Камчыбек Ташиевди коркуткандар кимдер?

20-ноябрда УКМК төрагасы Камчыбек Ташиев Бишкекте маалымат жыйын өткөрүп, анда белгисиз бирөөлөр аны коркутууга аракет кылып жатканын билдирди. Айтымында, ага сырдуу конверт жиберилген.

– Эртең менен жумушка келсем, менин дарегиме пломбаланган конверт келиптир. Катта мен алар койгон бир шартты аткарышым керектиги, болбосо менин, менин жакындарымдын өмүрү коркунучта экени айтылат. Бул кандайдыр бир атайын кызматтын иши экени көрүнүп турат. Мен силердин талапты эч качан аткарбайм. Силерден коркпойм. Бул катты ким жазганын баары бир табабыз,- деди Ташиев.

Көп өтпөй Ташиевге жазылган каттын тексти деп интернет желесине узун текст жарыяланды. Каттын автору делген адам УКМК жетекчисинен экс-депутат, маркум Чыныбай Турсунбековдун мамлекет конфискациялаган мүлктөрүн 10 күндүн ичинде кайра аларга кайтарып беришин талап кылат. Эгер бул талап аткарылбаса, анда Камчыбек Ташиевдин жана анын үй-бүлө мүчөлөрүнүн өмүрүнө коркунуч жаралары эскертилет.

Мындан кийин Чыныбай Турсунбековдун жубайы
Нуржан Тентимишова видеокайрылуу жасап, бул ишке анын үй-бүлөсүнүн тиешеси жок экенин билдирди. Ташиев акыркы 4 жылда президентке 2 жолу, өзүнө 5-6 жолу кол салуу аракети токтотулганын кошумчалады.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1146, 21-27-ноябрь, 2024-ж.