Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАКЫНКЫ ЧЫГЫШТАГЫ ОКУЯЛАР ЭМНЕГЕ АЛЫП КЕЛЕТ?

№437 18-24-март, 2011-жыл


Жыл жаңыргандан бери “дүйнөнүн согуш оту өчпөгөн аймагы” атыккан Жакынкы Чыгышта абал өтө коркунучтуу. Тунистен башталган ажолорду бийликтен аңтарып түшмөй өзүнчө жугуштуу вируска айланды. Бул өнөкөт оору Египетти жеңип, Ливияны жарандык согушка бөлөсө, бүгүн Бахрейнди кучактап отурат. Кезекте эми ким турат?

ТУНИС
Аянты – 163 610 чарчы чакырым
Дини – Ислам
Калкы – 10,5 миллионго чукул
Башкаруу түрү – Президенттик
Президенттин милдетин аткаруучу – 2011-жылдын 15-январынан бери Фуад Мебаза
2011-жылдын 14-январында калктын каршы чыгуу акцияларынан улам 74 жаштагы Тунистин экс-президенти Зин эль-Абидин Бен Али өлкөсүнөн качып чыгып, Сауд Арабиядан баш паанек тапкан. Ал 1987-жылдан бери өлкөнү башкарып келип, бийлигин парламенттин спикерине тапшырып кеткен. Президенттигинин акыркы сааттарында өлкөдө өзгөчө кырдаал режимин киргизип, өкмөттү таратып, мөөнөтүнөн эрте парламенттик шайлоону жарыялоого жетишкен.

ЕГИПЕТ
Аянты – 1 001 570 чарчы чакырым
Дини – Ислам
Калкы – 80 миллион
Башкаруу түрү – Президенттик-парламенттик
Өкмөт башчы – Эссам Шараф
2011-жылдын 25-январынан башталган массалык элдик толкундоо жарандык көтөрүлүшкө айланган. Анда экс-президент Хосни Мубарактын тарапташтары менен оппозиция кагылышкан. Мындан улам 11-февралда Хосни Мубарак бийликтен кетүүгө мажбур болуп, президенттик бийлигин Жогорку аскердик кеңешке өткөрүп берди.

ОМАН
Аянты – 309 500 чарчы чакырым
Дини – Ислам
Калкы – 3,5 миллионго чукул
Башкаруу түрү – Абсолюттук монархия
Султан – Кабус бен Саид
Бул өлкө да демонстрациялардан куру калбады. Бирок нааразычылыктан чочулаган бийлик жооптуу иш-чараларды аткарууда. Өкмөт мамлекеттин эсебинен 50 миң киши жумушка алынарын жана жумушсуздарга ай сайын 390 доллар жөлөк пул берилерине сөз берди.

ЛИВИЯ
Аянты – 1 759 540 чарчы чакырым
Дини – Ислам
Калкы – 6,5 миллионго чукул
Башкаруу түрү – Учурда жарандык согуш жүрүп жаткандыгы үчүн белгисиз
Триполи шаарындагы өкмөттүн башчысы – Муаммар Каддафи
Бенгази шаарындагы Улуттук өткөөл кеңештин жетекчиси – Мустафа Абдель Жалил
Быйылкы жылдын башынан бери элдик толкундоолор күчөп, учурда өлкө эки аймакка (чыгыш жана батыш) бөлүнгөн. 15-февралда бийлик менен оппозициянын тиреши чегине жетип, бири-бирине ок чыгара баштады. Бүгүнкү күнгө чейин каза болгондордун саны өсүүдө.

БАХРЕЙН
Аянты – 750 чарчы чакырым
Дини – Ислам
Калкы – 800 миңге чукул
Башкаруу түрү – Конституциялык монархия
Падыша – Хамад аль-Халифа
Өкмөт башчы – Халифа аль-Халифа
2011-жылдын 14-февралынан массалык элдик толкундоолор башталды. Буга Тунис менен Египеттеги революция түрткү болгон. 17-март күнү Бахрейндин падышасы өлкөдө өзгөчө кырдаал режимин жарыялап, борбор шаар Манамага коңшу араб өлкөлөрдүн армиясы кирди. Учурда оппозиция өкүлдөрү менен армия бири-бири менен күрөшүүдө.

ЙЕМЕН
Аянты – 527 970 чарчы чакырым
Дини – Ислам
Калкы – 24,5 миллион
Башкаруу түрү – Президенттик
Президент – Али Абдулла Салех
16-мартта Йеменде болуп өткөн каршылык акциясында 100дөн ашуун адам жаракат алды. Алар 32 жылдан бери башкарып келген президентти бийлигинен кетирүүнү талап кылышууда. Бул аралыкта президент түрдүү уруулардын колдоосунан ажырап жатат. Президенттин мөөнөтү 2013-жылы аяктайт жана ал өзү ошол учурда тактан кетерин айткан.

РЕВОЛЮЦИЯ ЭМНЕГЕ АЛЫП БАРАТ?
Араб дүйнөсүндөгү революциялардын толкуну басаңдабай, тескерисинче, от алып кетсе, анын жыйынтыгы эмне болот? Буга карата түрдүү адистердин жана серепчилердин пикирине назар салып көрөлү.
Биринчиден, дүйнөлүк экономика аксайт. Анткени бул аймактагы өлкөлөрдө дүйнөлүк нефть запасынын үчтөн бири жайгашкан. Эгерде жарандык согуш жана көтөрүлүш сыяктуу окуялар улана берсе, дүйнөдө нефтинин баасы кымбаттап кетиши толук мүмкүн. Эскерте кетсек, 1973-жылы Перс булуңу аркылуу нефть ташуу токтоп калгандан кийин күйүүчү майдын баасы төрт эсеге көтөрүлгөн.
Экинчиден, туруксуздук абалы күчөйт. Сауд Арабияны тегеректеген Египет, Иордания, Ирак, Иран, Бахрейн, Оман жана Йеменде өкмөткө каршы чыгуулар болуп өттү. Кезек эми Сауд Арабияга келгендей кыр көрсөткөнү менен, азырынча бул өлкөдө абал тынч.
Үчүнчүдөн, диний өкүлдөрдүн ортосундагы кагылышуу. Алсак, Египетте христиан менен мусулмандардын ортосундагы жаңжал ырбап, ажырым чоңоюуда. Ал эми Ливиянын лидери Муаммар Каддафи: «Эгерде батыш басып кире турган болсо, террорчул “Аль-Каида” тобуна кайрылам»,- деп коркутууга да өттү.
Андыктан араб дүйнөсүндөгү кризистин канчага уланарын жана кандай зыян алып келерин мезгил өзү көрсөтөт.

Эльвира Караева
koom@super.kg


«Супердин» сурак бурчу

ЭЛДИК РЕВОЛЮЦИЯ КҮНҮ ДЕП КАЙСЫ ДАТАНЫ ЭСЕПТЕЙСИЗ?

Азимбек Бекназаров,
саясатчы:
– Мен 24-мартты да, 7-апрелди да революция күнү деп эсептейм. Себеби экөөнү тең эл жасады. Эл менен кошо мен дагы болдум. Элдин эмгеги болгондон кийин мен үчүн экөө бирдей мааниге ээ. Тиги күн же бул күн деп бөлө албайм.

Элла Акулова,
продюсер:
– 7-апрелди айтар элем. Себеби жакырчылыктан кыйналган элдин талаптары аткарылбай, экинчи жолу бийлик алмашып, кан төгүү менен аяктаган. Азыркы бийлик элибиздин жашоо-турмушуна көңүл бөлүп иштесе, мындай окуялар кайталанбайт деп ишенем.

Съездбек Абдыраманов,
айдоочу:
– 24-мартта бийлик кан төгүүсүз алмашкан эле. Ал эми 7-апрелде канчалаган адамдарыбыз көз жумду. Ошондуктан бул датаны майрам катары эмес, кийинкилерге сабак болсун үчүн аза күтүү күнү катары кабыл алсак туура деп эсептейм.

Жылдыз Акматова,
мугалим:
– Бул эки датаны тең акыйкаттык үчүн күрөшкөн күн десем жаңылбайм. Революция күнү деп 7-апрелди белгилесек туура го. Анткени канчалаган мекендештерибиздин каны төгүлдү. Бул күндү аза күтүү күнү деп киргизишибиз керек.

Майрамбек Акылбек уулу,
студент:
– Экөөндө тең революциялык жол аркылуу бийлик алмашкан күн болуп тарыхта калды. Бирок 7-апрелде адамдардын курман болгондугуна байланыштуу ушул күндү аза күтүү катары белгилесек туура болот деген ойдомун.

Инаяткан Байбосунова,
пенсионер:
– 7-апрелди революция күнү деп эсептейм. Анткени канчалаган жаш балдардын өмүрү кыйылды. Учурдагы бийлик берген анттарын унутпай коррупцияга бөгөт коюп, эл үчүн таза иштесин. Экинчи мындай кандуу окуялар кайталанбасын.

Салибай Мырзакулов,
сатуучу:
– 7-апрель. Кыйналган турмуштун айынан митингге чыккан элдин канчасы курман болду. Ошондуктан жетиси аза күтүү күнү катары кабыл алынышы керек. Эми жаңы өкмөт элге кызмат кылып, жакшы иштесин.

Кубаныч Сыдыков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
19.03.2011. 23:50 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Чон секирик жасоо учун бир-эки кадам артка басыш керек.
22.03.2011. 03:50 
Тайпасы:
Жаран
Комментарийлердин саны:
96
Катталган:
03-07-2009
Соӊку аракети:
27-08-2018 21:45
Жынысы:
Белгисиз
Калаасы:
Улуу Кыргыз Дөөлөтү Ордо Балык шаары
0
Революция - астыга бир кадам артка эки кадам...( натыйжа!? )РЕФОРМА
Революция - варварский способ прогресса. (Жан Жорес)
23.03.2011. 13:28 
Тайпасы:
Жаран
Комментарийлердин саны:
41
Катталган:
19-11-2010
Соӊку аракети:
28-02-2018 18:08
Жынысы:
Белгисиз
Калаасы:
Ош Кыргызстан
+1
Мен 24 мартты элдик ревалюция деп эсептейм, ал эми 7-апрелди болсо ревалюция деп эсептоого болбойт. Бул жон гана бир адамдан бир адам бийлик тартып алуу болгон. Туурабы достор.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: