9 айда элге 74 миллиард сом насыя берилди

2014-жылдын 9 айында кыргызстандыктарга 21 коммерциялык банк жана 581 банктык эмес каржы-кредиттик уюму насыя берди. Бул тууралуу 3-декабрда Улуттук статистика комитетинен билдиришти.

Жыл башынан бери алар тарабынан 2,7 миллион насыя берилген, мунун ичинен 294 миң насыя же жалпы кредиттердин 11 пайызга жакыны бизнес менен алектенген жеке жактарга берилгени айтылат маалыматта. Андай кредиттерди алган аялдардын саны 142 миң экени, бул кредит алган жеке жактардын 48 пайызын түзөт. Ал эми банктык эмес каржы-кредиттик уюмдары тарабынан бизнес үчүн аялдарга берген насыялар аталган максатка берилген жалпы насыялардын 55 пайызын түзсө, бул көрсөткүч коммерциялык банктарда 40 пайызды түзөт.

Жеке жактарга бизнес үчүн берилген насыялардын жалпы көлөмү 2024-жылдын 1-октябрына карата 74 миллиард сомду түздү. Мунун 37 пайызын же 27 миллиард сомду аялдар алышкан. 18 миллиард сомдон ашыгын ишкер аялдарга банктар, 9 миллиард сомун каржы уюмдары беришкен.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1148, 5-11-декабрь, 2024-ж.