БУУ: ДҮЙНӨ ЧОҢ КОРКУНУЧКА ТУШ БОЛУШУ МҮМКҮН

Бириккен улуттар уюмунун баш катчысы Антониу Гутерриш Украинадагы жана Жакынкы Чыгыштагы согуштар дүйнө үчүн абдан олуттуу коркунуч жаратып жатканын дагы бир жолу кайталады. Бул тууралуу 16-сентябрда чет элдик басылмалар жазышты.

Гутерриштин айтымында, Орусия-Украина согушунда жана жалпы Жакынкы Чыгыштагы кырдаалда күн өткөн сайын абал курчуп баратат. Азырынча эч бир багытта жакшыруу байкалбай жатканын белгиледи.

– Кырдаал ушундай нукта улана берсе, глобалдык деңгээлде катастрофалык жана өтө оор кесепеттерге алып келиши мүмкүн болгон чоң жарылуу коркунучуна туш болобуз,- деди баш катчы Нью-Йорктогу басма сөз жыйынында.

Ошондой эле Гутерриш БУУ алдыдагы айларда дүйнө алдында турган бул чакырыктарга каршы күрөшүү үчүн бардык мүмкүнчүлүктөрүн колдонорун билдирди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1239, 18-24-сентябрь,2026-ж.