ӨЛКӨГӨ ЭЛЕКТРОМОБИЛЬ АЛЫП КИРҮҮГӨ КОШУМЧА КВОТА БЕРИЛДИ

Кыргызстанга бажы алымынан бошотуу менен кошумча 10 миң электромобиль алып кирүүгө квота берилди. Бул тууралуу 12-августта Мамлекеттик бажы кызматы кабарлады.

Мындай чечим Евразия экономикалык комиссиясынын кеңеши тарабынан кабыл алынганы айтылат. Ал чечим 17-августтан тартып күчүнө кирет.

Ушуну менен быйылкы жылга карата электромобилдерге берилген жалпы квота 15 миңден 25 миңге чейин көбөйтүлдү. Расмий маалыматка таянсак, 2025-жылдын соңунда өлкөдө расмий каттоого алынган 15 278 электромобиль бар экени айтылган.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1234, 14-20-август, 2026-ж.