Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№433 18-24-февраль, 2011-жыл.


(Башы өткөн саныбызда)

Мектептин жанында аны дагы бир күтүүсүз сюрприз күтүп турган. Колуна гүл кармап, мээримдүү жылмайган апасын көрүп бир жагы чексиз сүйүнсө, бир жагы таң калып турду. 11 жыл ичинде апасынын мектепке келгенин биринчи көрүшү. Мектепке келүү, балдарын сабак жактан көзөмөлдөө атасынан артчу эмес. Апасы негедир Адилетке өзгөчө сулуу, бактылуу көрүндү. Жетип барып бекем кучактап алгысы келди. Бирок айланадагы окуучулардан уялды. Апасынын оор күндөрдөн да бактылуу мүнөттөрдү бөлүп алып балдарына тартуулай алган касиетине ичинен таазим кылып, эненин касиетине табынып турду.
– Апа, рахмат келгениңизге!!! Мен аябай кубанычтамын,- деп апасынын колунан гүлдү алып, Бурулайга карматты. Карегинен айланган кубанычтын жашын күлкү менен жашырып, жылмайып алып:
– Шайыр энемдин үйүндө гүл калтырдыңарбы өзү?
– Шайыр энең күзгө чейин гүлдөрдүн түрүн өстүрүп алат кайра,- деди апасы да жылмая.
– Аке, окуучулар тизиле баштады. Жүрүгүлө, мектеп жакка баралы.
Баары чогула мектеп тарапты көздөй басышты. Адилеттин эсине бала чагы түштү. Биринчи класска келгенде ыйлап, атасына жабышып “мектепте калбайм” деген күндөрү кечээ эле болгондой. Атасын сагынганын бүгүн туйду. Мектептен чыккан музыканын үнү Адилеттин кусалуу оюн бөлүп кетти. “Оо, клубдан музыканттар келишиптир да. Былтыр Чолпонбайлар мектепти бүтүп жатканда свет өчүп, линейка суз өткөн. Алардын бешенесинен да. Биздин балдарга күн көрсөтпөй күнүгө сабашчу. Сооп аларга” деп жылмайып алды.
Аңгыча мектептин экинчи кабатындагы терезеден:
– Ай, Адилет, кайда жүрө­сүң? Балдар бийге даярданып жатпайбы,- деген эжекесинин үнү угулду.
– Эжеке, мен бийлебей турган болгом. Мадамин агай “кыймылдарың туура келбейт экен” деп чыгарып салган.
– Кыйратты ошол агайың. Өзүнүн кыймылын билип алсын. Сопсонун эле бийлеп жүрбөдүң беле?..
– Эжеке, эми кеч болду бийлегенге. 10 жылдыкта тытып бийлеп берем,-деп баратып бир нерсени эстегендей мектептин ичин көздөй чуркады. Оюнда Бермет кайсы бала менен бийлеп жатты болду экен деген тымызын кызганыч бар эле. Музыка классына чуркап кирсе, Бермет Тынар классташы менен бийлеп жатыптыр. Түз эле тигилерге басып барды да:
– Эй, Тынар, белинен бош эле кармачы, тим эле кучактап албай. Уктуңбу?!- деп өкүм сүйлөдү.
– Бош эле кармап жатам.
– Бош дагы кармаба! Колуң­ду алыс коюп эле бийлей бер. Эч нерсе болбойт.
Бермет болсо Адилетти биринчи көргөндөй таң калып карап “жүрсөң эшикке” деп жетелеп сыртка алып чыкты.
– Сага не болду?
– Эч нерсе. Уйгактай жабышып албай, нормально эле бийлесин да.
– Ой, Кудай, ал өзү уялып араң бийлеп жатса... Адилет, мен сени гана жакшы көрөрүмдү билесиң го.
– Уялса бийлебей эле койсун. Мейли, жакшы даярдангыла. Мен балдарга кеттим.
Берметтин бетинен өөп, сыртка чыгып кетти.
Балдардын бою кичинеси болсо да, баарын башкарчу. Жаштайынан күрөш менен машыгып, өзү курактуу балдардын атаманы да эле. Классташ балдарынын кайда экенин ойлонбой туруп, мектептин артындагы бакты көздөй бет алды.
– Өпкөңөрдү ыштап жата­сыңар анан?- деп теңтуштарына тийише кетти.
– Ээ, сен кайда жүрөсүң, Адилет? Биз жетиден бери ушул жердебиз. Санжар менен Аскат мас болуп калды. Экөөнү Аскаттын үйүнө зорго жеткирдик,- деди Жумаш.
– Линейка бүткүчө чыдап тура албадыңарбы? Санжардын апасы мектепте жүрөт го. Эмне дейбиз азыр апасына? Пивону ким алып келди?
– 10-класстар.
– Мага тез таап келчи ошолорду.
Сапар отурган жеринен ыргып туруп, чуркап жөнөдү. Адилет бул көрүнүшкө аябай жини келип турду.
– Бардыгың линейкага жөнө, тез!
Баары ордунан козголуп, мектепти көздөй жөнөштү. Нуртилек менен Азамат гана ордунан козголбой отурушту.
– Досум, майрамың менен, а так! Бүгүн маанайың жок го.
– Маанай жакшы эле. Тигилерге жиним келип жатат. Акыркы коңгуроо болуп жатса, мас болушуп...
Аңгыча 10-класстын балдары чуркап келип калышты. Адилет аларга каардуу карай:
– Ким силерди таң атпай пиво алып кел деди?
– Кечинде Санжар клубдан жолугуп калып, “эртең менен эрте 5 литр пиво алып келип калгыла” деген.
– Мас бекен? Ал эмне кылып жүрүптүр клуб жакта?
– Ооба, кичине ичип алыптыр. Биз өзүбүз деле бүгүн сыйлап коёлу деп жаттык эле.
– Сыйлайт десе, таң атпай пивого тойгузуп коёсуңарбы? Азыр Аскаттын үйүнө барып, Санжарды сопсоо кылып линейкага алып келесиңер! Анын апасы мектепте жүрөт. Аскатка тийишпегиле. Анын кыялын билесиңер. Силерге жарым саат убакыт. Уктуңарбы?!
– Уктук.
– Убакыт кетти. Чуркагыла!
Балдар Адилеттин ачуусун жакшы билгендиктен, чуркаган бойдон кетишти. Мына ушинтип Адилет мектеп окуучуларын ийге келтирип, тартип орнотуп турчу.
– Доскелер, кеттикпи? Линейка башталып калбасын...
– Кеттик. Бүгүн мектепти бүтүп жатабыз. Айтмакчы, Адилет, Бермет менен жараштыңбы? Таарынышып жүрөт элең го. Аның тиги Тынар менен бийлеп жүрөт,- деди Нуртилек.
– Жарашканбыз. Баары сонун. Билесиңер го, көпкө таарынышпайбыз. Сүйөм да Берметти аябай.
– Нуртилек, сүйүү да буларда. Сен эмнени түшүнөсүң өзү? Сүйүү чоң энеңдин кара чайнеги беле, кырып-кырып жууп койсоң кетип калчудай. Кетпейт ал,- деп каткырып алды Азамат.
– Туй ата, сен мени эч нерсени түшүнбөгөн торпок кылып койдуң го, досум.
– Торпок болсоң торпок дейбиз да, доске,- деп Адилет Нуртилектин башынан матек алып алды.
Ошентип, там-туң баскан кезден чогуу чоңойгон достор куушуп мектепти көздөй жөнөштү.
Келген коноктор, мектеп башчылары сүйлөп жатышты. “Спорт тармагында жетишкен ийгиликтери үчүн Адилет Тилегенов Ардак баракчасы менен сыйланат” деген директордун үнү Адилетти катуу уйкудан ойготкондой болду. Мени айтып жатабы деп таң калгандай, бир аз кечигүү менен ортого чыкты. Ардак баракчаны алары менен карындаштарынын баары келип, гүл карматышты. Толкунданган Адилет шашып өз ордуна барып, гүлүнүн баарын Берметке карматып:
– Бул гүлдөр сага,- деп жылмайып койду.
Акыркы коңгуроо 11-класстын бийи менен аяктады.
Гүлсара кыздарынын баарын чогулта албай убара болуп жатканда Адилет апасынын жанына жетип келди. Баары биргеликте бул күндөрдөн эстелик калсын деп сүрөткө түшүштү. Апасы уулуна:
– Балам, мен кеттим үйгө. Жакшы майрамда,- деп акча сунду.
– Акчам бар, апа. Терминатор абам берген эртең менен.
– Ал берсе алып, мен берсем албай коёсуңбу эми?
– Макул, апа. Рахмат чоң. Карачаңды аркандатып, торпокту үйгө алдырып коёсузбу?
– Ай, балам, сени айттырбай эле баарын жасатып койгом, Сагынга айтып. Кабатыр боло бербесең.
Сүйүнгөн Адилет акчаны алып кудуңдап жөнөп калды.

Залкарбек Карабалаев

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
18.02.2011. 21:17 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
en sonun chygarma okuganda kadimkidei es alam.
19.02.2011. 16:49 
Тайпасы:
Кыймылы жок
Комментарийлердин саны:
123
Катталган:
21-10-2007
Соӊку аракети:
15-07-2015 09:55
Жынысы:
Белгисиз
0
Мага да жагат, окуп жатып биздин акыркы конгуроо болгон кунду эстей берем... Жагымдуу жазылган.
19.02.2011. 17:43 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Айылдын жашоосу сонун ээ,озунчо керемет да .
10.12.2011. 19:25 
Тайпасы:
Жаран
Комментарийлердин саны:
20
Катталган:
21-11-2011
Соӊку аракети:
18-09-2018 14:48
Жынысы:
Белгисиз
Калаасы:
pekin
0
akchasyn kyzyna,dostoruna emes birinchi bir tuugandaryna korotkonu ayabai yraazy kyldy.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: