Нарындагы зилзала: Ак-Талаада 120 үй жабыркады

12-майда Нарын облусундагы күчү 5 баллга жеткен жер титирөөдөн Ак-Талаа районунда 120 турак үй, 3 мектеп, 1 маданият үйү жана 1 дүкөндүн дубалынан жарака кеткенин Өзгөчө кырдаалдар министрлиги билдирди. Жарандык коргонуу комиссиясынын корутундусуна ылайык, жабыркаган имараттар Тоголок Молдо, Жаңы-Талап, Ак-Кыя, Кадыралы жана Кара-Ой айыл аймактарында жайгашкан.

ӨКМдин маалыматына караганда, жер титирөөнүн очогу Кытай менен чектеш аймакта болуп, анын толкуну Нарын облусунун бир катар райондорунда 4-5 баллга чейин сезилген. Учурда жергиликтүү бийлик жана Өзгөчө кырдаалдар министрлигинин кызматкерлери жабыркаган имараттарды текшерип, коопсуздук чараларын көрүүдө. Жарандык коргонуу комиссиясы жабыркаган үйлөрдү жана социалдык объектилерди тактап, зарыл болгон жардамдарды көрсөтүү боюнча иштерди жүргүзүп жатканы айтылды. Ал эми адистер жер титирөөлөрдүн кесепеттерин азайтуу үчүн имараттарды сейсмикалык талаптарга ылайык куруу жана калкты өз убагында маалымдоо механизмдерин жакшыртуу керектигин белгилешет.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1170, 16-22-май, 2025-ж.