Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЛИКБЕК ЖЕКШЕНКУЛОВ, «Акыйкат» партиясынын лидери: «КРИМИНАЛДЫ ПАЙДАЛАНЫП БИЙЛИККЕ КЕЛИШСЕ, КАНТИП АНЫ ЖОК КЫЛЫШАТ?»

№434 25-февраль - 3-март, 2011-ж.


Кыргызстанда дагы бир өкмөт пайда болду. Коомдук негизде, алар өздөрү атагандай, альтернативдүү негиздеги өкмөт. Бул өкмөткө башчы катары Аликбек Жекшенкулов – саясий илимдердин доктору, мурдагы Тышкы иштер министри, эски бийликтин кесепетинен УКМКнын жер төлөсүндө 6 ай камакта отуруп, 7-апрелден кийин толук акталган, саясий эрки бекем инсан шайланды. Алар кандай иштерди аткарышмакчы, кеп ушул өңүттө болду.

– Аликбек мырза, коомдук негиздеги өкмөт менен парламентти түздүңөр. Ал өкмөттүн максаты эмнеде?
– Азыр өлкөбүздө саясий-экономикалык кырдаал абдан курч. Негизгиси, эл өкмөткө баштагыдай эле ишеним артпай турат. Ошондуктан октябрда уюшулган Улуттук конгресстеги партиялар жана уюмдар элге ар кандай маселелер боюнча пикирибизди, иш-сунушубузду билдирип тура турган чак келди деген ойго келип, ушундай альтернативдүү өкмөттү шайлап, элдик өкүлдөр жыйынын түзөлү дедик. Негизги максат – өлкөбүздөгү саясий-экономикалык абалга саясий күч катарында таасир этүү. Экинчи жагынан, элде ишеним-үмүт жаратуу. Эмне себептен альтернативдик деп койдук? Дайыма “эгер булар болбосо, ишене турган ким бар? Ким премьер, вице-премьер, министр боло алат?” деген суроо туулат эмеспи. Ошого жараша кадр өстүрүү максатында ушундай чечимге келдик. Министрлерди шайлоодо ошол 20 партиянын эле кызыкчылыгын көздөй тургандардан эмес, жалпы элге жарыялап, сынактык негизде шайлайлы деп турабыз. Алгылыктуу ой-пикир, сунуштары бар билимдүү кадрлар көп эле. Ушундай жол аркылуу бизде расмий өкмөттүн жүргүзүп жаткан иштерине альтернативдүү идеялар, жаш кадрлар пайда болот. Бул азыркы өкмөткө да, парламентке да стимул болушу керек.
– 5 миллиондун тегерегинде калкы бар Кыргызстан үчүн 120 депутат, өкмөт, президент, анан коомдук негиздеги өкмөт менен элдик жыйын ашыкчалык кылбайбы?
– Бул эми коомдук иш да, эч ким айлык төлөбөйт. Биз идея үчүн жүргөн адамдарбыз. Өзүңүз билесиз, адамзатынын тарыхын идея гана өзгөртөт, байлык же бийлик эмес. Идея, ыйман, рух менен адамзат көп нерсеге жетишкен, мындан ары да жетишет деп ойлойм. Демократиялык мамлекет түзөбүз деп жүрбөйбүзбү. Ошого жараша биз альтернативдүү идеяларды сунуштайбыз. Бүгүнкү күндө парламентте да, өкмөттө да номур биринчи маселе – портфель бөлүшүү. Өкмөт кечиктирбей чечүүчү иштер кагаз жүзүндө гана турат. Ишке өтө элек. Ошол өкмөттүн убададан ишке өтүшүнө түрткү болобузбу деген тилек. Андай болбосо, эл бул бийликти да четке кагышы мүмкүн.
– “Өкмөткө дагы бир аз убакыт берүү керек” дегендерге кошуласызбы?
– Учурунда Бакиевге деле эки-үч жыл өткөнүнө карабай, “убакыт бергиле” дешкен. Саясатчы болобу, башкабы, мисалы, сиз деле, бул кызматка келгениңизде кандай кадам жасап, ишмердигиңизди көрсөткөнүңүзгө жараша эмгек жамаатында эртеси эле реакция болот, туурабы? Чоң саясатта деле ошол. Жетекчи мейли өкмөттүкү, мейли парламенттики болсун, кызматка келгенден тарта эртеси эле жаңы кадамдарды жасашы керек. Ошондо элде ишеним пайда кылат. Эл ынанып, маанайы да көтөрүлөт. А азыр ким менен сүйлөшпөңүз, пессимисттик маанайда жүрөт. Анткени элдин үмүтү акталбай жатат. Анын үстүнө Улуттук конгресс “бийлик кетсин!” деген жок да. Биз өз билимибизди, тажрыйбабызды өкмөткө, элге сунуштайлы деп жатабыз. Бул мыйзамдуу, маданияттуу ишмердик.
– Ушул иштен майнап чыгарына көзүңүз жетеби?
– Ооба, Кыргызстан Европа өлкөлөрүндөй деңгээлге жете элек. Бирок кайсы бир күнү башташыбыз керек да, ушул сыяктуу иштерди. Акырындап өнүктүрө берсек, расмий кызматтагы министрби, премьерби, кимиси болбосун, “кой, менин ордума ошолор келип калышы мүмкүн, коррупцияга малынбайын, таза иштейин” деп аракет кыла баштайт.
Бизде 20 жылдан бери бийлик эл алдында жооп бере турган эч кандай механизм жок болуп жатпайбы. Болбой баратканда кубалап чыкмай. Максатыбыз – ошондой кубалап чыкмайларды токтотуп, мыйзам ченемдүү өзгөрүүлөргө алып баруу.
– Амбициялар бир лидердин алдында биригүүгө жол бербей, добуштар чачылып кеткенин парламенттик шайлоодон кийин айтып жүрдүңүз эле. Эми президенттик шайлоо алдында биригүүгө амбициялар жол береби?
– Улуттук конгресстин мүчөлөрү партиялардын лидерлери менен сүйлөшкөнбүз. Конгресстен чыгабы, башкаданбы, татыктуу, таза талапкер чыкса, колдойбуз.
– Кайрадан башталган шайлоо оюндары өкмөттү негизги иштеринен алаксытып, көңүлүн президенттик шайлоого, бийлигин кармап калууга буруп жаткандай. Ашыкча эле саясатташып кеткен жокпузбу?
– Айтканыңызга толук кошулам. Тилекке каршы, бийликке бийлик-байлык үчүн келип жатышат. Билесиздер, мен азыркы бийликтегилер менен чогуу оппозицияда болгом. Негизги максат Бакиевди бийликтен кетирүү болгон, кетирдик. Андан ары кандай жол менен кетүү керектигин, тилекке каршы, аныктай алышкан жок. Парламенттик шайлоодо кандай ыкмалар пайдаланылганын эл жакшы билет. Шайлоо комиссиясынын мүчөлөрүн, добуштарды сатып алышты. Добуш алуу үчүн криминалды колдонушту. Бардык мыйзамсыз ыкмаларга барышты. Бийлик ушунун баарын көрүп туруп көз жумуп койбодубу, эптеп эле тынчтык болсун дегенсип. Бирок ал тынччылыкты эмес, карама-каршылыкты, нааразычылыктарды күчөттү. Байкап жатасыңарбы, парламентке же өкмөткө келген соң баягы айтылган программалар унутулду. Пиар үчүн гана айрым учурларда айтып коюшат. А негизги максат – бийлик болуп калды.
Өкмөт саясатты эмес, ириде элдин турмушун ойлошу керек. Өкмөт башчы күн сайын негизги бааларды анализдеп, элдин күнүмдүк турмушунун башында болушу керек. “Бүгүн эт канча болду, май канча болду, нанчы?” деп... Эмне себептен кайсы бир азыктын баасы ашыкча асмандап кетти? Сырттан алып келүү кымбатка түшүп жатабы же ортодо коммерсанттар пайда көрүп жатабы? Ушундай маселелерди өкмөт күн санап чечип туруусу керек. Эл ошон үчүн бийликти шайлайт да, ушундай кыйын учурларда элге кам көрөт деп.
– Азыр сиз айтып жаткан нерселерди мурунку оппозициячылардан да укчубуз. Балким, бийлик ушундай нерседир, жеткен соң мурунку ойлор, убадалар унутулуп кете турган. Балким, Кыргызстандагы азыркы абал убадаларды ишке ашырууга мүмкүнчүлүк бербей жаткандыр...
– Ал саясатчынын өзүнөн көз каранды. Ооба, дүйнөлүк, Кыргызстандагы абал таасир этпей койбойт. Мына азыр айтып жатышпайбы, эки ай ичинде криминалды жок кылабыз деп. Кантип жок кылат, өздөрү криминалды пайдаланып бийликке келишсе? “Жок кылабыз” деп айткан туура эмес. “Кримдүйнөнүн таасирин азайтабыз, ар бир жарандын коопсуздугун бекемдейбиз” деш керек.
Менин оюмча, жалпы системаны чырмап алган коррупцияны жоймоюнча, криминал менен эффективдүү күрөшүү мүмкүн эмес. Мисалы, бүгүн кармалат, акча берет да, эртең бошоп кетет. Милициядан чыга албаса, сот аркылуу чыгып кетет. Андыктан алгач чиновниктердин каалагандай калчаган паракорчулугун токтотуу керек.
– Сиздин азыркы идеялаш­тарыңызга кепилдик барбы, бийликке келгенде алкымын тыят деген?
– Негизи, бийликке барганда адам, албетте, өзгөрөт. Мен өзүм бийликте болгом, аны жакшы билем. Ошондуктан эмитен макулдашып жатабыз, ким паракорчулукка барса, казынага кол салса, анда ал адамга бийликтен орун жок деп. Азыркылар эмне кылып жатышат? Кандай гана сөздөр болбоду, миллиондор боюнча. Ким алганын аныктап, жазалоонун ордуна, Убактылуу өкмөттөгүлөр бири-бирин актап чыгышты, “мен алган эмесмин, тиги да алган жок” деп. Ошентип, ким алганы билинбей эле кетти. Ушундай болбош үчүн алдын ала макулдашып алуулары керек эле. Ал үчүн эң жогорку жетекчилер таза болушу керек жана саясий эрки күчтүү болушу абзел.
Дагы айтарым, эл жетекчи болом деген адамдын тарыхын карашы керек. Кандай жол басты, кандай деңгээлде иштеди? Канча жолу бийликте болду, убадасына турдубу, жокпу, канча жолу алдап кетти эле? Бийликте болгондо мамлекет үчүн иштеди беле же өз камчысын чапканбы, байлык топтодубу? Өткөндө коалиция куралып жатканда саясатчылардын бир жоругун көрүп таң калдым. Отуруп алып санашат экен, бири-бирин канча жолу “кидать” этип кеткенин. Ошондой деңгээлге жетиптирбиз.
– Алдыда президенттик шайлоо турат. Талапкерлердин катарына кошуласызбы же башка бирөөнү таптайсыздарбы?
– Ал азырынча чечиле элек. Эң негизги барьер – акча. Бардыгы келип эле чоң акчага такалат. Азыр идеяга эмес, акчага карап иш кылып калышпадыбы.

Шаиста Шатманова
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
26.02.2011. 04:15 
Тайпасы:
Кыймылы жок
Комментарийлердин саны:
21
Катталган:
12-05-2010
Соӊку аракети:
28-01-2016 17:03
Жынысы:
Белгисиз
Калаасы:
КЫРГЫЗСТАН
0
Баардык политиктер-актёрлор.Алар жасалма, жаттап алган сөздөн башка эч нерсе билишпейт. Кыргызстанда кыргыздын келечеги үчүн иштеген бир да чиновник жок. Анткени бизде улуттук идеология жок. Баарысы заманың бөрү болсо бөрү бол, түлкү болсо түлкү бол деген принцип менен жашап калышкан.......
26.02.2011. 04:46 
Тайпасы:
Жаран
Комментарийлердин саны:
218
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
Канча адамды стресс депресся кылып кыйнайсынар ошону тушуносунорбу кыргыздар нервтен оорукчан болгону калдыго
28.02.2011. 13:51 
Тайпасы:
Жаран
Комментарийлердин саны:
345
Катталган:
07-09-2010
Соӊку аракети:
15-11-2018 12:07
Жынысы:
Белгисиз
0
Жекшенкулов жакшы эле мырза (жаран) го... бирок азырынча интервью аны-мунудан алыс болсо жакшы болмок...шашпаай оз убактысы менен кылган жакшы баардык кадамды...

Курошко тойбогон колун кезейт - сыяктуу эле корунуп калып жатат...
01.03.2011. 00:49 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Саясат-эртен,бир жумадан кийин,бир айдан кийин эмнелер болорун алдын ала айтып,кийинчерээк эмнеге айткандары ката чыгып калгандыгын тушундуруп бере алуу онору.Саясаттын бир гана бекети-адеп-аклак. Силер бири-биринерди жамандаганча,Кыргыз тилин опузалап оз уюндо жетим кылып жаткан орус тилдин кендирин кескиле.
01.03.2011. 00:53 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Акмак адам гана баардык адамдарды озундой ойлойт.Озу заманга жараша тулку,бору болуп жатса башкаларды да ошентип ойлойт.Акча деп эле акактап калган заманда деле улуттук идеологиясы бар,напсисин тыя алган,улутунун камын жеген адамдар бар. Эркек болсонор азыркы Кыргыз тилдин беделин сактап калгыла.Эгер чындап эле идея менен журсонор.Олумдон коркпо,мусулман адам кулга кул болбош керек.
01.03.2011. 02:05 
Тайпасы:
Кыймылы жок
Комментарийлердин саны:
150
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
биздин бийликтегилердин баары ХАЛЯВЩИК тер...кокуйлап жнталашып байлык жыйнай калайын дегенден башка эч нерсе билишпейт...
01.03.2011. 02:11 
Тайпасы:
Кыймылы жок
Комментарийлердин саны:
150
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
Бийликке окмотко ишенбей чет жерде жургондор эртерээк бутубузга туруп...мамлекетбиздин онугушуно салымыбызды кошушбуз керек...Идеяларды реалдуу ишке ашырышыбыз керек.... ар бирибиздин журогубуздо ИШЕНИМ УМУТ жана мекенибизге болгон СУЙУУ буз куч болушу керек...КЫРГЫЗДАР ойгонуп жакшылап ойлонуп...олкобудун келечеги ар бирибизден коз каранды....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: