Агартуу министрлиги: Апрелде мугалимдердин айлыгы тегиз көтөрүлөт

2026-жылдын 1-апрелинен тарта көтөрүлөрү күтүлүп жаткан мугалимдердин айлыгы боюнча суроолор жаралууда. Парламенттин 11-марттагы жыйынында депутат Рустамбек Советбек уулу айлыгы көтөрүлө турган мугалимдердин тизмесине тарых сабагын окуткан мугалимдер кошулбай калганы тууралуу кайрылуулар түшүп жатканын айтып чыкты.

– Математика, биология, химия, информатика жана башталгыч класстардын окутуучуларыныкы гана көтөрүлөт экен. Андыктан тарых сабагынан берген мугалимдер кайрылып жатышат. Алар 9-11-класстарды мамлекеттик аттестацияга даярдашарын айтышууда,- деди депутат.

12-мартта Жогорку Кеңештин жыйынында депутат Дастан Бекешев мындай деди:

– Коэффициенттер эмнеге ар кандай болуп жатат? Мисалы, тарых, география сабактарынын мугалимдеринин коэффициенттери азыраак болуп жатат башкаларга салыштырмалуу. Болбосо баарынын эле жүгү бирдей.

Агартуу министрлиги “1-апрелден тартып мугалимдердин эмгек акысы окуткан предметине карабастан 100 пайыз жогорулайт” деп маалымат таратты.

Айта кетсек, 1-апрелден баштап мугалимдердин айлыгы 100 пайыз жогоруламакчы.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1212, 13-19-март, 2026-ж.