Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИЗДЕЙМ СЕНИ

№436 11-17-март, 2011-жыл


Редакциябызга жакындарын, тууган-туушкандарын издеп кимдер гана кайрылбайт, кимдер гана кат жазбайт. Каттар жарыяланган соң табышып, катышып кеткендер да жок эмес.

“АТАМДЫН ДОСТОРУН ИЗДЕЙМ”
– Сокулук районунун Асылбаш айылынын тургуну 1951-жылы 23-майда туулган атам Жамангулов Мелис Абдыра-заковичтин жакын жоро-жол-дошторун, тааныштарын, туугандарын издейм. Атам учурунда МАИ кызматкери болуп иштептир. Кийин 1980-жылдары Орусиянын Чита шаарындагы кыргыздар кварталында жашап, шахтада иштеген деп укканмын. Мен 1-класска барганымда ал "Орусияга барып иштейм" деп кеткен. Апам болсо каршы болуп бул жакта кала берген. Ал жакка кеткенден кийин бизге кат жазып турчу. Акыркы жолу 2003-жылы андан кат алганбыз. Ал эми 2005-жылы атамдын каза болгонун уктук. Мындан сырткары башка улуттун өкүлүнө үйлөнүп, кыздуу болгон дешет. Жаңылбасам ал карындашым азыр 18-20 жаштын тегерегинде болсо керек.
Атам бир үйдүн жалгыз баласы болчу. Мен да жалгызмын. Негизи эр жигит ата-тегин билип жүргөнү жакшы экен. Ошондуктан атамдын жакын туугандарын, жоро-жолдошторун таап, алардан атам тууралуу кеңири маалымат алгым келет. Эгер кимде ким атам тууралуу билсе, маалымат берип койсоңуздар, сураныч.

Жамангулов Таалай. Т.: 0551 080805.


“АПАКЕ, ҮЙГӨ КАЙТЫП КЕЛИҢИЗЧИ?!”
– 8-Март – апалардын майрамы. А бирок биз жыл сайын бул күнү санаага батып, 1993-жылдын 31-августунда үйдөн чыгып кеткен боюнча дайынсыз жоголгон апабызды эстейбиз. 5 баланы төрөп, ак сүтүн берип өстүргөн апабыз Садыкова Жаңыл 1954-жылы Тогуз-Торо районунда төрөлгөн. Башына түшкөн азаптардан уламбы, акыркы жылдары апама элирме оорусу жабышкан эле. Бул оорусу айрым учурларда кармап калчу. 31-августта апам кошуна айыл тарапка атты чапкан боюнча жөнөп кеткен. Артынан апалап кыйкырып жетпей калганбыз. Чаап кеткен аты кошуна айылдагы таанышыбыздыкы болчу. Ат ошол күнү эле ээсине кайтып келиптир. А бирок апабыздан дайын жок. Ал жактан сураштырып, баарынан эле “көргөн жокпуз” деген жооп алдык. Ошентип, апабызды таппай калдык...
Убакыт деген зымырык куш экен. Апабыздын үйдөн чыгып кеткенине билинбей 18 жыл болуптур. Бул аралыкта биз чоңоюп, ак-караны ажыратып калдык дегендей. Апам жоголгондо жаш элек, эч нерсени түшүнбөгөн. Эми минтип ата-эне болуп эне баркын түшүнгөнүбүздө гана апабызды издеп отурабыз. Уккан маалыматтарыбызга караганда, апабыз Торугарт бажыканасы тараптагы вагондордун биринде жашайт экен.
Апа, жаш кезибизде, балким, тилиңизди албай сизди таарынтып алгандырбыз. Эгер таарынтсак, кечирим сурайбыз. Эгер биздин издеп жатканыбызды билсеңиз же уксаңыз, сөзсүз байланышка чыгыңыз. Үйгө келип небере эркелетип, уулдун урматын, келиндин кызматын, кыз-күйөөнүн сыйын көрүп, маңдайыбызга тийген күнүбүз болушуңузду каалаар элек. Өзгөчө көкүрөк күчүгүңүз Калысбек “азыр апам жарк этип кирип келет” деген үмүт менен жашап келет. Үйгө кайтып келиңизчи, апаке?! Сизди уул-кыздарыңыз чыдамсыздык менен күтүшөт.
Урматтуу окурмандар, апабыз тууралуу маалыматыңыздар болсо, төмөнкү телефондорго кабарлап койсоңуздар.

Т.: 0559 750209 (Назгүл), 0772 819120 (Нургүл),
0550 284905 (Майраш), 0551 101095 (Калысбек).


“ЖАШТЫК КЫЛГАНЫБЫЗДЫ ЭМИ БИЛИП, ӨКҮНҮП ОТУРАБЫЗ”
– Мындан 6-7 жыл мурун бактылуу үй-бүлөнүн очогу бузулуп, кайнатам Коралиев Бекзат бизден бөлүнүп кеткен. Ал жолдошумдун өгөй атасы болчу. Жолдошум жаш болгондуктанбы, айтор, үй-бүлөдө чыр-чатак чыккан. Ошондон кийин кайнатамды туугандары Барскоонго алып кетип, байланыша албай калдык. Ал 1955-жылы 15-майда төрөлгөн. Совет мезгилинде маданият үйүнүн директору, клуб башчысы жана музыкант болуп эмгектенген экен.
Ата, жаштыкта кетирген катабызды билип, мурункудай болуп бирге отуруп сырдашып, сагынычыбызды жазсак дейбиз. Небереңиз Альбина сизди абдан сагынып күн сайын эстейт. Бизге байланышка чыгыңыз, тынчсыздануу менен сизден кабар күтөбүз.

Келиниңиз Анарбаева Кундуз, небереңиз Таштан кызы Альбина.
Т.: 0771 108933, 0779 427014.


“КАЙДАСЫҢАР, ЖУМАГҮЛ, ЖЫПАРКҮЛ?”
– Көлдүн ак куулары, 1955-жылкы курбуларым Жоомартова Жумагүл менен Жыпаркүлдү издейм. Биз Фрунзедеги соода техникумунда чогуу окуп, чогуу жашап, ынак курбулардан элек. 1975-жылы окууну аяктагандан кийин ортодогу байланыш үзүлүп калган. Кийин окууну бүткөнүбүздүн урматына 5 жылдык жолугушуу кечесин уюштурушкан эле. Тилекке каршы, дал ошол убакта көз жарып бара албай калгам.
Жумагүл, Жыпаркүл, эгер менин издеп жатканымды окуп же угуп калсаңар сөзсүз байланышкыла. Мен силерди бир көрүүгө зармын, бирок кайда экениңерди билбей келем. Мен силерди абдан сагындым, жандай көргөн курбуларым. Учурда мен Бишкекте турам. Силер да мага окшоп бала-чакалуу болуп бапырап калсаңар керек. Келгиле, жолугуп сырдашалы. Силерден чыдамсыздык менен жооп күткөн курбуңар Долон (Айнура).

Т.: 0778 176503.


“ГҮЛСАНА, СЕНИ БИР ТУУГАНЫҢ КҮТӨТ”
– Бир тууган эжем Батыралиева Чолпон менен жездем Молдоканов Салмоорбек Орусиянын Курск шаарында окуп жүргөндө таанышышып, 1987-жылы баш кошушкан. Көп өтпөй ортодогу пикир келишпестиктерден улам ажырашып, кызы Молдоканова Гүлсана эжемдин колунда калган эле. Кийинчерээк ата-энемдин “окууңду улантпайсыңбы” дешкенинен эжем кызы Гүлсана 1 жашка чыкканда жездеме таштап, өзү окуганы кеткен. Ошол боюнча Гүлсана менен байланыша албай калганбыз.
Гүлсана, апаңдын экинчи никесинен Айпери аттуу кызы бар. Учурда ал балалуу болуп, бир үйдүн түтүнүн булатууда. Ал эми апаң 1996-жылы бул жарыкчылык менен коштошуп кете берди. Эжем оору менен алышып жатканда да сени оозунан түшүрбөй, “мен ары карап кетсем эки кызымды табыштырып койгула. Эже-сиңдидей катташып алышсын” деген эле. Гүлсана, биздин максат – Айпери экөөңөрдү табыштырып, эже-сиңдидей катташтырып коюу. Андыктан байланышат деген ойдобуз.

Туугандарыңдын атынан Жалал-Абаддан
таежең Батыралиева Бермет. Т.: 0778 463005.


“КАЛИПА, СЕНИ ТАБАМ ДЕГЕН ҮМҮТТӨМҮН”
– Мен курбум 1956-жылкы Калипаны издеп келем. Ал экөөбүз 1975-жылы университеттин даярдоо курсунда чогуу окуп, жакын болуп кеткен элек. Кийин экөөбүз тең турмушка чыгып, мен Караколдо, ал Бишкекте жашап калды. 1978-жылы турмуш бизди кайра табыштырып, Калипа жолдошу Марат, уулу Тимур болуп Караколдо 1-2 жылдай иштеп, кайра Бишкекке көчүп кетишкен. Кеткенден кийин кат жазышып турдук. Кийин анын дарегин жоготуп алып, ортодогу байланыш үзүлүп калды. Издейин десем дареги же сүрөтү жок. Бир күнү альбомумду көрүп отуруп бул сүрөтүн таап алып, издөөнү чечтим. Уккан маалыматым боюнча, Калипа Марат менен ажырашып кетиптир.
Калипа, жан курбум, экөөбүз жолукчу күн алыс эместир. Мен Бишкектин Көк-Жар конушунда турам. Мени менен байланыш. Мурдагыдай катташып туралы. Байланыш телефонумду редакциядан алсаң болот.

Курбуң Анара.

Сиз качандыр бир кездеги жакын адамыңызды издеп, бирок таппай жүргөн болсоңуз,
анда Главпочтамт, а/я 2031 дарегине же koom@super.kg электрондук почтасына кат жазыңыз.
Эскертүү: Катта маалымат берген адамдын дареги же телефон номери так көрсөтүлүүгө тийиш.
Байланыш телефону: 32-33-26

Дамира Арстанова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
13.03.2011. 14:55 
Тайпасы:
Кыймылы жок
Комментарийлердин саны:
80
Катталган:
14-09-2010
Соӊку аракети:
14-09-2011 14:59
Жынысы:
Белгисиз
Калаасы:
münchen
0
nasgul,nurgul.mairash degender apanardy torugart jakta vagondordo degen imish bar debei oshol jaktan izdebeisinerbi.
15.03.2011. 15:28 
Тайпасы:
Жаран
Комментарийлердин саны:
110
Катталган:
15-03-2011
Соӊку аракети:
03-01-2018 04:38
Жынысы:
Белгисиз
Калаасы:
Okean jeegi
0
ne govori..ukkanda ele barysh kerek da,Torugart KGda ele go..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: