БАШКЫ ПРОКУРОРДУН МУРДАГЫ ОРУН БАСАРЫ 13 ЖЫЛГА КЕСИЛДИ

Массалык баш аламандык уюштурууга жана бийликти күч менен басып алууга даярдык көргөн деген айыптоо боюнча башкы прокурордун мурдагы орун басары Кубан Адыл уулу 13 жылга эркинен ажыратылды. Бул тууралуу 25-февралда Чүй облустук сотунан тастыкташты.

Маалым болгондой, сот анын мүлкүн конфискациялоо чечимин да кабыл алды. Мындан тышкары бул иш боюнча дагы сегиз айыпталуучуга өкүм чыгарылып, алар 9 жылдан 12 жылга чейин эркинен ажыратылды.

Эскерте кетсек, шектүүлөр 2024-жылдын 12-ноябрында кармалышкан. Укук коргоо органдары алардын жергиликтүү кеңештерге шайлоо өтө турган күнү – 17-ноябрда баш аламандык уюштурууну пландаганын билдирген. Кармалган топтун кампасынан 1000 бөтөлкө спирт ичимдиги, баш аламандык уюштурууга керектүү каражаттар табылганы айтылган эле.

Адыл уулу Кубан 2021-2024-жылдары Курманкул Зулушев баш прокурор кезинде анын орун басары болуп иштеген.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1210, 27-февраль-5-март, 2026-ж.