АЛМА УКСУСУ КАНЧАЛЫК ПАЙДАЛУУ?

Пайдасы

+ Тамак сиңирүүнү жакшыртат. Ашказан кычкылынын көп бөлүнүп чыгышын шарттайт, натыйжада тамак-аштын сиңирилүү процесси тездейт.

+ Канттын деңгээлин көзөмөлдөйт. Кандын курамындагы глюкозанын деңгээлин төмөндөтөт.

+ Арыктатат. Адамдын табитин төмөндөтөт, натыйжада салмак таштоого көмөкчү болот.

+ Антиоксидант. Микробдор жана бактериялар менен күрөшүүчү таасирге ээ.

Зыяны

- Эмалды жабыркатат. Уксустун курамындагы кислоталар тиштин эмалын жукартып, сынып, морт болушуна алып келет.

- Күйүк. Уксуска жетиштүү өлчөмдө суу кошпосо же аны көп өлчөмдө колдонсо, кызыл өңгөч жана башка органдардын күйүп калуусуна алып келет.

- Сөөктөрдү жабыркатат. Уксусту көп убакыт жана көп өлчөмдө ичүү сөөк ткандарынан пайдалуу минералдардын чыгышын шарттайт.

Уксусту ичүүгө каршы көрсөтмөлөр

• Ашказан жарасы, гастрит ооруларында ичүүгө болбойт.

• Эрозиялык эзофагит жана гастроэзофагеалдик ооруларында тыюу салынат.

• Бөйрөк жана боор ооруларында (цирроз, гепатит)

• Панкреатит жана колитте

• Аллергиясы барларга болбойт.

Кантип туура колдонуу керек?

1 аш кашык алма уксусуна 200 миллиграмм суу кошуу кажет. Ачкарын жана суу кошпой туруп ичүүгө болбойт. Тиштин эмалын коргойм десеңиз, түтүк менен ичип, соңунда ооз көңдөйүн жакшылап суу менен чайкоо зарыл.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 1245, 30-октябрь-5-ноябрь, 2026-ж.