Аялды бетке чапкан адам кармалды, ал милиция кызматкери

Ушул аптада интернет желесине коомчулукта резонанс жараткан видео тараган эле. Андан бир киши көчөдө элдин көзүнчө аял кишини опузалап, бетке чаап жибергенин көрүүгө болот. 26-июнда УКМК тарабынан аталган жаран кармалганын, ал Ички иштер министрлигинин атайын багыттагы полкунун кызматкери, милициянын капитаны экени жарыяланды. Аты-жөнү ачыкталган жок. УКМК билдиргендей, жабырлануучу кыз арыз менен кайрылды, анын негизинде Кылмыш-жаза кодексинин 280-беренесине ылайык кылмыш иши козголду. Азыркы учурда кылмышка шектүү убактылуу кармоочу жайда, тергөө иштери жүрүүдө.

Коомчулук аял кишиге кол көтөргөн аталган жаран мыйзам алдында жоопко тартылышын, иштен айдалышын талап кылууда.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1176, 27-июнь-3-июль, 2025-ж.