага бир нече ай гана “беришкен”. Убакыт аз калды, кыска мөө­нөттүн ичинде Сара өзүнө жардам бере албайт. Ошондуктан, “башкаларга керегим тийсин” деп шашылат. Бирок, анын жардам берүү жолун баары түшүнө бербейт.
Сара ай сайын бир “оорулууну” табат. Аны бир эле айдын ичинде “бутуна тургузуп”, өз жолуна салат. Мисалы, сентябрь айындагы пациенти өзүн-өзү кемсинтчү, Сара ага ишеним сезимин тартуулаган. Октябрда эң эле менменсинген адамды жөнөкөй­лөт­көн. Эми ноябрь айында ага жаңы иш болуп Нельсон Мосс табылды.
Сан-Францискодо ири жарнама агентчилиги бар. Ал таланттуу ишкер Нельсон Мосстун (Киану Ривз) мыкты идеялары менен биринчиликте кармалып турат. Нельсон Мосс турмушта бардык керектүү нерсеге жетишкен: шаардын борборунда үйү, маяналуу кызматы, сүйлөшкөн кызы бар. Ага башка эмненин кереги бар? Баары жайында. Бир гана эркиндик жетишпейт.
Сара кезектеги пациенти Нельсонго боору ооруп, өзүнүн жардамын сунуш кылат. Нельсон аны уккусу да келбейт.
– Айым, мени жайыма коюңуз.
– Сенин маселеңди бирге чечүүгө болот.
– Менде эч маселе жок!
– Мынакей, биринчи белги. Сен болгон нерсени моюнуңа алгандан коркосуң. Чоң шаардын кулуна айланып калгансың.
Саранын тажаткан аракети акыры Нельсонду багындырды:
– Эмне кылышым керек?
– Муну оюн деп эсепте. Эрежелери жөнөкөй: менин айтканымды гана кыласың, суроо бербейсиң, уюлдук телефонуңду ыргытып, жумушуңду унутасың. Жоопкерчилик, убакыт, милдеттүүлүк дегендин баары жок.
– Сага кандай пайдасы бар?
– Эч кандай. Сенден сурай турчу бир гана нерсе – убактың. Мага туура бир ай бер. Бир гана ай. Ноябрь айы. Бул ай өмүрүңдөгү эң ширин ай болооруна сага кепилдик берем.
Нельсон алгач Сарага иш­ен­ген эмес. Бирок, ноябрь айынын ичинде ал бүгүнкү күн­гө чейин баркын билбей жашап келген жө­нөкөй бакыттын даамын татты. Көл жээгинде шамал менен жарышып, күчүк­төргө тамак берүү, арзан кафеде отуруп балмуздак жеп, жакын достор менен шайыр кече өткөрүү, сыналгы көрбөй, чачты чаң соргуч менен кургатуу. Мындан артык эмне болсун?!
Атаганат, убакыт – куш. Бир ай тез эле өтүп кетти. Бирок, Нельсон менен Сара бир эрежени бузушту. Экөөндө сүйүү сезими пайда болду. Саранын планы боюнча мындай болбош керек эле. Анткени, экөө эч качан бирге боло алышпайт. Бир айлык саякаттан кийин экөө эки башка жакка кетүүгө тийиш. Сара оорулуу жана ал жөнүндө Нельсондун билүүсүн каалабайт. Ага өзүнүн алдан тайып, соолуп баратканын көрсөткүсү келбейт. Нельсондун элесинде шайыр, күчтүү, сулуу бойдон калгысы келет. Шаңга, бакытка толгон ноябрь кайгылуу аяктады. Бирок, Сара Нельсонго колдо бар бакытты баалай билүүнү үйрөтүп, ага эң маанилүү нерсени тартуулап кетти: эркиндик жана сүйүүнү.

СҮЙҮҮ ЖӨНҮНДӨ ШЕДЕВР
Тасма режиссёр Герман Раучердин 1968-жылы жарык көргөн фильминин негизинде тартылган. Фильмдин продюсерлеринин бири Дебора Аал аны көрөөрү менен дароо эле кассетаны жолдошуна алып барган. Бирок, “Ширин ноябрды” кайрадан жаңыртып тартуу идеясы кийинчерээк пайда болгон.
2001-жылы “Уорнер Бразерс” кинокомпаниясы фильмдин римейкин тартууга чыгынды. Актёрлорду тандоону продюсер Жоди Эрлихке тапшырышкан. Ал көпкө ойлонбой, мурда “Азезилдин адвокаты” фильминде бирге тартылган Киану Ривз менен Шарлиз Теронду чакырды. “Ширин ноябрга” экөөнүн тең чоң салымын кошкондору чын. Буга чейин “Матрица” менен атактуу болуп келген Киану өзүнүн башка тарабын көрсөтө алды. Ал эми таланттуу актриса Шарлиз бүт тасманын көркүн ачты десек эч жаңылышпайбыз. Фильмдин саундтреги, сыйкырдуу үндүн ээси Энйа аттуу ирландиялык ырчынын аткаруусундагы “Only Time” (“Убакыт гана”) ыры тасманын символуна айланган.
Бир эле учурда күлкү менен муңга толгон кайгылуу сүйүү окуясын чагылдырган бул тасманын бюджети же кирешеси жөнүндө жазгың да келбейт. Себеби, тасмага байланыштуу маанилүү нерсе такыр башка. Продюсер Жоди Эрлих айткандай, балким, бир айды сүрөттөгөн фильмди көргөн соң көрүүчүлөр да Нельсондой болуп жашоого Саранын көз карашы менен карай башташат.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: