Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАРКО АНТОНИО БАРРЕРА

№186 26-май-1-июнь, 2006-ж.


ӨЗ ӨЛКӨСҮНҮН ОН ЖЕТИ ЖАШАР ЧЕМПИОНУ

Марко Антонио Баррера бокс сүйүү­чүлөрдүн арасындагы карьерасы кыска убакытка гана созулган. Убагында боксту сүйгөндөр арасында беш жолу Мексиканын чемпиону болгон. 1989-жылдын 22-ноябрында 15 жашка чыккан Марко Антонио профессионалдык рингдеги өзүнүн 1-беттешүүсүнө чыгат. Экинчи раундда эле каршылашы Дэвид Феликстен техникалык нокаут менен утулуп калган. Эки жарым жылдан жана 17 беттешүүдөн кийин Баррера Мексиканын чемпиону наамы үчүн Жозефино Суаре менен беттешип, калыстардын бир добушу менен жеңишке жетишкен. Бул менен бирге Баррера өзүнүн салмак категориясында титулун беш ирет ийгиликтүү коргой алды. Ошондон кийин гана ал Түндүк Америка Бокс Федерациясынын титулу үчүн күч сыноо мүмкүн­чүлүгүнө ээ болот. 1993-жылдын 28-августунда Эдуардо Рамирести упай саны менен утуп, бул федерациянын титулун да алат.

ӨРГӨ ЖОЛ АЛУУ, ДҮЙНӨЛҮК АТАК

1994-жылы Баррера Бүткүл дүйнөлүк Бокс Кеңешинин дүйнөлүк рейтингинде 1-орунга көтөрүлүп, чемпиондук беттешүүгө чыгуу укугун алуу үчүн экинчи талапкер Карлос Салазар менен рингге чыгышы керек эле. Бирок, Марконун салмагы өзүнүн категориясынан ашып кеткен. Ошого карабастан беттешүү өтүп, Баррера упай саны менен ишенимдүү жеңишке жетет, бирок, кийинки чемпион менен беттешүү укугунан айрылып калган.
Дүйнө чемпиону наамын алуу мүмкүн­чүлүгүнө Баррера 1995-жылдын 31-мартында ээ болуп, жарым жеңил салмак категориясы боюнча чемпион Даниэл Хименес менен беттешет. Баррера беттешүүнүн жүрүшүн башынан аягына чейин өз колуна алып, калыстардын бир добушу менен жеңишке жетет. Ушул жылдын ичинде эле Баррера өз титулун 4 ирет коргогонго жетишип, жылды мыкты жыйынтыктайт. Айтсак, ал мезгилде анын эсебинде бир да жолу жеңилүү жок болчу. 39 жеңишинин 27син нокаут менен уткан эле.

ДҮЙНӨЛҮК ЧЕМПИОНДОР МЕНЕН БИР КАТАРДА

1996-жылдын 3-февралында Баррера ал кездеги өзүнүн эң күчтүү атаандашы, экс-чемпион Кеннеди Маккинни менен беттешет. Бул өтө оор беттешүүдө атаандашын 5 ирет нокдаунга жиберүү менен өзү да бир ирет жыгылат. Антсе да Баррера артыкчылык кылып турду. Маккинни акыркы раунддун экинчи мүнөтү­нүн аягында гана таптакыр алдан тайган. Бул матчтан кийин Баррера Жуниор Жонс менен беттешүүдөн мурда дагы өз титулун үч ирет коргоого жетишет.
Баррера менен Жуниор Жонстун ортосундагы эки кызуу беттешүүнүн биринчиси 1996-жылыноябрда болду. Баррера өтө тез жана ыкчам кыймылдаган Жонстун соккусуна муш кайтарып отуруп, 4 раунддун жыйынтыгында алдыда келе жаткан. Бардыгы 5- раундда өзгөр­үп, Жонс Барреранын ээ­ги­­не оң ко­лу менен муш жи­­берип, жерге жаткыра койгон. Эсин толук жыйнай албаган Бар­рера ордунан туруп беттешүүнү ул­ан­тууга аракет кылганы менен Жонстун кезектеги чабуулунан кайра жыгылып кетип, анын секунданттары рингге чуркап чыгышкан. Беттешүү автоматтык түрдө токтотулуп, Барреранын тизмесинде «утулду» деген жазуу пайда болгон.
5 айдан кийин 1997-жылы апрелде Баррера мыкты формада матч-реваншка чыгат. Беттешүүнүн алгачкы раунддарында артыкчылык Баррера тарапта болуп, бирок, аягында Жонс жандана түшүп, калыстардын бир добушу менен жеңишти сактап калган.
10 айга созулган тыныгуудан кийин Баррера кайра рингге чыгып, Анхель Росарио менен беттешет жана аны 5-раундда техникалык нокаут менен уткан. Андан соң дагы эки атаандашын нокаутка түшүрүү менен Баррера кайрадан ВБО версиясы боюнча чемпион менен беттешүү укугун алган.
1998-жылдын 31-октябрында Баррера үч раундда эле Ричи Вентонду утуп, жарым жеңил салмактагы ВБО чемпиону наамын кайтарып алган. 1999-жылда Баррера өзүнүн титулун эки ирет коргойт: 3-апрелде Пол Ллойд менен беттешип, 1-раундда эле техникалык нокаутка түшүрсө, 7-августта Пастор Моринди калыстардын бир добушу менен уткан.

«БОКСТУН УТУЛБАГАН ПРИНЦИ» НАЗИМ ХАМЕДДИ ЖЕҢҮҮ

2000-жылы февралда ВБС жана ВБО версиялары боюнча бириктирүүчү беттешүүдө Баррера рингге чемпион Эрик Моралеске каршы чыгат. Эки боксчу тең канжалап калганы менен бири да баш ийип берүүнү каалаган эмес. Беттешүүнүн соңу өтө чыңалуу менен өткөн. Бирок, Моралес акыркы раундда нокдаунда болгонуна карабастан, үч калыстын экөө ага артыкчылык берген. Көп сандаган баяндамачылар бул чечимди адилетсиз деп таап, ал эми ВБОнун жетекчилиги таптакыр болуп көрбөгөн кадам жасаган. Алар Барреранын чемпион наамын кайра калыбына келтирип койгон. ВБОнун чоңдорунун пикиринде, Баррера беттешүүдө жеңип чыккан жана аны титулдан ажыратуу туура эмес чечим эле.
2000-жылдын 17-июнунда Баррера Луис Фрей­тасты (Аселино Фрейтастын ага­сы) 1-раундда нокаутка түшүрөт. Ушул эле жылдын 9-сентябрында Баррера Хосе Вальбу­эна менен беттешет. Баррера матчты толугу менен өз колуна ал­ып, калыстардын бир чечими менен жеңишке жетет.
«Принц» Назим Хамед менен беттешүү мүмкүн­дүгүн күтүү менен Баррера убакытты текке кетирбей, атаандашын 6-раундда эле кулатат.
2001-жылдын 7-апрелинде «Бокстун утулбаган принци» Назим Хамед менен беттешүүнүн кезеги келет. Марко үчүн бул өз мекени Мексикада жалпы улуттук атак алуу мүмкүнчүлүгү эле. Демейде атаандаштарына эч бир сый көрсөт­пөгөн «Принц» бул жолу өзүн токтоо алып турган. Ал Баррераны нокаутка түшүрөм деп убада берген. Бирок, Баррера 1-раундда эле беттешүүгө көрк кошот. Хамед убада кылгандай эле Баррераны нокаутка түшүрүү үчүн дароо чабуулга өтөт. Бирок, анын соккулары таамай тийбей же жолдон тосулуп отурду. Ошол эле учурда Баррера сол колу менен бат-бат муш берүүгө жетишип жатты. Убакыт өткөн сайын Барреранын бекем тосуусуна, анын кайталангыс кыймылдарына жана оор соккуларына каршы эч нерсе кыла албасын түшүнгөн Хамеддин иши начарлай берди. Натыйжада, Баррера бир добуш менен жеңиштин ээси болду. Ал «принцти» таажысынан ажыратып, Бүткүл дүйнөлүк Бокс Уюмунун версиясы боюнча суперчемпион наамын алат.

АКЫРКЫ КЕЗДЕГИ ИЙГИЛИКТЕРИ

2002-жылдын 22-июнунда Эрик Моралес менен реванш өткөрүү мезгили келет. Айыгышкан 12 раунддук бетешүүдөн кийин калыстардын үчөө тең жеңишти Баррерага ыйгарган.
Кийинки беттешүүсүн Марко Антонио ушул эле жылдын 2-ноябрында өзүнүн досу Жонни Тапиого каршы чыгып, бул салмакта азырынча ал биринчи экенин дагы бир ирет далилдейт. Андан 5 ай өтпөй эле Баррера ардагер Кевин Келли менен беттешип, 4-раундда эле техникалык нокаут менен утат.
Андан соң Эл аралык Бокс федерациясынын версиясы боюнча чемпион Хуан Мануэль Маркес менен беттешем деген ой менен Баррера филиппиндик Мэнни Пакьяого каршы чыгып, күтүл­бөгөн жерден утулуп калат. Боксчусунун катуу сокку жеп жатканын көрүп чарчаган Барреранын секунданты 11-раундда сүл­гү­сүн рингге таштайт. Бул жеңилүү­дөн кийин Марко Антонио бир аз убакытка жоголуп кетет. Анын ортосунда ал чоң спорттон кеткени жатат деген ушак сөздөр да чыгып кеткен, бирок, жети айдан соң Баррера кайтып келет.
2004-жылдын 19-июнунда ал өтө тажрыйбалуу, сологой боксчу Пол Айолага каршы чыгып, дээрлик ар бир раундду утуп келип, 10-раундда аны нокаутка түшүрөт.
Марко Антонио Барреранын акыркы беттешүүсү өткөн жумада Рикардо Хуарес менен болду. ВБС версиясы боюнча 1-жеңил салмакта өткөн матчтын жыйынтыгы алгач тең чыкты деп чечилген. Уюштуруучулар билдиргендей, кайра эсептеп чыгуудан кийин жеңиш Марко Антонио тарапта экендиги аныкталды.

Даярдаган Медер Тентимиш уулу



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: