Баткенде курал-жарак сакталган жай табылды

Баткен районунун Самаркандек айылында Улуттук коопсуздук мамлекеттик комитети тарабынан ири курал-жарак жана ок-дарылар сакталган жай табылды. УКМКнын маалыматы боюнча, ал жерден ар кандай калибрдеги 20 миңдей ок-дары жана үч РПГ-18 системиндеги “Муха” гранатомёттору чыкты. Бул курал-жарак жана ок-дарылар криминалдык топтор же коомдук-саясий кырдаалды курчутууга кызыкдар башка деструктивдүү топтор тарабынан келечекте колдонулушу мүмкүн болгону белгиленди.

Жашыруун жайга байланыштуу тергөө иштери башталып, аныкталган курал-жарак менен ок-дарылар өлкөнүн коопсуздугуна коркунуч жаратуучу аракеттерге колдонулбашы үчүн чаралар көрүлүүдө.

УКМК коомчулуктан коркунучтуу курал-жарактын жайылышына жол бербөө үчүн маалымат берип турууну жана күмөндүү көрүнүштөргө этият мамиле кылууну суранат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1174, 13-19-июнь, 2025-ж.