Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Саламат Алиев: «ОРУСЧА БИЛБЕЙТ ДЕП КВНге АЛБАЙ КОЮШКАН»

№436 11-17-март, 2011-жыл


Саламат Алиев күлкү күйөрмандарына белгилүү ысым. Бир сөз менен айтканда, тамашаны катыра айтып элдин көңүлүн алат. Бул жигиттин кашы качан гана курсагы ачканда биригип, кабагы салынып калбаса, калган убакта жүзүнөн жылмаюу, ууртунан уячасы жазылбайт. Өзү тууралуу КВНчи бала мындайча баяндайт.

САЛАМАТ ТУУРАЛУУ

  • Алиев Саламат Жанышович 1985-жылы 7-октябрда Кемин районунун Жол-Булак айылынын жанындагы Боролтой деген жердеги жалгыз төрөт үйүндө төрөлгөн.
  • Саламат “KG club” юмор клубуна келгенге чейин “Весёлый строитель”, “План Б”, “Баягылар”, “Жалал-Абадские волки” сыяктуу бир канча юмордук командаларда оюн көрсөтүп келген.
  • Бою – 167 см, салмагы – 62 кг
  • Ою – 14 миллион долларда. Мындан да көп акча таап алса, саякатка чыгар эле, эх!
  • Жыл сайын 8-Мартта эки адамды өзгө­чө куттуктайт. Бири апасы, экинчиси атасы. Себеби атасы 8-мартта туулган.
  • Ырчылардан Гүлнур Сатылганованын үнүн баалайт, бирок ырларынын мааниси улуу муунга таандык деп укпайт.
  • Үйүндөгүлөр Саку деп эркелетсе, иниси менен карындашы Са-ат байке, достору Сэм деп чакырышат.
  • Саламатта сагынуу сезими анча өнүк­пөй калган. Анткени бардык жакындары жанында.
  • Кызыкканы көп, ырдаганды жакшы кө­рөт, КВНде ырдаганын уккан ырчылар “сен жакшы ырдайт турбайсыңбы?” десе, “туй ата, кыйын ырдайт экем” деп өзүнө ишенип калат.

– Саламатсыңбы, Саламат?
Саламатмын.
– Саламаттын тентек мезгили тууралуу кеп баштай берсең болот.
Кеминде төрөлгөнүм менен, Караколго көчүп кеткенбиз. Тентек элем, окуудан чыгып эле дароо достор менен тентип кетчүмүн. Ар кай жерден кулап, башымды жарып, бир жеримди сындырып ата-энеме көп түйшүк арттыргам.
Каникул сайын Кеминге, чоң апамдын колуна барчумун. Бир жолу чыныны сындырып салып, тостоюп калдым. Чоң апам “ий, балакетиңди алайын, чыныны сындырганга жарап калган турбайбы” деп эркелетип коюп, сынган идишти ыргытканы кетти. Мен болсо чыны сындырган жакшы турбайбы, мактайт экен деп чоң апамдын бүт чыныларын сындырып салгам. Раматылык энем ошону дайыма айтып жүрчү.
– Шоу-бизнестин шорпосунда кыйлага чейин кайнайсыңбы?
Кесибим архитектор. Алгачкы курстарда жакшы окуп, кийин КВНди тандап кетип, аягында окуумду баары бир бүткөм. Башында мени КВНге алышкан эмес. “Эртең кел, бүрсүгүнү кел” дешет да, барсам эле эч ким жок. Көрсө, алар мени “орусча жакшы сүйлөй албайт” деп албай жатышкан экен. Аны кийин билип “орусчаны эң жакшы билем” деп окуу жайдын КВН командасына кошулгам. Ошол боюнча токтоно албай келатам. Убагы келгенде кесибим менен иштейм, бирок ага чейин шоу-бизнесте өзүмдү көрсөтсөм дейм.
– Сени көпчүлүк Гүлипа апа образың аркылуу тааныйт. Дегеле чал-кемпирдин образын жаратуу жеңилби же өз курагыңды ойноп элди күлдүрүү олтоң ишпи?
ОРТнын КВН Лигасына 45 жыл толгондо Кыргызстандан КВНчи балдардан үчөөбүздү чакырышкан. Оюн башталардан мурда тамашаларды көрсөтсөк, орустар жаратпай коюшту. Анан “мурда окуу жайда коюп жүрчү ошол тамашаны койбойлубу” дегенибизди угуп, “көрсөткүлөчү” деди. Аткарсак жаратып, анан ошол боюнча эле ушул образ мага жабышып калган. Негизи эле мыкты тамаша көрсөтүү үчүн чал-кемпирдин образын аткарсаң, эл күлөт.
– Ата-энеңдин эркеси, бир туугандын кеңешчисисиңби?
Атам Жаныш И.Арабаев атындагы университетте окутуучу, апам Клара Караколдогу ооруканада врач. Үйдүн улуусумун, карындашым Рахат 4-курстун студенти, иним Изат автоучилищеде окуйт. Мен борборго баса берип, алардын кандай чоңоюп калганын деле байкабай калгам. Менин сөзүмдү угушат, бирок көп эзилип сүйлөшпөйм деле. Үйдөгүлөрдөн бөлүнүп, квартирага чыгып алгам.
– Саку чоңоюп, өз алдынча жашап калды де, бойдоксуңбу?
Тынчтыкты жакшы көрөм. Кичине эле ызы-чуу болсо, уйкум качып кетет, анан уйкуну кайра эптеп сүйлөшүп алып келиш да кыйын иш. Ошон үчүн жалгыз жашап, пландарды түзүп ойлоном. Ашканага басып кирбейм, казанды желе басып, таракандар небере-чөбөрөлүү болуп калса керек, карап коюш керек эле. Чын, көчөдөн тамактанам. Бойдокмун.
– Алдабачы, эртең келбейби бизге “мен Саламаттын аялы болом” деп?
Ха-ха-ха!.. Келиши мүмкүн, бирок ал менин аялым эмес да.
– Ишендим, айтчы, активиңде канча кыз бар?
Активимде 1, 2, 3...10 кыз бар, тамаша. Азыр бир кыз жагып турат, бирок ал тууралуу дагы көп билишим керек. Мен ар бир кыздан өзүнүн сулуулугун табам. Биринин көзү жанып турса, экинчисинин оозу оймоктой...
– Оозунан сулуулук табам дечи?
Дайыма эле таба бербейм деп койбоюмбу. Жылдыздуу, тамашакөй кыздар жагат. Мени көчөдөн кыздар көрсө, биринчи эле реакциясы күлкү. Билбейм неге, кыздардын алыстан мени карап жылмайып, жыргап күлүп турганын дайыма көрөм.
– Качан байракты келинчегиңе өткөрөсүң анан?
Дагы эки жыл бар, байрактын бир учун карматууга. Үй-бүлө күтүү үчүн бутума турушум керек.
– “Тамашоудо” дайыма калыстар тобундасың. Эрмек Нурбаев “эң мыкты КВНчи” деп тааныштырат, чын эле мыктысыңбы же кандай?
– Эрмек досум. Эрмектин ою боюнча мен мыкты КВНчи болсом, анда ошондой окшойм.
– “Большие люди” долбоорунда жүрөсүң, скетч-шоулорго тартылгандан сырткары эмне кыласың?
– “Большие люди” долбоорундагы жигиттер “KG club” юмор тобундагы балдарбыз. Ар кайсы юмордук команданын каймактары чогулган. Биз Казакстанга, өзүбүздөгү корпоративдик кечелерге заказ алып барабыз. Тамашаларды көрсөтүп, нан табабыз, тапканыбыз баарыбызга жетет.
– Казактардын юмор командасы ОРТнын Жогорку Лигасында ойношот, биздикилер эмнеге баралбайт?
Буга чейин чыга албай жүргөнүбүздүн себеби акчага барып такалат. Мен ойлойм, “KG club” юмор клубундагы балдар азыр ОРТга чыкпасак, анда дагы 5 жылдай убакыт керек болуп калат, таланттууларды чогултуш үчүн. Жакында эле Сочиге барып келдик, бизди КВНдин “атасы” Александр Масляков Украина Лигасына чакырды. Эгерде ал жерден өнөрүбүздү жакшы көрсөтсөк, ОРТнын КВНинин Жогорку Лигасына илинип калууга мүмкүнчүлүк зор.
– Куудулдардын кимисин сатиранын “атасы” деп атайсың?
Бизден Манас Бердибековду. Агабыз тирүү болгондо далай ирет элди күлкү менен жыкмак. Ал эми орус тилдүүлөрдөн Иван Ургант менен Гарик Мартиросяндын өнөрлөрүн баалайм.
– Саясатчыларды, айрыкча Нурлан Мотуевди кыйын туурайсың, алардан кысым болбойбу?
Кысым болгон эмес. Мамлекетте болуп жаткан маселелерди тамашага салуу менен элдин көңүлүн ачалы деген эле ниет. Саясатка жокмун, кызыкпайм, жакпайт.
– Жигитчилик деп келтек жегенсиңби же келтектегенсиңби?
Уруш же конфликт болбосун, тамашага айлантып жиберем. Болбой эле жиниме тие берсе, “та-ак, та-ак, өзүңдү бас, Саламат, мушташ чыгып кетет” деп тыйып турам.
– Маегиңе рахмат, саламатта бол, Саламат.
Рахмат сиздерге. Мен эми өмүр бою эле Саламатмын да.

Бурул Исмаилова
star@super.kg


Маек - Саламат Алиев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(19)
11.03.2011. 19:22 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Men uchun dagy en mykty KVN´shik. Men Salamattyn surotun korsom ele jylmayam, ozn korsom kanday bolot boldum eken? Chygarmachylyk iygilik anan da KVN jogorkuu ligasyna katyshyshynardy tileym.
11.03.2011. 21:48 
Тайпасы:
Кыймылы жок
Комментарийлердин саны:
5
Катталган:
19-11-2010
Соӊку аракети:
13-10-2012 03:25
Жынысы:
Белгисиз
0
Ээк, кыздай болбой тын-тын эле суйлобойсунбу, чоюлбай!!!! Талантынды баалайм, бирок видеон жаккан жок !!!!!
12.03.2011. 01:36 
Тайпасы:
Кыймылы жок
Комментарийлердин саны:
15
Катталган:
31-01-2011
Соӊку аракети:
05-12-2011 16:13
Жынысы:
Белгисиз
0
Myn4a sozulasyn?"Jigit bolson wok bol,wok bolboson jok bol" degen makaldy bilesinbi! Men taanygan Salamat myndai emes ele...
12.03.2011. 08:32 
Тайпасы:
Кыймылы жок
Комментарийлердин саны:
103
Катталган:
16-10-2010
Соӊку аракети:
11-02-2012 08:53
Жынысы:
Белгисиз
0
Саламат супеерр..
12.03.2011. 13:37 
Тайпасы:
Жаран
Комментарийлердин саны:
187
Катталган:
13-01-2011
Соӊку аракети:
03-09-2018 05:40
Жынысы:
Белгисиз
Калаасы:
Бишкек
0
Чоюлбай эле, ал озу ото жоош адам экен.Дайым эле жалжандай бербейт да. Чыныгы талант,ушундай темпте кете бергиле! Ийгиликти кутпой кыбырай берсенер, озу кууп жетип алат! :))
12.03.2011. 14:06 
Тайпасы:
Кыймылы жок
Комментарийлердин саны:
4
Катталган:
17-01-2011
Соӊку аракети:
21-04-2012 21:10
Жынысы:
Белгисиз
Калаасы:
Нарын
0
Брат красавчик таланттын бар бирок кээде озунчо эле звазда боло бересин ээ?
12.03.2011. 17:53 
Тайпасы:
Кыймылы жок
Комментарийлердин саны:
138
Катталган:
12-10-2010
Соӊку аракети:
13-07-2013 01:16
Жынысы:
Белгисиз
0
molodets..kop kopton ,,bolwie lyudige,, uwunday intermediyalarin 4igarip turgula4i pojakuysta,jakwi oinitda..konuldu kotorup!Samge aytarim,samoe glavnoe ne zvezdanutsa brat!bud krut,no vsegda ostavaysa samim soboy!
12.03.2011. 22:15 
Тайпасы:
Кыймылы жок
Комментарийлердин саны:
11
Катталган:
09-12-2010
Соӊку аракети:
02-02-2013 13:10
Жынысы:
Белгисиз
0
Moskvadagy oyununardy internetten taap koroalabyzby?
13.03.2011. 12:19 
Тайпасы:
Жаран
Комментарийлердин саны:
47
Катталган:
22-05-2010
Соӊку аракети:
14-04-2017 12:27
Жынысы:
Белгисиз
0
Мага Саламат абдан жагат,озун алып журушу менен жана таланты менен. "Оштук аш" бир укмуш,азаматтсын,анча мынча поп ырчылырга караганда алда канча жакшы ырдайт экен!!!
Super TV
13.03.2011. 17:11 
Тайпасы:
Жаран
Комментарийлердин саны:
63
Катталган:
12-09-2008
Соӊку аракети:
03-03-2018 21:56
Жынысы:
Белгисиз
Калаасы:
KG CITY
0
takur ugulbait eken salamattun sozu...mikrafondu jakunuraak koisonr bolmok aga!!! Super ge kowulam!!
Super TV
13.03.2011. 19:42 
Тайпасы:
Кыймылы жок
Комментарийлердин саны:
94
Катталган:
03-12-2009
Соӊку аракети:
09-08-2013 22:44
Жынысы:
Белгисиз
0
Sarybala, sonun oinoit!
Super TV
14.03.2011. 10:48 
Тайпасы:
Кыймылы жок
Комментарийлердин саны:
340
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Маектешуу маектештин озун алып журуусуно жараша болот. Камеранын кандайдыр суру бар, балким сурдогондур Саламат. Балким, жалан орусча тамашаларды аткарып журуп тили кыргыз тилине конбой калгандыр. Себеби суйлогонунон эле байкалып турбайбы орусча аралаштырганы
Модератор ХАНЗАДА түзөттү 14.03.2011 04:50
16.03.2011. 12:00 
Тайпасы:
Жаран
Комментарийлердин саны:
64
Катталган:
07-09-2010
Соӊку аракети:
21-09-2018 17:42
Жынысы:
Белгисиз
0
кыргыз жигиттердин бойлору кичирейип эле баратабы? барган сайын...
Super TV
17.03.2011. 12:04 
Тайпасы:
Кыймылы жок
Комментарийлердин саны:
32
Катталган:
27-12-2010
Соӊку аракети:
31-05-2014 10:51
Жынысы:
Белгисиз
Калаасы:
Bishkek
0
Мыкты эле жигит. Бирок интервьюну коруп атып уктап калайын дедим
17.03.2011. 15:47 
Тайпасы:
Кыймылы жок
Комментарийлердин саны:
12
Катталган:
26-09-2010
Соӊку аракети:
05-10-2015 05:30
Жынысы:
Белгисиз
0
Сэм талантливый парень, я просто "фанатею" от тебя! надеюсь я тебя увижу 18 марта в тамашоу..... ты будешь.....))))))))))))))))))
Super TV
17.04.2011. 17:35 
Тайпасы:
Кыймылы жок
Комментарийлердин саны:
3
Катталган:
20-09-2008
Соӊку аракети:
14-08-2013 17:49
Жынысы:
Белгисиз
Калаасы:
Москва
0
Не подскажете: сколько ему лет и есть ли у него семья?
Super TV
20.05.2011. 22:12 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Super Salamat, iyigilik!!!
Super TV
17.09.2011. 01:59 
Тайпасы:
Кыймылы жок
Комментарийлердин саны:
578
Катталган:
01-08-2010
Соӊку аракети:
31-07-2015 09:45
Жынысы:
Белгисиз
Калаасы:
USA Bishkek Kyrgyzstan
0
multfilmdey suyloyt eken, ayabay nejniy bala okshoyt.
14.01.2014. 10:57 
Тайпасы:
Супермодератор
Комментарийлердин саны:
4715
Катталган:
05-09-2011
Соӊку аракети:
21-09-2018 23:52
Жынысы:
Белгисиз
Калаасы:
Супер-Инфо
0
bishkek.kg - 10 күнгө БАНга!
Коомдук адепке туура келбеген сөздөрдү жазууга катуу тыюу салынат! Комментарий жазып жатканда бир аз өзүңөрдү кармасаңар! Дагы кайталанса аёсуз жазаланасыз!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: