Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЧӨНТӨКТҮ КАККАН ОЮН АВТОМАТТАРЫ

№436 11-17-март, 2011-жыл


Редакциябызга уулу оюн автоматына азгырылып, күйүттө жашап келаткан Асыл эже кайрылган. Эненин көз жашынын себеби азыркы “модага” айланган оюн автоматтары экен. Мындай маселе бир гана бул эженин көз жашы эмес экенин баарыбыз билебиз.

МЫЙЗАМ ИШТЕБЕЙБИ?
Мыйзамда: Оюн автоматтарына 18 жашка чейинкилер киргизилбеши керек. Паспорт талап кылынат.
Практикада: Мектеп окуучулары деле кирип жүргөн учурлар катталат. “Мен 18 жаштамын, паспортум бар” деген сөз гана жетиштүү болот.
Мыйзамда: Оюн автоматтарына штатка 18 жашка чейинкилерди жумушка алууга уруксат берилбейт.
Практикада: 18 жашка чыга элек кыздар да иштешет. Туулгандыгы тууралуу күбөлүк деле жарай берет.

ПОПУЛЯРДУУЛУГУ АРТКАН ОЮН АВТОМАТТАРЫ
Оюн автоматтары – акча утууга ылайыкташтырылган атайын жабдуу. Биринчи жолу оюн автоматы 1887-жылы Англияда иштелип чыгып, Орусияга 1989-жылы жетип келген. 1990-жылга чейин оюн бизнеси, негизинен, казинолордо ишке киргизилген. 1993-жылы «Belatra» жана «KARE Technology» компаниясы биргеликте 1-оюн автоматын чогултушкан. Азыркы күнгө чейин дүйнөнү каптап, оюн автоматтары казинолордо гана эмес, өз алдынча да ачыла баштады.
Асыл эже да оюн автоматтарынын зыянын тартып, баласынын мындай кайгылуу тагдыры менен күрөшүп келатканына 3 жылдын жүзү болуптур. Кубаттын кейиштүү тагдыры азыркы азгырылган жаштарга сабак болор деген үмүттө окуяны эженин өз оозунан угууну сиздерге сунуштайбыз.

“КУМАР ОЮНУ АКЫРЫ КУЛЧУЛУККА ЖЕТКИРДИ”
– Уулум Кубат Исхак Раззаков атындагы Техникалык университетте окуп, аны аяктаган соң достору менен чогуу Телекомго жумушка орношкон. Улан аттуу эки досу ээрчитип жүрүп, баламды жолунан адаштырышты. Азыр Кубат 29 жашта, үй-бүлөлүү. Күндөн-күнгө азгырыгы артып, акыркы күндөрү дендароо болуп, адам менен сүйлөшкөндү да унутуп калды.
Улан деген досу кумардын айынан үйүндөгү болгон нерсесин ташып сатып, атасы инсульт болуп жыгылып калышына чейин жеткирди. Акыры карызы 200 миңге чукулдап, карызга берген адамдар доолап келе беришкендиктен, ата-энеси аргасыздан Маевка конушундагы жер тилкесин сатып, карызынан кутулушкан. Анда да акыл-эсине келбей, карызга ойной берип, аялы кетип, ата-энеси аягында үйүнөн кубалап чыгышты. Атасы оорукчан болуп, үй-бүлөсү сызга отуруп калса да, оңоло алган жок. Азыр «кайда кеткени белгисиз, кабарсыз жоголду» деп үйүндөгүлөр сыздап отурушат.
Дагы бир Улан деген досу да болгон нерсесин уттуруп салып, азыр Лев Толстой көчөсүндө кул базарда жалданма жумушчу болуп күн көрөт деп уктум. Мен да энемин, баламдын эс-акылын жоготуп, кумарга кирип кеткенине жүрөгүм ооруйт. 3 жыл бою анын артынан чуркап, бул дартына даба таппай келем. Балама досторунун тагдыры да сабак болгон жок. Ошолордой болуп тагдыры талкаланбаса дейм.

“КӨЗҮНӨ КӨРҮНГӨН НЕРСЕНИ КҮРӨӨГӨ КОЮП КЕТЕТ”
– Мен кайрымдуулук фондунда эсепчи болуп иштейм. Уулум карызга баткан учурда айласыздан жумушумдун кассасынан акча алып, анын ордун кредиттик компаниядан насыя алуу менен толуктап, эптеп жан сактап келем. Анын артынан карызын жабам деп жүрүп болгон нерселеримден айрылдым. Биздин канчалык кыйналып жатканыбызды көрсө да, унчукпайт. Үй-бүлөсүн таптакыр унутуп калды. Кумар дегени ушундай күчтүү болот экен, кала берсе келинимдин алтын сөйкө, шакегинен тарта уурдап барып күрөөгө таштап, оюн автоматтарына коротот. Баламдын келечеги эмне болот, мага туңгуюк.
«Өтө азгырылып кеткендерди атайын ал жайга киргизбеш үчүн сүрөттөрүн берип койсо, киргизбей коёт» деген сөздү угуп, колумдан келген иштерди кылып жүрөм. Анткени башка арга калган жок. Мага салган күндү Кудай эч кимге көрсөтпөсүн. Уулумдун көргөн күнү жаштарга сабак болсун деген максатта сиздерге кайрылып жатам,- дейт жабыр тарткан эне.

“КЫЗДАР ДА КУМАРГА БЕРИЛИП, ОЙНОП КАЛЫШКАН”
Асыл эженин уулунун тагдырын угуп, Бишкек шаарын аралай оюн автоматтарына көз жүгүртүп көрүүнү чечтик. Азыр көңүл ачуучу мындай жайларды издеп убара болуунун кажети жоктой. Анткени оюн автоматтары кадам сайын жаркылдап көңүлдү буруп турат. Аларды көрүп, «канча элдин көз жашы көлдөп жатат...» деп зээниң кейийт. Ошол оюн автоматтарынын биринде 8 айдан бери иштеп келаткан Самара аттуу оператор кызды кепке тарттык. Ал оюн автоматтары тууралуу биз билбеген сырлары менен бөлүштү.
– Оюн автоматтарында иштөө кыйын болсо керек?
– Албетте, башында көнүп кетиш аябай кыйын болду. Анткени күндө ызы-чуу, тамекинин жыты, акчасын уттурган кардарлардын сөгүнүп-сагынып жаткан сөздөрү, жалаң гана терс эмоциялар, мунун баарына унчукпай чыдашың керек. Бара-бара мындай атмосферага да көнүп калат экенсиң.
– Бул жакка кардарлар чын эле ойноо үчүн келишеби?
– Негизи, оюн автоматтарын көңүл ачуу үчүн гана колдонуу керек эмеспи. Кээ бирлери чын эле оюн ойноп, жеңүү үчүн киришет. Алар канча акча салганын, канча уттурганын жана утуп жатканын билип, санап турушат. Чектен чыгып баратса, ошол жерден эле токтотуп коюшат. Ал эми кумарга кирип калгандар да жок эмес. Аларга бооруң гана ооруйт. Айлап бул жакта жашап калгандар кездешет. Кээ бир кардарлардын жакындары ыйлактап сүрөттөрүн көтөрүп келишет, «эгер ушул адам келсе, киргизбегиле, акча салбагыла» деп. Азгырыкка берилип калгандар болгон акчасын уттуруп жатса да, кийинки күнүн ойлошпойт. Кайра-кайра чөнтөгү куруп калгыча акча салып уттуруп коюп, анан аргасыздан кетишет.
– Кардарлардын көбү кайсы чөй­рө­дөн?
– Бул же тиги чөйрөдөн деп айта албайм, анткени бизге мектеп окуучусунан тарта 50дөгү кишилерге чейин келишет. Базардагы өтүкчүдөн тарта спортчу, бажы кызматкерлерине чейин бул оюнга азгырылышат. Баарынан да байкуш өтүкчүлөргө боорум ооруйт. Суукка тоңуп, бир күн кечке иштешет да, тапкан 500 сому болсо, бул жакка келип уттуруп коюп шалпыйып кеткен күндөрү көп болот. Ал эмес, 25-30 жаштагы кыздар да мурун ушундай жерлерде иштеп жүрүшкөндүктөн, кумарга берилип, оюн автоматына келип ойноп жүрүшөт.
– Оюндан көпчүлүк учурда уттурушса керек. Же эл билбеген сырлары барбы?
– Оюн автоматтарына киргизилген техникалык эреже боюнча, утуштун пайызы 70тен кем болбошу кажет. Бирок, чындыгында, андай эмес. Техниктер келип, атайын аз пайызга ылайыктап жасап коюшат. Мисалы, кардар бир автоматты тандап отурду дейли. Ага канчалык көп акча салып ойносо же ал автоматтын эсеби 6-7 сан болуп кетсе, автомат акчаны кайра кайтарып бериши керек. Техниктер аны билишет да, ошондой автоматтарга чоң суммадагы акчаны салып, аягына чейин ойноп, утуп алышып, балансты 0гө түшүрүп коюшат. Ошол акчалардын баары «учуп кетип», кайра оюн 0дөн башталат.
– Анда киреше да көптүр?
– Албетте, киреше жакшы. Жеке бизде бир суткада 150-200 миң сомго чукул акча түшүп турат. Кошумча эгер минуска кетип уттуруп жатсак, атайын камсыздандыруучу сумма деп коюшат, 10 миңге жакын акча сөзсүз кассада болот, ошону беребиз. Кандай болгон күндө да бул жайдын ээси эч качан утулуп калбайт.

ОЮН АВТОМАТТАРЫ ЭМИ ТОЛУГУ МЕНЕН ЖАБЫЛАБЫ?
Ушул аптада өкмөт башчы Алмазбек Атамбаевдин кол койгон токтомуна ылайык, ар бир оюн автоматына берилчү патенттин баасы 4000 сомду түздү. Кыргызстан боюнча учурда 55 лицензиясы бар оюн автоматы иштейт. Мыйзамга ылайык, бир эле оюн автоматтарында 30дан кем эмес автомат болушу керек. Алардын ар биринен мамлекеттик казынага 4000 сом түшсө, эми ойлоп көрүңүз, канча миңдеген акчалар кумар оюнунун тегерегинде айланып жүрөт. Мынча акчанын баарын ким берип жатат дейсиз. Албетте, кумарпоз жаштар.
Жакында “Ар-намыс” партиясынын депутаты Бакытбек Жетигенов оюн автоматтары азыркы жаштардын психикасына терс таасир тийгизип жаткандыгын баса белгилеп кетти. «Ар-намысчы» алардын санын азайтууну сунуштап, «оюн автоматтары казинолордо гана болсун» деген талап коюуда.
Ар бир оюн залы кумарга байланган адамды элестетет. Айрымдар көп акча утуу максатында оюн автоматтарына акыркы акчасын жумшап, азгырыкка берилип, бара-бара ал жайдын “тургунуна” да айланып кетишет. Жыйынтыгында үй-бүлө бузулат, уурулук көбөйөт. Кумар оюнуна кирүү үчүн жаштар акча табамын деп аргасыздан уурулукка барышат. Ошол эле мезгилде алдыңкы өнүгүп келаткан Казакстан, Орусиядагы мындай кумар оюндарын ачууга тыюу салышкан. Биз да жогорку бийликтегилер жаштардын, ата-эненин сообуна калып, бул нерсеге көбүрөөк көңүл бөлүп коюшса деп тилейбиз.

Гүлжамал Бөрүкулова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(10)
11.03.2011. 22:52 
Тайпасы:
Жаран
Комментарийлердин саны:
16
Катталган:
17-08-2010
Соӊку аракети:
15-11-2018 22:37
Жынысы:
Белгисиз
0
Оюн автоматтарын, казинолорду иштеткендерди аллах жазаласа экен. Каргыш тийсин ошолорго.
12.03.2011. 03:18 
Тайпасы:
Жаран
Комментарийлердин саны:
8
Катталган:
11-03-2011
Соӊку аракети:
21-02-2017 18:48
Жынысы:
Белгисиз
0
Бул оюн автоматтрарды жок кылып койгондо биздин чиновниктер ачка калбайбы. Бул автоматтарды жоготкон адам соопко калат.
12.03.2011. 03:53 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
кудай тоба кылдым...мындай шайтандын оюндарын туп тамыры менен жок кылыш керек...булардын себинен экономика которулот деген чон жанылыштык...элдин баары кумарпоз болуп кетсе КГ дын келечеги не болот...ансыз да кыргыздар жаман нерселерге бат беирлип кеткен калкпыз...
12.03.2011. 11:17 
Тайпасы:
Кыймылы жок
Комментарийлердин саны:
88
Катталган:
10-01-2011
Соӊку аракети:
11-12-2014 17:29
Жынысы:
Белгисиз
0
Мына орустар оюн бизнесин ооздуктап атышат. Алардын алдында биз кеч калып жатабыз. Мусулман эли коп болкп туруп ушуга жол бергенибиз туура эмес болуп жатат !
15.03.2011. 18:47 
Тайпасы:
Жаран
Комментарийлердин саны:
59
Катталган:
04-09-2010
Соӊку аракети:
12-03-2018 19:20
Жынысы:
Белгисиз
0
Arkim kolunan kelgen tirgiligin kylat da al adamdyn ozunon berilish berilbesh,men dele oiun zalyn achsam degen oium bar albette jaman niette emes.
15.03.2011. 20:37 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
Jabilbait ko bul waitandin oiunu,menin da jawoomo zalalin tigizgen.
16.03.2011. 05:51 
Тайпасы:
Жаран
Комментарийлердин саны:
60
Катталган:
25-07-2009
Соӊку аракети:
05-03-2017 14:05
Жынысы:
Белгисиз
0
TROYA бул аркимдин иши эмес, барыш же барбаш деген, анткени бул алкоголизм, наркомания сыяктуу эле оору, бирок аты игромания, арак менен наркотиктей эле адамды зависимый кылып коет, сиздин мындай жол менен акча табам дегениниз кейитет, себеби жакшы ниет менен наркотик сатып тиричилик кылууга болобу?
17.03.2011. 02:49 
Тайпасы:
Жаран
Комментарийлердин саны:
16
Катталган:
30-10-2010
Соӊку аракети:
14-11-2018 21:12
Жынысы:
Белгисиз
Калаасы:
Бишкек убактылуу Москвадамын
0
Оюн автоматтары жабылса карапайым эл учун пайдасы чон!
17.03.2011. 22:03 
Тайпасы:
Кыймылы жок
Комментарийлердин саны:
47
Катталган:
20-02-2010
Соӊку аракети:
30-06-2016 22:50
Жынысы:
Белгисиз
Калаасы:
korea
0
oo dostor myndan arylyw bir top kyiyn!os bawymdan otkon! dostorumdun dagy bawynda uwul problema turat ! men asyr alts ketip unutup kaldym!keede 4alyp kalsam oyundun unun ugam! aitsam dagy boluwpait ! jurok ooruit! kim japsa owogo abdan min mertebe yraasy bolot elek ! dostorum dagy ka4an jabywat dep juruwot !
17.04.2011. 22:55 
Тайпасы:
Жаран
Комментарийлердин саны:
219
Катталган:
09-01-2008
Соӊку аракети:
31-05-2018 09:38
Жынысы:
Белгисиз
Калаасы:
Ош
0
Кудай сактасын!!!! Кашыктап тапкан акчасын камаздап эле жоготушат!!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: