ПРЕЗИДЕНТТИК АППАРАТ: МУРДА 650 ДОЛЛАРГА АЛЫНГАН БЕНЗИН АЗЫР 950 ДОЛЛАР БОЛУУДА

Президенттик аппарат өлкөдө күйүүчү майдын кымбатташы боюнча 11-май күнү түшүндүрмө берди. Анда АКШ-Израил-Иран ортосундагы согуштан улам дүйнө жүзүндө газ жана күйүүчү майдын баасы кескин кымбаттап, аталган көйгөй Кыргызстанга дагы түздөн-түз таасирин тийгизип жатканы белгиленет.

– Согуш башталганга чейин Орусиядан АИ-92 үлгүсүндөгү бензиндин тоннасын 650 доллардын тегерегинде алып келсек, учурда анын баасы орточо 950 доллар. Ал эми дизель майынын тоннасы орточо 700 доллар болсо, азыр 1200 доллардан ашты. Айрым жарандарыбыз “эмне үчүн кошуна Казакстанда күйүүчү май арзан да, бизде кымбат?” деген суроону берип жатышат. Мунун негизги себеби – Казакстанда ири мунай ресурсу бар, өздөрү өндүрөт жана күйүүчү май мамлекет тарабынан субсидияланат. Башкача айтканда, мамлекет каржылап өз эсебинен бааны төмөн кармап турат. Бизде дагы ушундай тажрыйба электр энергиясы тармагында колдонулат. Мисалы, Кыргызстанда электр энергиясынын өздүк баасы 3 сом 7 тыйын болсо, элге 1 сом 64 тыйындан берип жатабыз. Ортодогу айырманы мамлекет субсидиялайт,- деп айтылат соцтармакка жарыяланган маалыматта.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1221, 15-21-май, 2026-ж.