МЕГАКОМ «МАЙЛУУ УСТУКАНЫ» ЧОҢ ТАЛАШТА

“Мегаком” деген бренд менен белгилүү болгон “Альфа Телеком” компаниясынын чыры өтө кызуу уланууда. Аталган компаниянын кожоюндары кол каптай алмашып, анын кызматкерлери нааразычылык акциясына чыга баштады.
15-март күнү ишкананын мурдагы директору Андрей Силич адамдары менен Мегакомдун башкы кеңсесине кирип келип, өзүн компаниянын башчысы катары жарыялаган. Ал бул кадамын “Каржы полициясы бизге козгогон кылмыш ишин Башкы прокуратура токтом менен жокко чыгарды. Менин жасап жаткан иштеримде мыйзамсыз көрүнүш жок” деп түшүндүргөн.
Ал эми компаниянын буга чейинки тышкы башкаруучусу Азамат Мурзалиев “алар прокуратуранын токтомуна таянып, компанияны мыйзамсыз басып алышты. Мамлекет тараптан коюлган мыйзамдуу жетекчи менмин” деп камчыланып алган. Андан ары сөзүн улай: “Башкы прокуратура Силичтин кылмыш иштеринин бетин ачууга тоскоол болуп жатат. Муну мен Башкы прокурор Кубатбек Байболовдун жубайы Нуржамал Байболовага тиешелүү ишканага “Альфа Телеком” тарабынан 400 миң доллар акча мыйзамсыз түрдө которулуп кеткени менен түшүндүрөм”,- дейт.
Ага жооп иретинде Нуржамал Байболова: “Кыргызстанда жеке менчикти сатуу кылмышпы? Мен өзүмдүн ишканама тиешелүү кыймылсыз мүлктү саткам аларга. Ал жигит айткандарын сот алдында тастыктоого даяр болсун”,- деди.
Ал эми президент Роза Отунбаева бул ызы-чууну териштирүүнү УКМКга тапшырды. Алар Каржы полициясы жана Башкы прокуратура менен биргеликте иш алып барышмакчы. Президенттин мындай кадамын ЖКнын депутаты Өмүрбек Абдрахманов: “Отунбаеванын бул кадамы мыйзамсыз. Анткени УКМКнын өлкөнүн чарбалык иштерге киришүүгө укугу жок”,- деди.
Ал эми Улуттук менчикти башкаруу боюнча фондунун башчысы Даир Кенекеевдин айтымында, «Альфа Телекомго» таандык 51 пайыз үчүн башка компаниялар да ат салышууда. Бирок мыйзамга ылайык, ал үлүш эч кимге таандык эмес.
Ошентип, Силич менен Мурзалиевди куурчактарга айлантып, сахна артынан өлкөбүздүн дөө-шаа чиновниктери алышып жаткандай көрүнөт. Бул “спектакль” канчага созулары белгисиз. Азыркы кезде компаниянын айланасындагы териштирүү иштери дагы эле улана бермекчи. Айтмакчы, Мегакомдун тышкы башкаруучусу Азамат Мурзалиев өз ыктыяры менен жумушунан кетип, анын кызматына орун басары Алмаз Абеков дайындалды. Карапайым элибиз “бизге сапаттуу байланыш болсо болгону” деп коюп бейкапар.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

operaledi

2011-03-18 23:05:52

Андрей Силич Молодец!!! Я отдаю голос за Силича.

URB KG

2011-03-19 11:20:59

Менимче Мегакомдун айланасындагы чырдын ушунча бийик денгээлге которулушуно Генпрокуратураны толук каптап калган коррупция себепкер болду окшойт.
Өзү Байболов келип бир да кыйраткан иш жасай алган жок. Келгенде эле Бекназаровдун иштерин ашкере кылам, 7-апрелден кийин АУБтан алынган акчалардын изин табам деп баштады эле бири да жүзөгө ашпады, көрсө буга жөн гана шаар прокурорунун жана баш прокурордун орун басарынын кызмат орду керек болгон эк

URB KG

2011-03-19 11:22:10

ен да. Эми болсо аялына болушуп Мегаком боюнча ишти жаап койду. Ушуга эл кантип ишенсин, Мегаком боюнча аудиторлор эки айдан ашык текшерип бүтө албаган материалдарды Генпрокуратура бир кундо карап чыгып, жаап койду. Мындай болсо баардык компанияларды аудитордук текшерууго бербей эле Генпрокуратуранын текшеруусуно бериш керек го, бат болот экен да.
Генпрокуратуранын башкы башкармалыгынын начальники Аманбаев дегени болсо прессконференцияга барып алып, служебная записка кандай жа

URB KG

2011-03-19 11:23:50

жазылыш керектигин айтып журот, по существу жооп бере албай тантыйт. Жанагы калп детекторунан биринчиден Прокуратура кызматкерлерин өткөзүп, булардын баарын алмаштыруу керек, балким арасында 5-10% тазалары бардыр, ал да күмөн.
А мен болсо мамлекет койгон менеджерлер үчүн, анткени Силичти убагынды бул жумушка Елисеев дайынаган
“БӨРҮ БАЛАСЫ ИТ БОЛБОЙТ”

Комментарий калтыруу үчүн өз ысымыңыз менен кириңиз же каттоодон өтүңүз.

№ 437, 18-24-март, 2011-жыл