Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАКТУУЛАРДЫН БАЛДАРЫ

№246 20-26-июль, 2007-ж.


«Каныңдан жаралган бала – жашоого жарык берген шам чырак» демекчи, ар бир адамдын жашоосунда өз баласы эң башкы орунда турат эмеспи. Анын сыңарындай, ааламга аты таанылган дүйнө жылдыздарыбыз да балдары менен өздөрүн толук бактылуу деп эсептешет. Анда «Кайсы жылдыздын канча баласы бар, аттары ким, алар канча жашта, эмне менен алектенет?» деген сыяктуу суроолорго жоопторду тө­мөнкү макаладан табасыз, урматтуу окурман…

ЖУЛИЯ РОБЕРТС

Атактуу актриса Жулия учурда үч баланын энеси. Жолдошу Дэнни Модерди Жулия тасмага тартылуу убагында тапкан жана аны менен 2002-жылдан бери бирге түтүн булатып келатат. Алгач жубайлар 2004-жылы Финнеус жана Хейзл аттуу эгиз балалуу болушса, үстүбүздөгү жылдын июнь айында дагы бир уулдуу болушуп, ымыркайга Генри Дэниель деген ысым беришкен. Тун балдары Финнеус менен Хейзлдардай эле Генри дагы чоң салмакта 3 килограмм 800 грамм болуп төрөлгөн. «Красотка» атка конгон Жулия эне болоору менен эле бала багуучу караштыра баштайт. Анткени, үйбүлө күтүү менен бирге карьерасын да чогуу ала кетүүнү башынан эле каалачу. Бирок, Жулиянын талабына ылайык, бала багуучулар жаш жана сулуу болбош керек. Себеби, 1989-жылы Робин Уильямстын өз баласынын тарбиячысына ашык болуп, ага баш кошкондугун сабак катары унутпайт жана жолдошун тарттырып жиберүүнү каалабайт. Балдарынын жакшы тарбия алышына кам көргөн ырчы сынактын негизинде үч баласына бирден бала багуучу жалдаган, аларга айына 4 миң доллардан төлөп берет. Бала багуучулар болсо кеңешчилердин көзөмөлүндө турат.

АНЖЕЛИНА ЖОЛИ

Атактуулар арасында көп балалуу болууну каалаган жылдыздар Анжелина Жоли менен Брэд Питтин учурда 4 баласы бар. Мындан бир аз убакыт мурун эле дагы бала багып алууну пландаштырып, кеминде 13-14 баланын ата-энеси болууну каалап жатышкандыктары тууралуу маалымат беришкен. Эми муну убакыт көрсөтөөр. Үстүбүздөгү жылдын март айында жубайлар дагы бир 3 жашар вьетнамдык Пам Куанг Сангдын ата-энеси болушту жана балага Пакс Тьен Жоли деген жаңы ысым ыйгарышты. Буга чейин эле Питт менен Жоли Камбоджиден Мэдоксту жана Эфиопиядан Захараны багып алып, тарбиялап жатышкан. Айта кетсек, бул жылдыз түгөйлөрдүн ортосунда былтыркы жылдын май айында Намибияда төрөлгөн өздөрүнүн кызы Шило Нувель Жоли-Питт дагы бар. «Жоли убактысынын көп бөлүгүн достору менен өткөрүп, балдарына жакшы карабайт. Бул учурда Питт тарбиялоо менен алектенип, үйдө отурат экен» деген имиштер бар.

МАЙКЛ ЖЕКСОН

Өз балдарын таңкалыштуу ыкма менен тарбиялап жаткандардын арасында дүйнө жылдызы Майкл Жексон бар. Майкл учурда үч баланын атасы. Аларга тарбия берүүнү башкаларга ишенбей өз колуна алган. Маалыматтарга таянсак, ырчы 1996-жылы жубайы Дебби Роу менен балалуу болуу үчүн гана үйлөнгөн экен. «Энесинин ким экени мени кызыктырбайт. Эң негизгиси, денсоолугу чың болсо эле болгону»,- дейт Майкл бул тууралуу. Ал эми балдардын чыныгы атасы ким экени да белгисиз. Анткени, эмнегедир бойго бүтүрүү үчүн анонимдүү донор жалдап, медициналык жасалма жол аркылуу бойго бүтүрүшүп, балалуу болушкан. Сары чачтуу, көгүш көздүү балдары өзүнө окшобогондуктанбы, айтор, Жексон алардын жүзүн эч кимге көргөзбөй, көчөгө чыкканда баштарына ар кандай түстөгү кездемелерди ороп коёт экен. Алтургай балконго чыкканда да баласынын жүзүн көргөзбөй, башын жаап көтөрүп чыгат дешет. Жубайлар ортодогу пикир келишпестиктерден ажырашып, 1999-жылы Жексон жубайы Деббиден балдарды өзүнө калтыруусун суранып, эгер макулдугун берсе 12 миллион доллар берээрин айткан. Жыйынтыгында, башында түзүлгөн үйбүлөлүк келишимдин негизинде балдарды алып калгандыгы үчүн Майкл Деббиге жогорудагы суммадан тышкары 215 миң доллар төлөп, 5 жыл убакыт колдоо катары жылына 150 миң доллар төлөп берип турууга аргасыз болгон. Балдарынын ысымдары да өзгөчө: Принц Май­­кл 1,­­­ Принц Майкл 2 жана кызы Пэрис.

УИЛЛ СМИТ

Дагы бир ааламга аты таанымал актёр, рэп-музыкант Уилл Смиттин үйбүлөлүк абалы тууралуу сөз кылсак. Жада Смитт деген ат сизге тааныш эмес угулуп жатса таңкалбай эле койсоңуз болот. Анткени, Жада эч кандай дүйнөлүк сыйлыктардын ээси эмес, ал жөн гана Уиллдин сүйүк­түү жары. Учурда ортолорунда эки баласы бар. Алгач жубайлардын тун уулу Жаден жарыкка келген, эки жылдан кийин кызы Уиллоу төрөлгөн. “Канында бар да” деп айтып коюшат эмеспи, анын сыңарындай, Смиттин 6 жашар кызы Уиллоу атасынын жолун жолдоп, азыркы тапта “Китт Киттредж: Загадка Американской девочки” аттуу фильмге тартылып жатат. Бул киного бир канча атактуу актёрлор тартылууда жана 2008-жылдын 2-июлунда алгачкы жолу киносүйүүчүлөрдүн назарына тартуулануусу күтүлүүдө. “Уиллоу Жадага, ал эми Жаден Уиллге куюп койгондой окшош”,- деп үйбүлөлүк достору айтып келишет.

МАДОННА

49 жашар ырчы Мадоннанын улуу кызы Лурдес Марий Чикконе Леон учурда 11 жашта. Атасы болуп Карлос Лео эсептелет. Экинчи баласы Рокко Ричи 2000-жылы төрөлгөн. Бул убакта Мадонна Гай Ричи менен никеде эле. Ал эми үчүнчү баласын Африкадагы Малави өлкөсүн­дөгү балдар үйүнөн алып келип багып алган. Балага татыктуу тарбия берүүнүн өзү канчалык түйшүк экенин ата-эне болгондордун баары эле билишсе керек. Ар бир адамдын өзүнчө кыялы болот эмеспи. Атактуу ырчы Мадоннанын да улуу кызы азыр 11 гана жашта экенине карабастан, модалуу кийинтүүнү апасынан талап кылып, ырчы өзү кийген кийимдердин ар биринин кичине өл­чөмүн тиктиртип берет. Ал гана эмес, Мадонна жетектеген кийим чыгаруучу фирмалардан тигилген кийимдерге жана сумкаларга Лурдестин сүрөтү чаптала баштаган. “Булардын баарын кызымдын суранычы боюнча жасап жатам”,- дейт Мадонна.

ЭДДИ МЕРФИ

Атактуу актёр Эдди Мерфи дагы көп балалуу аталардын бири десе жаңылыштык болбос. Эдди Мерфи жана анын жубайы белгилүү модель Николь Митчелл 1993-жылы баш кошушкан. Үйлөнүү тою да өзгөчө өтүп, ага күбө болгондордун саны 500гө жеткен жана алардын көпчүлүгү атактуу адамдар болушкан. 13 жыл чогуу жашашкандан кийин ортолорунда мотурайган беш баласы бар экенине карабай, былтыркы жылы ажырашууну чечишкен. Ал учурда балдарынын эң кичүүсү 3тө, ал эми эң улуусу 15те болчу. Демек, жубайлар мыйзамдуу түрдө баш кошконго чейин эле балалуу болушкан экен. Ажырашуудан кийин Эдди Мелани Браун менен мамилелеш болуп, өткөн жылы Мелани Энжел Айрис аттуу наристелүү болуп, атасы Эдди экенин жарыялаган. Мындан тышкары, «актёр өзү жашырган дагы бир никесиз баласы бар» деген да имиштер бар. Эгерде чын эле ушундай болсо, анда Энжел Айрис Эддинин балдарынын жетинчиси болот. Ал эми Николь экөөнүн ортосундагы балдары соттун чечими менен энесинин колунда калган.

БРИТНИ СПИРС

Жаш ырчы Бритни Спирс да эки баланын энеси болуп отурат. Популярдуулуктун туу чокусун багындырып, дүйнөнү дүңгүрөтүп турган кезде Бритни Кэвин Федерлайн аттуу жигитке турмушка чыккан эле. Уулдуу болушуп, атын жолдошу экөө талашып-тартышып жатып Шон Престон деп коюшкан. Андан көп узабай эле бир жылдан кийин дагы бир уулдуу болушуп, ага Жейден Жеймс деген ат коюшат. Жубайлардын тагдыр жолдору эки айрылып, тилекке каршы, учурда Бритни эки баласын тең жалгыз тарбиялап жаткан убагы. Көп өтпөй эле жалгыздык көөдөнүнө катуу тийдиби, айтор, «Бритни жакын дос тапкан» деп да айтып жүрүшөт. Ал досу күндүзү үйүндө бала багуучу катары кызмат кылат экен.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: