Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КӨП ЖОЙЛОГОН ТҮЛКҮ КОЛГО ТҮШПӨЙ КОЙБОЙТ

№437 18-24-март, 2011-жыл


Учурда кол жоорутуп иштебей, жеңил акчалуу болууну каалагандар, тилекке каршы, көбөйүп баратат. Ар бирибиз өзүбүзгө сак болбосок, айлап-жылдап маңдай тер менен топтогон буюм-тайымыбызды ууру бел оорутпай көтөрүп кетиши толук ыктымал. Буга төмөнкү окуя мисал боло алат.

УУРУНУН АРТЫ КУУШ
Жумушсуздук, кымбатчылык, деги эле жетишпеген турмуш адамдарды уурулукка, ар кандай кылмышка түртүп жатат. Бардыгына ушул заман күнөөлүүбү? Жок, мындан да оор заманда, тээ согуш мезгилинде да ууру-кески аз болгон. Азыркыдай бийик дубалдарды курган эмес, катар-катар кулпу салган эмес. Бул ыйманыбыздын жоголуп баратканынын белгисиби же пейилдин тардыгыбы?.. Далай кишини сыздаткан ууру акыры барып колго түшпөй койбойт.
Жакында “Бишкектеги үйлөргө уурулукка кирген” деп шектелген адамдын кармалганын угуп, ИИМдин кылмыш иликтөө башкы башкармалыгына байланышып, төмөнкү маалыматтарды алдык.

ФОРТОЧКА “ЭШИГИ” БОЛГОН
20 жаштагы Н. шаардын ар кайсы базарларына уурдаган буюмдарын өткөрүүгө жумушка баргансып эле жөнөй турган. Эч жерде иштебеген ал Ысык-Көлдөн Бишкекке өткөн жылдын күз айларында келген. Батирде жашап, өзү жашаган жерден көп алыс эмес жайгашкан үйлөргө уурулукка кирчү.
Бул жигит батир издеген киши болуп ар кайсы үйлөрдүн эшигин тыкылдатат. Эч ким чыкпаса, терезенин форточкасы аркылуу же “отмычка” (кулпуларды ачуу үчүн
ачкычтын ордуна колдонулуучу аспап)
менен эшикти ачып үйгө кирип, акча, баалуу зер буюмдарды, колуна илинген нерселерди, жадакалса тамак-аштарга чейин көтөрүп кетип турган.

ФАКТЫЛАРГА ТАЯНСАК...
Бишкек шаарынын Салиева көчөсүнүн тургуну Камчыбекова аттуу айымдын үйүнүн сырткы эшигин белгисиз бирөөлөр бузуп, зер буюмдарын жана акчаларын (акчалай эсептегенде 17 000 сом) уурдап кеткен.
Баш калаанын Славян көчөсүнүн тургуну Өмүркулованын үйүнөн эки санариптик фотоаппарат, Нокиа үлгүсүндөгү уюлдук телефон, алтын жана күмүштөн жасалган зер буюмдарын, акчасын (30 000 сом) уурдап кеткен. Ал эми ушул эле көчөнүн жашоочусу Кожокееванын үйүнөн 7340 сом акчасын алып кеткен. Рязанов көчөсүнүн тургуну Мамбеталиеванын үйүнөн 4000 сом акча жана тамак-аш азыктарын (17 000 сом) куржундап кете берген.

УУРУ ТҮРМӨДӨ ОТУРУШУ КЕРЕК
Бул факт боюнча ИИМдин кылмыш иликтөө башкы башкармалыгынын мүлк кылмыштарын ачуу бөлүмүнүн башчысы Бек Бекмуратов мындайча баяндап берди:
– Биз уурулуктардын үстүнөн криминогендик талдоо жүргүзүп көрүп, Бишкек шаарында болгон мындай иштердин көбүндө ууру үйдүн терезесин чыгарып же форточка аркылуу киргендигин аныктадык. Үй мүлктөрүн уурдаткан жабырлануучулардын көпчүлүгү шаардын ар кайсы базарларында соода кылгандар болуп чыкты. Биздин бөлүмдө үй буюмдарын уурдап жүргөн 20-25 жаштардагы азиат улутундагы жигиттерден турган топ бар экендиги тууралуу оперативдүү маалыматтар бар болчу. Ошол маалыматтардын негизинде, биздин бөлүм Бишкек шаарынын Свердлов райондук ИИБинин кызматкерлери менен биргеликте өткөргөн оперативдүү иш-чаралардын натыйжасында уурулук менен алектенип жүргөн топтун мүчөсүн колго түшүрдүк.
Шектелген адамды 2011-жылдын 11-февралында Бишкек шаарындагы Будённый көчөсүндө жашаган батиринин жанында күтүп отуруп, үйүнөн чыгып келе жатканда кармадык. Ал Ысык-Көл облусундагы Түп районунун 1990-жылы туулган тургуну, мурда соттолбогон Т.Н. болуп чыкты. Анын жанынан 14 даана алтын жана күмүш зер буюмдар табылып, тартылып алынды. Ал эми үйүн текшерсек, уурулук кылганына далил болуучу буюмдар чыкты. Атап кетсек, уюлдук телефондор, капчыктар, үйлөрдү ачууда колдонулуучу “отмычка” жана башка буюмдар. Кээ бир уурдалган буюмдардын ээлери ошол буюмдардын арасынан уурдаткан буюм-тайымдарын таанышты.
Бишкек шаарындагы ушуга окшогон ачыла элек кылмыштардын үстүнөн оперативдүү иликтөөлөрдүн натыйжасында анын мындан башка да 13 кылмыш ишине тийиштиги бар экендиги аныкталып, Кылмыш кодексинин 164-беренесинин 2-бөлүмү (2 жылдан 6 жылга чейин эркинен ажыратылышы мүмкүн) боюнча иш козголду. Т.Н. уурдаган буюмдарын “Ош базары”, “Беш-Сары” базарларына жана ЦУМга өткөргөндүгүн, кимге өткөргөндөрүн көргөзүп бере тургандыгын сурак учурунда билдирди.
Топтолгон материалдар далил буюмдары менен Свердлов райондук ИИБинин тергөө бөлүмүнө өткөрүлүп берилди. Азыркы тапта башка да фактыларга тийиштиги бардыгы иликтенүүдө. Кылмышка шектүүнүн уурулукка тийиштиги бар шеригинин аты-жөнү, ал айдап жүргөн автоунаасынан бери аныкталып, азыр издөөдө.

СӨЗ СОҢУНДА...
Бир жагынан бул жаш жигитке боор ооруганы менен, маңдай тери менен чогулткандарын уурдатып жиберип жер муштап отуруп калган жабырлануучуларды ким аяйт? Эми бул майда уурулар жетишсиздиктин айынан кылмышка барышкандыр. Ал эми мамлекетибиздин казынасына, 5 миллиондон ашуун элибиздин ырыскысына колун салып, мите курттай соруп, миллиондорду көз көрүнөө уурдап, жоопко тартылбай жүргөндөргө не дейбиз? Сөз соңунда айтарыбыз, сактыкка кордук жок, сак бололу.

Нурбек Абдыкадыров
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
19.03.2011. 22:06 
Тайпасы:
Жаран
Комментарийлердин саны:
57
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Бармен бол, Официант бол,Сатуучу бол,Жер шыпырып иште, ошондо билмексин кандай экенин акча табыш... Мен бул адамды аябаймын,мындай адамдарды атыш керек.Что бы другим не повадно было.А биздин милиция абдан начар иштейт, коррупционерлер......Биздин милиция, чиновниктерге ишене албайм.Ушинтип журсок, КЫРГЫЗ атыбыз очот...Уят, чет жерде эч нерсе деп айта албайм, уялам. А чиновниктерде уят жок.
20.03.2011. 09:30 
Тайпасы:
Кыймылы жок
Комментарийлердин саны:
56
Катталган:
16-12-2010
Соӊку аракети:
18-02-2013 12:11
Жынысы:
Белгисиз
Калаасы:
Бишкек- Жалал Абад
0
Аткандын кереги жок,анда анын жаны кыйналбай эле башкаларга да сабак болбой калат. менимче Ош базарга алып барып жыланач чечиндирип байлап коюш керек аты жону,эмне кылгандыгын жазып туруп.ошондо башкалар да коруп оздоруно сабак алат беле деген ой.
21.03.2011. 19:01 
Тайпасы:
Жаран
Комментарийлердин саны:
57
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Аа, жакшы жаза болмок экен.
22.03.2011. 13:53 
Тайпасы:
Жаран
Комментарийлердин саны:
28
Катталган:
04-12-2010
Соӊку аракети:
31-07-2018 10:42
Жынысы:
Белгисиз
0
кошулам, бирок кылмыштын далили так болсо, подстава эмес!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: