Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЖЫЛЫКТЫН АКЧАСЫНАН БАЙЫГАНДАР КИМДЕР?

№434 25-февраль - 3-март, 2011-ж.


Жыл сайын ажылык сапар жаңжалга айланары көнүмүш болуп калган. “Зыярат кылуунун эсебинен миңдеген доллар табышат”деген кеп эч кимге жашыруун эмес. Муну редакциябызга келген коногубуздун фотосүрөттөрү жана видеоматериалдары да далилдейт.

ВИЗАНЫ ҮЧ МИҢ ДОЛЛАРДАН САТЫШКАНБЫ?
Былтыркы жылдын ажылык сапары ага чейинкилерден айырмаланган деле жок. Ошол эле көрүнүш. Бирок бул ирет ажылык сапарды уюштурууну Дин иштери боюнча мамлекеттик комиссия моюнуна алгандыктан, буга байланыштуу жоопкерчилик да бийликтин моюнуна түшкөн. Андыктан 2010-жылдын ажылык сапары боюнча кара булут президенттик администрациянын башчысы Эмилбек Каптагаевди каптап, анын көлөкөсү уулу Кубанычбек Каптагаевди да айланып жүрөт. Баарынан мурун депутаттар айгай салышканы менен, конкреттүү жыйынтык болбоду. Ажылыкты уюштуруучулардын кыргызстандыктар үчүн берилген визаларды чет жерликтерге 3 миң доллардан сатышкандыгы айтылган эле. Ага былтыркы жылдын ноябрь айында “Манас” аэропортунда Ирандын жараны колго түшүп, анын жанынан 146 ажылык виза табылганы күбө.

КАНЧА ЗЫЯРАТЧЫГА УРУКСАТ БЕРИЛЕТ?
Дин иштери боюнча мамлекеттик комиссиянын маалыматына ылайык, 2010-жылы Сауд Арабиясы тарабынан кыргызстандык зыяратчыларга берилген квота 4676 визаны түзгөн. Бирок кийинчерээк Тышкы иштер министринин орун басары Нурлан Айтмурзаевдин кол койгон документине таянып, 5060 кишиге виза берилгени айтылган. Сауд Арабия падышачылыгынын ТИМине караштуу консулдук бөлүмүнүн маалыматы да ушунча санды берген. Бирок Сауд Арабияга кыргызстандык 4301 зыяратчы гана барган. Ортодогу 759 виза кайда кеткен? Маалыматтарда айтылгандай 3000 доллардан сатылса, 2 миллион 277 миң доллар кимдин чөнтөгүнө түшкөн?

Квота ар бир өлкө үчүн түрдүү вариантта каралган. Бирок эреже боюнча ар бир миң мусулмандан бир кишиге орун берилет. Алсак, Орусиядагы мусулмандардын саны 20 миллионго жакын болгондуктан, жыл сайын 20 миң кишиге зыярат кылууга уруксат. Ал эми 16 миллиондун тегерегиндеги калкы бар Казакстанда 4 миң киши ажылыкка сапар тартышкан. Кыргызстан (5,5 миллион), Тажикстан (7,5 миллион) жана Өзбекстандын (27,5 миллион) калкынын саны түрдүү болгонуна карабастан, үчөөнө тең 5-5,5 миң виза жөнөтүлөт.

“АЖЫЛЫКТАН 10 МИЛЛИОН ЕВРО ТАБЫШКАН”
4-февраль күнү Жогорку Кеңеште жабык эшик артында ажылык тууралуу жыйын болуп өткөн. Ажылыкты уюштуруу боюнча жумушчу топ жана мусулмандар диний башкармалыгынын өкүлдөрү парламенттин жабык жыйынында “Эмилбек Каптагаевдин уулу ажылыкка берилген визалардын “махинациясына” тиешеси бар” дешкен. “Алдын ала маалыматтар боюнча, бийлик төбөлдөрү аралашкан ажылыкты уюштуруудан комиссиянын мүчөлөрү 10 миллион еврого чейин табышкан”,- деп депутат Анвар Артыков билдирген.

“КАЛП ДЕШТИ, БИРОК ЧЫН ЭКЕНИН ДАЛИЛДЕЙ АЛАМ”
Биздин редакцияга Кыргызстандагы элдин ар-намысын жана абийирин коргоо комитетинин укук коргоочусу Мирланбек Сатывалдиев баш багып, ажылыкка байланыштуу маек куруп берди. Ал былтыркы жылы ажылыкка сапар тартып, Кыргызстандын визасы менен жүргөн түркиялык жарандарды өз көзү менен көргөн.
– Ажылыктын бүткөнүнө 3-4 ай болду. Кеч болгонуна карабастан, колуңуздагы документтерди ачыкка чыгарууга эмне себеп болду?
– Өткөн ажылык сапар президент Роза Отунбаеванын буйругу менен Дин агенттигине жүктөлгөн. Анын мурунку башчысы Болот Абдырахманов гезиттердин бирине төмөнкүдөй маек бериптир:

«Айтылып жаткандардын баары калп. Кыргыз жарандарынан 4300 киши виза алып, ажылыкка барып келишти. Ал эми «чет мамлекеттин 700дөн ашуун жараны ажылык сапарга Кыргызстан аркылуу барып келиптир» деген сөз чындыкка дал келбейт. Ким аларга виза бериптир? Далил жок да. Оозго келгенди эле айта бергенге болбойт».

Бирок мен Сауд Арабияга бара жатканымда Сирия менен Иорданиянын чек арасынан 29 түркиялык жаранга туш болдум. Башында Кыргызстандын визасы менен бара жатышканын билбесем, кийин түрктөр өздөрү Сауд Арабияга чейин бизге кошулушун суранып калышты. Анын үстүнө менин башымда калпак бар болчу, алар кыргызстандык экенимди билишти.
– Сиз бул аралыкта сүрөткө жана видеого жаздыра баштаган турбайсызбы...
– Ооба. Баарынан мени Кыргызстандагы кеңири кулачын жайган паракорчулук системасы Түркияга чейин жеткени таң калтырды. Арабызды 5 миңге чукул чакырым бөлүп турганына карабастан, түрктөр биздин виза менен баратышканын көрүп чачым тик турду. Эми маселе башкада. Эгерде Болот Абдырахманов айтканын далилдегиси келсе, анда элге ажылыкка баргандардын тизмесин жарыяласын. Мына ошондо гана чындык өзү эле билинет.
– Түрк жарандары визаны кантип алганын айтыштыбы?
– Алар уюмдун аталышын айтуудан коркуп, бирок ар бири "виза үчүн 2500 доллар төлөдүк" дешти. Өзүмдүн визам менен салыштырсам окшош чыгып, түрктөрдүн ысымдарына берилгенин көрдүм. Бирок визада ажылыктын атайын коду болот. Бул код аркылуу тизмеден кимге берилгендигин аныктап алууга болот. Мен Кыргызстандан кетип баратканда эле өзүбүздүн 600-700дөй кишиге виза жетпей калганын уккам.
– Дагы кандай көрүнүштөргө күбө болдуңуз?
– Бир эле мисал, Ажылык зыяратты уюштуруу комитети “ыйык жерлерди кыдыруу 60 доллар” деп тизмедеги чыгымга кошкон. Бирок ал жакка барганыбызда өз чөнтөгүбүздөн 10 реалдан (120 сом) жыйнадык. Демек, кыргызстандык тарап 5 миңдей зыяратчыдан 60 доллар алса, “300 миң доллар кайда кетти?” деген суроо жаралбай койбойт.
– Сиздин оюңуз боюнча ажылык сапарды бийлик уюштурушу керекпи же муфтиятпы?
– Мен муфтият деп эсептейм. Анткени өкмөттүн мындай нерсеге аралашууга укугу жок. Биздин Баш мыйзамда “светтик” деген сөздүн өзү диний маселелерге киришүүгө жол бербейт. Бийлик ажылыкты уюштуруу менен өзүнө эле түйшүк жаратты.
– Эгерде депутаттардын айтканы чын болсо, ажылыктан түшкөн акчанын айынан муфтиятта деле ушундай “махинацияларга” жол берилбейби?
– Буга чейин болуп келгени белгилүү. Бирок жаңы келген муфтий Чубак ажы билимдүү киши. Азыр муфтияттын ичинде реформалар жүрүп жатканын көрүп жатабыз. Бир заматта мындай жол менен акча табуу жоголуп кетерине мен да, эл да ишенбейт. Бирок чет жердиктерге визаны сатып, өзүбүздүкү артта калганы да туура эмес.
– Түркиялыктардан башка Кыргызстандын визасы менен жүргөндөргө жолуктуңузбу?
– Жок. Бирок башка мамлекеттин жарандары менен сүйлөштүм. Мисалы, Кытайдан келген 72 жаштагы уйгур киши ажылыкка баруу кезегин 22 жылдан бери күтүп келгенин айтты. Өзбекстандыктар дагы он жылдап тизмеде туруп, андан кийин зыяратка келгенин айтышты. Түркиянын 70 миллиондой калкы бар, квотадан сырткары барчу адамдардын саны өтө жогору. Ошондуктан буга окшогон адамдар үчүн 2-2,5 миң долларга виза сатып алуу кеп эмес тура.
– Анда мындай көрүнүштү кантип жойсо болот?
– Бийлик төбөлдөрү аралашканы үчүн чекит коюлбай келе жатат. Эгерде карапайым калк болгондо, эчак эле аны камап жиберишмек.

P.S. Биз бул маселе боюнча азырынча жыйынтык чыгаруудан алыспыз. Эгерде ажылык сапарга тиешелүү орган жана адамдардын айтары болсо, угууга даярбыз.

Эльвира Караева
koom@super.kg


«Супердин» сурак бурчу

АЖЫЛЫКТЫ БИЗНЕСКЕ АЙЛАНТУУНУ КАНТИП ТОКТОТСО БОЛОТ?

Майрамбек ажы Осмонов,
ырчы:
– Ажылыкты бизнеске айлантып жаткандар – ыймансыздар. Аны дин ишмерлери да, мамлекет да бирдей деңгээлде көңүл буруп токтотпосо, кыйын эле болчудай. Ал эми баарынын кийген тондору бир болсо, анда жоюу кыйын болот го.

Турсунбай Бакир уулу,
ЖКнын депутаты:
– Роза Отунбаеванын буйругу менен ажы сапары боюнча штаб түзүлүп, ага динден алыс адамдар кирип, маселени түшүнбөй бизнеске айлантып, канчалардын убалына калды. Депутаттар К.Осмоналиев, А.Жапаров жана мен болуп бул маселени козгоп, жыйынтык чыгардык көрүнөт. Эми бул иш муфтиятка өтөт. Мындай чыр-чатактар кайталанбас деген ниеттемин.

Токтайым Үмөталиева,
коомдук ишмер:
– Токтотуу үчүн мыйзам кабыл алуу керек. Ажылык сапардын төлөмдөрү банк аркылуу жүргүзүлүүсү зарыл. Бардык документтер факт түрүндө калат. Кээ бирөөлөр 10 жолудан каттап, бул ишти бизнеске айлантып алышты. Муну тыюу керек. Паракорлорду эл алдында жоопкерчиликке тартуу керек.

Мамбетасан ажы Ибраев,
муфтийдин орун басары:
– Ажылык сапарды уюштурууга ажылыкка тиешеси болбогондор аралашпай эле коюшса дейм. Эң негизги талап – уюштуруучу топтун мүчөлөрү Кудайга ишенген, андан корккон пенделерден болуш шарт. Топту түзгөн соң тыкыр көзөмөл болуп турса, бизнеске айланбайт. Мындай суроолор да туулбайт.

Борончу ажы Кудайбергенов,
куудул:
– Бул ишти муфтиятка өткөрүш керек, ошондо токтойт. Мен ажылыкта жүргөндө сатылган квоталарды көргөм. Анткени биз жашаган чатырчада кыргыздар эле болуш керек эле, биз менен бирге тажик, ирандыктар, пакистандыктар да болушту. Квотаны бизден сатып алганын айтышты.

Мыктыбек ажы Арстанбек,
тележурналист:
– Сапарды уюштурууну мамлекет башкарса болмок.Эгер ал жерде Кудайдан корккон адам болсо. Токтотуш үчүн ишти дин боюнча сабаттуу муфтиятка берүү керек. Анан ал дагы коомдун көзөмөлүндө болушу кажет.

Бактыгүл Сокушова



Ажылыктын акчасына байыгандар кимдер?

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(12)
26.02.2011. 07:41 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Тообо.. жок дегенде Кудайдан коркуп ушул Ажыга барууну жон койгулачы бизнес кылбай.
26.02.2011. 07:42 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Видео корсотпойтат.
26.02.2011. 09:37 
Тайпасы:
Кыймылы жок
Комментарийлердин саны:
1
Катталган:
26-02-2011
Соӊку аракети:
09-06-2011 21:40
Жынысы:
Белгисиз
0
Ар бир элге озүно татыктуу падыша буйурат.Акты бетке айта албаган бизге чала
01.03.2011. 00:37 
Тайпасы:
Кыймылы жок
Комментарийлердин саны:
3
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Кудай озу кечирсин.
01.03.2011. 01:34 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
Абийирсиздик.....мындайларга наалаттан башка сз жок...
01.03.2011. 04:20 
Тайпасы:
Жаран
Комментарийлердин саны:
8
Катталган:
15-01-2011
Соӊку аракети:
03-02-2018 02:10
Жынысы:
Белгисиз
0
Туура айтасынар достор аларга кудай бар, кудайым оз жазасын берет аларга.
02.03.2011. 14:13 
Тайпасы:
Жаран
Комментарийлердин саны:
51
Катталган:
07-09-2010
Соӊку аракети:
15-11-2018 12:07
Жынысы:
Белгисиз
0
уят...бирок жараша берет уяты жок адамдарга бу корунуш.......бир айтасынбы мин айтасынбы акча деген адам, акча деп эле отот ... кайдан болсо да баары бир..
02.03.2011. 23:29 
Тайпасы:
Жаран
Комментарийлердин саны:
10
Катталган:
11-06-2009
Соӊку аракети:
22-09-2018 09:04
Жынысы:
Белгисиз
Калаасы:
саякатчы бака
0
А дейбиз, Б дейбиз, деги коррупцияны кантип женебиз?
04.03.2011. 12:04 
Тайпасы:
Жаран
Комментарийлердин саны:
178
Катталган:
31-03-2009
Соӊку аракети:
21-11-2018 13:49
Жынысы:
Белгисиз
Калаасы:
Бактылуулар калаасы.
0
Ажылыкта коррупсия жок деп ойлодум эле... "Адалсынган молдонун уйунон алты камандын башы чыгыптыр"-деп ата-бабабыз жон айтпаган го....
Super TV
10.03.2011. 06:04 
Тайпасы:
Кыймылы жок
Комментарийлердин саны:
0
Катталган:
10-03-2011
Соӊку аракети:
10-03-2011 06:03
Жынысы:
Белгисиз
0
жакшы эмес
Super TV
15.04.2011. 18:00 
Тайпасы:
Кыймылы жок
Комментарийлердин саны:
0
Катталган:
15-04-2011
Соӊку аракети:
15-04-2011 18:00
Жынысы:
Белгисиз
0
tooba kildim. bizdin biyliktegiler alladanda korkpoy uwunday jaman joldorgo bargandarin emne dese bolot? ayabay jaman! alla taalam ozu koru4u biluu4u...
Super TV
09.09.2011. 00:21 
Тайпасы:
Кыймылы жок
Комментарийлердин саны:
9
Катталган:
31-07-2011
Соӊку аракети:
02-06-2012 22:34
Жынысы:
Белгисиз
0
Bawka joldon ak4a tabywsa da uwul yiyk iwten biraz ozdorun karmawpaiby.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: