ОРУСИЯДАГЫ КАРА ТУМООДОН УЛАМ КЫРГЫЗСТАНДА КООПСУЗДУК КҮЧӨТҮЛДҮ

Орусияда кара тумоо (чума) оорусу катталганына байланыштуу Кыргызстандын мамлекеттик чек арасында көзөмөл күчөтүлдү. Саламаттык сактоо министрлиги 4-октябрда билдиргендей, бардык санитардык-карантиндик пункттар күчөтүлгөн тартипте иштеп жатышат. Кырдаал Санитардык-эпидемиологиялык кызматтын көзөмөлүндө.

– Санитардык-карантиндик пункттар, мамлекеттик чек ара аркылуу өтүп жаткан адамдарга, транспорт каражаттарына жана жүктөргө санитардык-эпидемиологиялык көзөмөл жүргүзөт. Ошондой эле жугуштуу оорулардын өлкө аймагына кирип келишине жана жайылышына жол бербөөгө багытталган профилактикалык иш-чаралар өткөрүлөт,- деп жазылат маалыматта.

Айта кетсек, 2-октябрда Орусиянын Иркутск облусунда 28 жаштагы кыз кара тумоодон каза болгону расмий маалымдалды. Өзгөчө коркунучтуу инфекция аныкталгандан кийин медициналык мекемеде бир нече бөлүмдөрдө бейтаптарды кабыл алуу токтотулуп, стационар карантинге жабылды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1242, 9-15-октябрь, 2026-ж.