Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАР, МАКСИМ, ЭМИ АТАЙБЫ?

№432 11-17-февраль, 2011-жыл


Учурдагы президент Роза Отунбаеванын мөөнөтү чектелүү болсо дагы, анын уулу Атай жөнүндө узун кулактар былтыркы жылы эле жазып чыгышкан. Апасы ажо болордо анын баласын дүйнөлүк ММКлар «Манас» аба майданынын ызы-чуусуна аралаштырганга жетишишти. Анда эмесе, «сахнада» Атай Садыбакасов.

ЖАЛГЫЗ БОЙ ЭНЕ
Үй-бүлөлүк башкаруу үчүн күрөш­көн Роза Отунбаеванын командасынын лидерлери негедир «чакан мамлекетин» көмүскөдө сактап келишет. Алсак, Алмазбек Атамбаев менен Өмүрбек Текебаевдин үй-бүлөсү жөнүндө маалыматтар аз айтылат. Ошол эле президент Роза Отунбаеванын күйөөсү жана бала-чакасы тууралуу да учкай гана белгилүү.
Отунбаева айым 1979-жылы окумуштуу кишиге турмушка чыккан. Ал көп жылдар бою Илимдер академиясында эмгектенген. Тилекке каршы, алар 1987-жылы ажырашып, Атай жана Карачачты Роза Отунбаева тарбиялап өстүрөт. Учурда кызы турмушка чыгып, уулу да үйлөнгөн.

МАКСИМГЕ ЖЕТПЕЙТ, АЙДАРДАН АШАТ...
Атай Садыбакасовдун өзүнө келсек, биринчи маалымат дароо эле чуулгандуу окуядан старт алды. Былтыркы жылы «Манас» аба майданындагы учактарды күйүүчү май менен камсыз кылган «Mina Corp.» компаниясын президент Роза Отунбаева экс-президент Курманбек Бакиевдин жакындарына таандык деп айыптап, Баш прокуратура тарабынан кылмыш иши да козголгон. Мына ошол учурда компаниянын өкүлдөрү чет өлкөдө (айрым маалымат булактары боюнча Түркияда) Атай Садыбакасов менен жолугууга аракет жасашкан. «Кыргызстандын мындай маанилүү маселелерин президенттин уулу чечет деген көрүнүш салтка айланып кетпедиби. Бирок компаниянын ойлогон ою ишке ашпай калган» дешет. Ал эми «Вашингтон Пост» гезити «компаниянын өкүлдөрү Дуглас Эдельман, Еркин Бекболотов менен 28 жашар Атай Садыбакасов жашыруун жолугушкан» деп жазган эле. Отунбаева бул тууралуу: «Менин балам акылдуу. Мындай жолго барбайт»,- деп айтканы бар. Бул маалымат интернет айдыңында бат эле таркап, колдонуучулардын түрдүү сын-пикирине дуушар болгон. Анда кээ бирлери «Атай деле ишкер, бирок ал Максимге жетпейт. Балким, Айдардан ашып түшүшү мүмкүн» деген билдирүүлөрүн калтырышкан.
Жыл жаңыргандан кийин интернет талаасында Кыргыз патенттин экс-төрагасы Улан Мелисбек менен AtaiKG (Мелисбек мырзанын ырасташынча Атай Садыбакасов) деген колдонуучунун айтышы көңүл чордонунда болду. Твиттерде (чакан блог) орун алган бул кайым айтышуу жеке нааразычылыктан баштап саясий маселелерди да чайпап өткөн. Айтмакчы, «дал ушул учурда президенттин чет жерде эс алып жүрүп, бул эмгек өргүү чатактын ырбашына себеп болуп калды» дешет.
Атай мырза жөнүндө кеп көпкө узабайт. Анткени ал чет мамлекеттерде жашап, «президенттин уулу» деген статусуна карабастан эл көзүнө бүгүнкү күнгө чейин чалдыкпады. Азырынча Айдарга окшоп «депутат болом» же Максимди туурап «мен өлкөнүн таажысыз башчысымын» деп чыга элек. Деңиздеги жөнөкөй балык иретинде калабы же мурунку экөөндөй акулага айланып кетеби, бул – та­бышмак.


ЭГЕРДЕ АТАҢ ПРЕЗИДЕНТ БОЛСО...

Азыр «кайран эки байкуштун күнөөсү жок болчу. Аттиң, уулдары бийликке кийлигишип кетишпедиби» деп бизди башкарган экс-президенттерди эскерип калбадыкпы. Бирок биз баягы эле Айдар же Максим эмес, алардын «досторуна» «аңга чыгууну» туура көрдүк.

АТАДАН УУЛГА ӨТКӨН ТААЖЫ
Азербайжандын азыркы президенти Ильхам Алиевдин атасы СССР кезинде эле аталган мамлекеттин башчысы болуп турган Гейдар Алиев уулунун бийликке келиши үчүн бүт күч-дараметин сарптаган. Эки ирет президенттикке шайланган Ильхам Алиевдин үч баласы бар. Арзу жана Лейла деген кыздары саясаттан өтө алыс, бул тармак аларды дээрлик кызыктырбайт. Ал эми чоң атасынын ысымын алып жүргөн Гейдар азырынча саясатка жаштык кылат.

МЕДВЕДЕВДИН УУЛУ МЕКТЕПТЕ
Орусия президенти тууралуу сөз кыларда баяныбызды Дмитрий Медведев эмес, аны бийликке алып келген мурунку мамлекет башчысы жөнүндө баштоону чечтик. Орусиянын экс-президенти Владимир Путин кесибине салабы, кыскасы, бекеринен мыкты чекист болбогон чыгар, өз кыздарын чоочун көздөн бекем сактайт. Мария жана Катерина Путиналар тууралуу маалымат ушул күнгө чейин Кремлдин жашыруун сыры сыяктуу айтылбай келет. Мария 1985-жылы төрөлсө, Катерина 1986-жылы туулган. Керек болсо алардын фотосүрөттөрүн да коомчулук көргөн эмес.
Ал эми азыркы президент Дмитрий Медведевдин Илья деген уулу бар. Ал Москвадагы эле мектептердин биринде билим алып, бош убактысында атасынын жан сакчылары менен футбол ойногонду жакшы көрөт. Анын жашы саясатка аралашууга жете элек болгондуктан, орустар кичинекей Илья жөнүндө ойлонуп баш оорутушпайт деле.

ГҮЛНАРА КАРИМОВА – ӨЗБЕКСТАНДЫН «ХАНБИЙКЕСИ»
Өзбекстандын президенти Ислам Каримовдун да уулу жок, бирок эки кызы бар. Лола жөнүндө маалымат жокко эсе болгону менен, Гүлнарасы өлкөсүндө өтө популярдуу. Гарвард университетин аяктаган Гүлнараны Өзбекстандын эң бай аялы дешет. Айрым маалымат булактары боюнча, анын ири дүкөндөрү, айрыкча зер буюмдарын сатуучу соода түйүндөрү көп.

МУРУТУ ДА ОКШОШ ВИКТОР ЛУКАШЕНКО
Экс-президент Курманбек Бакиев учурда Беларуста экени белгилүү. Андыктан бул өлкөнү аттап өткөнүбүз жарабаса керек. Жаңы жылдын алдында кайрадан шайланган Александр Лукашенконун Виктор деген уулу бар. Аны «атасынын мураскору» деп атап алышкан. «Ал жаштыгына карабастан генерал наамына ээ болуп, күч түзүмдөрүн башкарып турат» дешет. Тышкы көрүнүшүнөн атасына өтө окшош, керек болсо муруту да бар. Анын кичүү бир туугандары Дмитрий жана Николай.

АТАСЫНЫН ОҢ КОЛУ БОЛГОН ДАРИГА НАЗАРБАЕВА
Казакстандын президенти Нурсултан Назарбаевдин үч кызы бар. Анын ичинен эң көрүнүктүүсү – Дарига. Анткени Динара элге көрүнүүдөн алыс. Ал эми Алиясы Айдар Акаевге турмушка чыкканы үчүн гана таанымал болуп кетпесе, ал жөнүндө да маалымат айтылбайт. Дарига – атасынын кеңешчиси, медиамагнат жана дайыма жаңжалдардын очогунда жүрчү Тышкы иштер министринин орун басарлыгына чейин көтөрүлгөн Рахат Алиевдин экс-жубайы болгон. Кесиби боюнча саясат таануучу, бирок мыкты ырдоо жөндөмүнө да ээ. Дарига Назарбаеваны «укмуштуудай бай, Казакстандын дээрлик бардык ММКларын бучкактап кармап турат» дешет.

«БААТЫР АТА» РАХМОНДУН БАЛДАРЫ
Тажикстандын президенти Эмомали Рахмондун тогуз баласы бар. Анын ичинен экөөсү эркек, жетөөсү кыз. Эң улуусу Фируза жеке ишкер, Дүйшөмбү шаарындагы дүкөндөрдүн кожойкеси. Кенжетайы Сомони мектепте, ал эми Рустам «Истиклол» футболдук командасынын оюнчусу катары таанымал. Дагы бир кызы Зарина телеканалдардын биринде диктор болуп иштеген. Атасынын кадыр-баркы менен кыздарынын көбү ийгиликтүү турмушка чыгып, Тажикстандын бай жана таасирдүү адамдарынын катарын толукташат.

Эльвира Караева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
11.02.2011. 19:01 
Тайпасы:
Кыймылы жок
Комментарийлердин саны:
80
Катталган:
30-04-2010
Соӊку аракети:
03-09-2015 17:52
Жынысы:
Белгисиз
Калаасы:
Бишкек
0
Роза Отунбаева акылдуулук кылып, баласын жолотпойт болуш керек. Уже опыты бар да.
11.02.2011. 19:14 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Жонокой адамдардын жашоосу ушул чириген байлардын колунда болуп калбадыбы!!! Ток бала ач бала менен ойнобойт дегендей, биз менен булардын иши да жок.Кыйналып атасынбы, ооруп атасынбы,ачка отурасынбы??? Баары бир.....
11.02.2011. 21:06 
Тайпасы:
Жаран
Комментарийлердин саны:
161
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
чыын
12.02.2011. 02:48 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Оозу кыйшык болсо да,байдын уулу суйлосун.....дегендей да.
12.02.2011. 07:59 
Тайпасы:
Кыймылы жок
Комментарийлердин саны:
8
Катталган:
12-09-2010
Соӊку аракети:
04-08-2014 23:11
Жынысы:
Белгисиз
Калаасы:
Krasnoyarsk
0
Бутту мыйрык болсо да,байдын кызы бийлесин....
13.02.2011. 21:52 
Тайпасы:
Кыймылы жок
Комментарийлердин саны:
18
Катталган:
30-08-2010
Соӊку аракети:
08-01-2013 21:00
Жынысы:
Белгисиз
Калаасы:
москва
0
Жегенден кийин алыс узабай эле кускандарын коруп атпайбызбы?
14.02.2011. 21:43 
Тайпасы:
Жаран
Комментарийлердин саны:
4
Катталган:
18-01-2011
Соӊку аракети:
05-09-2018 14:23
Жынысы:
Белгисиз
0
Бийлик, байлык - бул шор туздуу суудай, канча ичсен да тойбойсун...
15.02.2011. 07:36 
Тайпасы:
Кыймылы жок
Комментарийлердин саны:
5
Катталган:
15-02-2011
Соӊку аракети:
27-09-2011 01:03
Жынысы:
Белгисиз
0
Турктор Атайды азгырып жатышат.
15.02.2011. 15:22 
Тайпасы:
Жаран
Комментарийлердин саны:
17
Катталган:
17-02-2009
Соӊку аракети:
30-01-2018 22:28
Жынысы:
Белгисиз
Калаасы:
Evergreen
0
Айпайын эле дейсин бирок ушундай кылык жоруктарын угуп коруп ,жан кейигенден айткым келет Кыргызстанга Жетим президент керек!
15.02.2011. 17:37 
Тайпасы:
Жаран
Комментарийлердин саны:
193
Катталган:
05-10-2010
Соӊку аракети:
23-09-2018 00:39
Жынысы:
Белгисиз
0
Üy bülölörün aralaştırbay ele koyuşsa misalı Putin
16.02.2011. 14:41 
Тайпасы:
Жаран
Комментарийлердин саны:
161
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
чын жетим президент керек бирок аны деле жаман корсотуп койушат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: