ВИТАМИНДЕР ТОПТОМУ АШКАБАКТА

Пайдасы

+ Витаминдер топтому. Сабизге караганда ашкабактын курамында бета-каротин (А витамини) бир нече эсе көбүрөөк. Бул витамин көздүн саламаттыгына жакшы таасир берет.

+ Жүрөк-кан тамырларды колдоо. Ашкабактын курамындагы калий, магний жана антиоксиданттар жүрөк булчуңун бекемдеп, холестериндин деңгээлин түшүрүүгө жардам берет.

+ Тамак сиңирүүнү жакшыртуу. Пектиндер ичегилердин иштешине жумшак таасир берип, микрофлораны коргоп турат.

+ Заара кубалайт. Организмден ашыкча сууларды чыгаруучу, заара кубалоочу таасирге ээ.

+ Ашкабак данеги. Ашкабактын данегинде цинк, магний, кукурбитин паразиттерге каршы күрөшүүчүлөр.

+ Аз калориялуу. Чийки ашкабактын 100 граммында 26 калорий гана бар (ашкабактын данеги, тескерисинче, жогору калориялуу – 100 граммында 550 ккал бар). Андыктан диеталык азык болуп саналат.

Каршы көрсөтмөлөр

– Ашказан-ичегилеринде көйгөйү барлар ашкабакты көп жебеши керек. Ашкабак ичегилерде газ, ич көбүүнү жаратат.

– Оорулардын курчуп турган маалында, өзгөчө ашказан жарасы, гастрит, ашказандын кычкылдуулугу жогору болгондо, панкреатит оорусу курчуп турган маалда ашкабак жебеш керек.

– Кант диабети. Термикалык иштетүү учурунда (мисалы, электр мешинде бышырганда) ашкабакта гликемикалык индекс жогорулайт, андыктан кант диабети дарты барлар ашкабакты ченеп жеши зарыл.

– Өттү кубалоочу касиетке ээ болгондуктан өттөгү таштар ордунан жылып, приступ жаралышы мүмкүн.

Канча жеш керек?

Чоң адамдар ашкабак “этин” күнүнө 200-300 грамм, жаш балдар 100 граммга чейин жесе болот. Ал эми ашкабак данегин күнүнө 20-50 граммдан ашырбоо кажет.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 1244, 23-29-октябрь, 2026-ж.