Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АКЫНДАР АЙТЫШЫ ЖЫЙЫНТЫКТАЛДЫ

№437 18-24-март, 2011-жыл


“Акындык – хандын тагына, бектин жыргалына бербеген дөөлөт” дешет акындар. Ошол акындарыбызды сынап эмес, даңазалап таймаштыруудабыз. Эсиңизде болсо, мурунку сандардагы сынактарда үч жигит финалга суурулуп чыккан. Алардын бири Кубаныч Зайнидинов таймашуудан баш тартты. Андыктан таймаш эки жигиттин ортосунда болду.

Бул жолу кыргыздын руху болгон Манас тууралуу ыр чыгаруу тапшырма катары берилди. Мурдагыдай эле акындарыбыз 20 мүнөт убакыттын ичинде сап курашты.

ЖЫЛДЫЗБЕК ТУРСУНБАЕВ
Республикалык “Нурборбор” чыгармачыл жаштар бирикмесинин мүчөсү,
манасчылык жана “Чечен айтыш” сөз өнөрү таймаштарынын жеңүүчүсү.

Түп нускабыз Манаста!
Эпсиз жашоо келип, жүрөк канаткан,
Эл болбодук, эзелки атка жарашкан.
Түгөл бойдон баратабыз кырылып,
Түп нусканы избедестен Манастан.

Азабыбыз жан дүйнөдө күргүштөй,
Азаюуда элдин наркы билгизбей.
Бириктирген бизди Манас бир кезде,
Бир да ташын душмандарга тийгизбей.

Кыргызымдын азыр азган учуру,
Кылым ашкан кырдаал кыстап утуру.
Кулга айланып, карбаластап калбасын,
Калк түптөгөн кыраан Манас тукуму.

Улутташым, улуулукка жанаш көп,
Улут үчүн намысыңды талаш көп.
Ата Журтум бийик болсун десең сен,
Ар бир жүрөк согуу керек “Манас” деп!


БЕРДИБЕК ТӨЛӨГӨНОВ
“Калемгер” адабий коомунун мүчөсү, “Жаш таланттарды издейбиз” сынагынан поэзия жанры боюнча 2-орунду ээлеген.

Кыргыз өңү Манаста!
Кылымдарга кыргыз атын жоготпой,
Ынтымакты бийик кармап, коротпой.
Кыргыз башын Манас кошкон эмеспи,
Куттуу жерге душман бутун жолотпой.

Көөдөнүндө күйүп турган от болгон,
Туш тарабы намыс менен коштолгон.
Чамасы жок чачыраган кыргыздар,
Кан Манастын күчү менен топтолгон.

Абалтадан улуу сөз бар, адатта,
Кыргыз өңү, кыргыз жүзү Манаста!
Таянары, туусу дагы эр Манас,
Манасы жок кыргыз жетим калат да!

Бүгүн минтип жерди карап турсак да,
Эй, кыргызым, башты көтөр, муңканба!
Кыргыз бийик, кыргыз улук ар убак,
Көкүрөктө Манас духу турганда!


КАЛЫСТАР ЭМНЕ ДЕШЕТ?

Жыпар Исабаева, акын:
– Эки акын тең акындыкка ички даярдыгы мол жигиттер. Финалга экөө чыкканы мен үчүн таң каларлык көрүнүш эмес. Бердибектин ыры жакшы, бирок ойду толук бере албай калган. Элдин мөгдүрөп турганын мыкты чагылдырып бергени менен, ошол нерсенин эмнеден келип чыкканы берилбей жатат. Мен жеңүүчү деп Жылдызбекти атайм. Ал ойду жыйынтыктап жана эмоционалдуу бере алган. Өзгөчө “Ата Журтум бийик болсун десең сен, /Ар бир жүрөк согуу керек “Манас” деп!” деген эки сабында патриоттук сезим, кыргыздын духу жаткандай сезилет.

Меңди Мамазаирова, акын-жазуучу:
– Эки ырда тең бир аз кемчиликтер бар. Жылдызбектин ыры логикалык ойдон аксаган. “Бир ташын душмандарга тийгизбей” дейт. Кимдин ташын душмандарга тийгизбей жатат? Душмандынбы же башкабы, билинбей калган.
Ал эми Бердибектин ырында да ой толук берилбей калган. Жалпысынан алганда, ырлар жакшы. Жеңүүчүсү ким экенин аныктоо мага кыйын болуп турат. Кантсе да Жылдызбектин ырындагы ойлор мени ынандыра алды. Ошондуктан Жылдызбекти жеңүүчү деп айта алам.

Ошентип, окурман, “Акындар айтышынын” жеңүүчүсү деп акын Жылдызбек Турсунбаев табылды. Жылдызбекти жеңиши менен куттуктайбыз! Ал эми сыйлык катары кийинки сандарыбызда жаш акындын калемине таандык ырларды жарыяламакчыбыз.


АЛЫКУЛДУН ДҮБҮРТҮ

Заманыбыздын залкар акыны Алыкулдун туулган күнү 21-Мартка туура келет. Турмушка ыр менен келип, ыр менен кеткен Алыкул Осмоновду эскерип кетүүнү чечтик.

Эскерме
Билбейм, кандай, эмне ойдо экен катарым,
Мен өзүмдүн тагдырыма капамын.
Заманымдын керегине жарабай,
Эрте кургап, муздап бара жатамын.

Мен жашадым өз күнүмө таарынбай,
Кара тилек, жаман ойго багынбай.
Түк билинбей өтүп кетет окшоймун,
Бир кеченин жаап кеткен карындай.

Өзүмдү өзүм
Мен өзүмдү үй сыртынан тыңшасам,
Күрс, күрс эткен оор жөтөл үн чыгат.
Бүткөн экен, кайран өмүр, кайран жан...
Деп жалооруп, көңүлүм шондо бир сынат.

Билген билер, билбегенге не чара,
Менсинген жаш муну кимден кем көрөт?
Кең пейилдүү, ачык колдуу бечара,
Кыйын жашап, жакшы жазган өңдөнөт.

Мен өзүмдү бир кылымдан карасам,
Тээ алыстан чаң ызгыткан шаң чыгат.
Өлбөстүктүн өжөр эркин талашкан,
Эрдигинен эчен тирүү жан чыгат

Дагы аял тууралуу
Аял сүйдүм, бирок ичтен кектедим,
Арам ойлоп, арамдыктан кетпедим.
Жаманынан көңүлдү эзген оору алып,
Жакшысынын кадырына жетпедим.

Алыкулга арналган ырлар
Алыкул, кереметтей кубуласың,
Келечек күлкүсүнөн угуласың.
Эшиктен кирип келип: “Эх, иним”,- деп,
Ырымды оңдочудай туюласың!

Анатай Өмүрканов

Алыкулдун жашай турган жашы көп,
Алыкулдун жай, күз, кышы, жазы көп.
Арыбаган, талыбаган кылымдап,
Поэзия – боз ат, тулпар аты көп.

Байдылда Сарногоев

Койчу, досум, мени акын дебечи,
Мени акындардын улпагына теңечи.
“Кыргызыңда кандай акын бар?” десе,
Келет мага Алыкулдун элеси.

Насирдин Байтемиров

Нуржамал Жийдебаева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
19.03.2011. 15:30 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
"jash akyndar" - ekoonun ten yrlary jakty.
Tup nuskany izdebesten Manastan.

23.03.2011. 14:32 
Тайпасы:
Жаран
Комментарийлердин саны:
5
Катталган:
06-06-2010
Соӊку аракети:
11-04-2018 17:36
Жынысы:
Белгисиз
Калаасы:
Бишкек
0
Манасты данктаган, барктаган ушундай ырларыбыз ар дайым кобойо берсин!
24.03.2011. 14:07 
Тайпасы:
Жаран
Комментарийлердин саны:
108
Катталган:
09-12-2010
Соӊку аракети:
21-07-2018 01:25
Жынысы:
Белгисиз
0
Супер -Инфо сиздерден сураныч, поэзияга кобуроок орун берсениздер жакшы болот эле. Ар жумада болбосо да 2 жума сайын бир бетин поэзияга арнасаныздар сооонун болмок. Же болбосо медиа-порталдагы элдик видеого окшотуп бир страница ачып койсонуздар.Поэзия суйуучулор ошол жерге ырын кошуп, башкалардыкына добуш бергенге да ынгайлуу болот эле.Бул да болсо бир женишиниздер болмок.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: