Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№437 18-24-март, 2011-жыл


(Башы өткөн сандарыбызда)

– Сиз эле болсоңуз ушунча бозого жарылып кетесиз да, ээ? Былтыр “Өскөнбайдыкында 40 литр бозо ичиптирбиз” деп айтпадыңыз беле?
Экөө жобурашып отуруп кийинки келген бозону да түгөтүштү. Эчак түн кирип, Адилет бара турган кечесинен үмүтүн үзүп койгон эле. Аңгыча болбой:
– Мен уктайм эми. Уйкуң келсе сен да жатып укта. Болбосо кете бер,- деди абасы.
Ушул сөздү кечке күтүп турган жаны ордунан ыргып турду да, идиш-аяктарды ичкериге алып кирип коюп:
– Мен кеттим, аба. Эртең менен келем,- деген бойдон чуркап жөнөдү.
Түз эле Айперинин үйүн көздөй бет алды. Өзүн коёрго жер таппай, “Берметке эмне деп айтам эми? Илгиз ага тийишкен жокпу?” деген ойлор аны түпөйүл кылып жатты. Айперинин үйүнө кирип барса, короонун ортосунда классташтары бийди эзип жатышыптыр. Эч нерсеге көңүл бурбай эле, элдин арасынан Берметти издеп жөнөдү. Сүйгөнү классташтарынын арасынан көрүнө бербеди. Оюна бир нерсе кылт дей түшүп, көздөрү менен Илгизди издеп баштады. Илгиз алманын түбүндө балдар менен сүйлөшүп туруптур. Аны көрөр замат көңүлү жай ала түштү да, Азаматтын жанына барып:
– Кандай, досум? Майрам ойдогудайбы? Берметти көрдүңбү?- деп аптыга сурай баштады.
– Эй, Адилет, кайда жүрөсүң? Баары жакшы. Бермет сени күтүп-күтүп үйүнө кетип калды. Сага чоң салам айтты.
– Анда сен өзүң баарына көзөмөл бол. Мен Берметке кеттим.
Берметтин короосунун жанына басып келип, акырын “Бермет” деп кыйкырды. Зарыгып күткөнү келгенин сезген кыз сыртка чуркап чыкты. Капалуу үн менен:
– Кайда жүрөсүң?! Саат канча болду? Мени ойлойсуңбу сен өзү?
– Алтыным, кечирип койчу?! Мыктыбек абам кармап калды. Мас экен. Сен эмне кечеден кетип калдың?
– Мыктыбек аба мас болгондо сенсиз жүрө албай калабы? Сен жок, мен кечеде эмне кылмак элем?..
– Ооба, чындап эле эмне кылмак элең мен жок?
Ошентип, экөө мектептин багын аралай, тээ түн жарымына чейин жүрүштү. Адилет Терминатор абасы менен болгон сөздүн баарын айтып берди. Орусияга кетерин мурда айтып койгондуктан, бул жолу кайталап айткан жок. Таң ата сүйгөнүн үйүнө жеткирип, өзү үйүнө жетип сөрүгө жатайын деп калганда үйдүн ичинен апасы чыгып калды.
– Таң атканча жүрө бер­диңби, балам?
– Кечээ кечке Мыктыбек абам менен болдум. Майрамга кеч бардым. Апа, мындай келип отурсаңыз. Сөздөр бар. Мыктыбек абам менен сүйлөшүп отуруп, көп нерсени чечкендей болдум. Күрөң уй менен үйдү саттым, Мыктыбек абама.
– Эмне?!
– Үйдү саттым. Орусиядан иштеп келип, мындан сонун үй алып берем силерге. Карыздардан кутулуш керек болуп жатпайбы.
– Адилет! Мындан сонун үй айылда жок экенин билесиң го?- деп Гүлсаранын көздөрүнөн жаш агып кетти.
– Апа, ыйлабачы эми. Башка жакшы үй алмайынча ушул үйдө жашай бересиңер. Качан мындан да чоң үй алганда чыгабыз бул үйдөн. Мыктыбек абам сөз берди.
– Абаң мастыгы менен сөз берди да. Мага бир ооз айтып койбой, ушуну кылдыңбы, сен?!
Апасы көзүнөн жашын агызып, даараткана тарапка басып кетти.
Ортодо жымжырттык өкүм сүрүп, Адилет эч нерсе дей албай туруп калды. Жүрөгү сыгылып, көөдөнүнөн чыгып кетчүдөй болуп турду. Ошол кезде:
– Адилет, ыйлаак апаңды кечир. Сен азыр үйдө кожоюнсуң да. Өзүң туура деп эсептегендей кыла берчи, кулунум.
Апасынын назик үнү жымжырттыкты бузду. Адилет апасын кучактай калды.
– Апа, баары жакшы болот. Орусияга Медет менен барып, мындан сонун үй сатып берем силерге.
– Сен аман болсоң, баарын сатып бересиң, балам. Бул жагын да туура кылыпсың. Үйдү сатсаң да, бир туугандарыңды көчөдө калтырбайт экенсиң. Мыктыбек абаң да жакшы жардам кылыптыр сага.
– Ооба, чоң жардам берди. Эки күндөн кийин жолго чыгам.
– Макул. Жакшы экен андай болсо. Өзү анын нак акчасы бар бекен, биздин үйдү алгыдай?
– Кумар акемдин Москвадан иштеген акчасы бар экен. Ошол баласынан алат.
– Болуптур, укта анда, кулунум.
– Кыжалат болбой сиз да эс алыңыз, апа.
Жаңы эле башын жаздыкка койгондой болгондо бирөөнүн түрткүлөп жатканынан кайра эле ойгонду. Дагы эмне болуп кетти деп оодарылып караса, жанында Терминатор абасы отуруптур.
– Ой, түшкө чейин уктай бересиңби? Тур, саат сегиз жарым болуп калды. Сен деги Карачаңды карап койдуңбу?
– И-ий, ата, аны унутуп калган турбаймынбы,- деп ордунан ыргып туруп, шашылып жөнөп калды.
– Ай, жата бер эми, кыйраткансыбай. Атыңды үйгө алып келип койдум.
– Адамды чочутпай, ошент­сеңиз го. Сизге ишенип майрамдап жүрдүм да.
– Апаң менен сүйлөштүңбү үйдү?
– Сизди кечээ мас болуп калып сүйлөп жатабы дедим эле.
– Ой, атаңдын оозун урайын. Сопсоо эле болчумун.
– Аба, үйдү чындап эле аласызбы?
– Анан эмне сени алдамак белем?..
– Макул, макул. 500 миң сом. Мындай үйдү айылдан таппайсыз.
– Сен менен баш оорутуп отурбайын. 450 миңин бүгүн берем, калганын кийинчерээк мал семиргенде сатып туруп берем.
– Ий, анан күрөң уйду сатпайм кайра. Тамдын акчасы деле жетет. Бирок койду бериңиз. Ал керек.
– Ай, тиги директириң менен өзүм бүтүрүп коём. Семиз-семиз “5” деген бааларды коюп берет. Картаң койдон бирди берем дагы, сенин бир козуңду алып калам. Макулбу?
– Болуптур, аба.
Жашоосун тозокко айландырган карыздардан кутулуу алдында турганы Адилетти аябай кубандырып турду. Үстүнөн ат көтөргүс жүктү алып салгандай, өзүн жеңил сезип жатты. Кудуңдап секире-секире чуркап, сайдагы агын сууга жуунуп келейин деп жөнөдү. Сайдан чыгып келип, курсагын тойгузду. Апасы жанына келип отуруп, баласын жылмайып карап калды.
– Балам, эми ушу менен баары бүтүп кетсе кандай сонун болот эле...
– Апа, баары бүтөт, буюрса. Мен баарын бүтүрүп кетем. Чөптү балдарга акча берип чаптырып, жыйнатып аласыз. Малдын ашыкчасын саттырасыз. Бардык иштерди акча берип бүтүрө бересиз. Кыздарды кыйнабаңыз, ээ? Аларга үйдү саттык деп айтпай эле коюңуз.
– Сендей акылдуу балам болбосо эмне болот элем, бир Кудай билет. Макул. Кыздар билбейт эч нерсени.
Ошентип, кобурашып чай ичип жатканда Терминатор абасы эшиктен кирип келди.
– Чайыңардын үстүнөн чыктым, ээ? Айтмакчы, Адилет, кечээ «суурдун этин кууруп чакырам» деп дардаңдап жатпадың беле?
– Бүгүн деле күн бар го, азыр кууруп башташты.
Баштыгын кучагынан алып чыккан Мыктыбек Адилетке карматты:
– Ме, туптуура 450 миң сом. 1 тыйын кем эмес да, ашык эмес.

Залкарбек Карабалаев

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
23.03.2011. 21:35 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Эхх...жашоо.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: