Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САГЫНДЫРГАН ЖАЗ

№438 25-31-март, 2011-жыл


(Башы өткөн сандарыбызда)

Акчасын берип Мыктыбек абасы кете берди. Адилет апасы экөө үйгө кирип акчаны санап чыгышты. Туптуура 450 миң сом экен. Бирин-бири тиктеп, ойлуу отуруп калышты. Адилет уйкудан ойгонгондой селт дей түшүп, обдулуп алды.
– Апа, сиз акчаны карап үйдө болуңуз. Мен таенемдикине, анан Элмырзаныкына барып келейин.
– Макул, барып кел.
Адилет жолдо баратып Кара­чаңын эстей Терминатор абасыныкына бет алды. Атынын жалынан сылап, мойнунан кучактап, “кандайсың, Карачаңым?” деди эркелете. Абасынын уруксаты менен атын токуп алып, чаап жөнөдү. Бул анын балалыгы менен коштошуп бараткан акыркы күндөрү эле. Көөдөнү бир кубанычка, бир үмүткө толо атын чаап бара жатты. Ошентип жатып таенесиникине да жетти.
Адилеттин шашып келе жатканын көргөн таенеси алдынан утурлай чыкты.
– Оо, каралдым. Кайдан мынча шашып?
– Таене, кандайсыз? Ден соо­лугуңуз жакшыбы? Мен Орусияга баратам. Баягыда айтпадым беле. Апамдарды сизге калтырам эми. Кайраттуу, күчтүү таенемсиз го! Апамды карап, колдоп, тез-тез үйгө барып турасыз да.
– Алдыңа кетейиним, камсанаба. Каралашып турам.
– Макул анда. Мен кеттим. Ден соолугуңузду караңыз дурустап...
– Ак жол сага, каралдым! Жалгыздын жары Кудай дейт! Аман-эсен барып кел эми. Жоголуп кетпей, мен өлгүчө келе көр, балам!- деп батасын берип, адатынча мойнунан шуу жыттап алып, кайраттана жылмайды.
– Ай, кокуй, коё тур.
Ички чөнтөгүнөн эски бет аарчы алып чыгып:
– Ме, садагасы, мунун ичинде бир аз акча бар. Жолдо тамак алып жейсиң. Бул бет аарчыны жоготпо.
– Рахмат, алтын таенемсиз да!- деп Адилет жылмая жолун улады.
Бет аарчыны ачса, ичинде миң сом бар экен. Элмырзаныкына келсе, ал машинасын чукулап жатыптыр. Орусияга Адилетти алып кете турган адам ушул эле. Өзүнөн 6 жаш улуу болсо да, бири-бирине кылган мамилелери теңтуштардыкындай ынак болчу.
– Кандайсыз? Машинаңызды эле чукулай бересиз да...
– Үкөм, кандай анан? Эки жагын карап коёюн да. Кетерде гаражга коюп кетем машинаны.
– А жакшы. Мен баарын бүтүрдүм. Жолго даярмын.
Элмырза үйгө кирип бир нерсе көтөрүп чыкты. Аны Адилетке сунуп:
– Сенин жаңы документте­риң. Эми сен Тилеген уулу Ширинбек болосуң. Ичиндеги жазуулардын баарын жатта. Эртерээк паспорт алып койгонуңда мындай болбойт эле. Эми Адилет атыңды унутууга туура келет,- деди.
Туулгандыгы тууралуу күбө­лүктүн ичине бир сыйра үңүлүп карап:
– Апе-ей, Элка аке, 14 жашар болуп каламбы ошондо? Тилеген аке унчукпай эле бердиби?
– Алдагы боюң менен сага баары ишенет. Орустарга айырмасы деле жок. Башкысы, документ болсо болду. Тилеген аке менен сүйлөшүп койдум. Калганын келгенде өзүң ыраазы кыласың да.
– Ал жагы сөзсүз деңизчи. Ошондо бүрсүгүнү чыгабыз да жолго, ээ?
– Эртең түштөн кийин чыгабыз. Даяр бол. Бүрсүгүнү түш оогондо поездге отурабыз.
– Болду, шеф.
Күбөлүктү апасына карматып, өзү төркү үйгө кирип кийимдерин салыштырып баштады. Анын камынып жатканын көргөн карындаштарынын маанайы пас. Эч кимиси бири-бири менен сүйлөшпөйт. Элмырза “ашыкча жүк алба. Керектүү кийимдерди гана ал. Калганын ошол жактан алабыз” дегенин эстеп, ашыкча буюм албады. Баштыгынын түбүнө унутуп калбайын деп үй-бүлөсү менен өзүнүн сүрөттөрү тиркелген фотоальбомун салды. Баарын салып бүтүп, шалдырай отуруп калды.
Ашкана тараптан куурдактын жыты буркурап келип жатты. Бир маалда:
– Атаңдын оозун урайын, Адилет! Сен бир заматта атты токуп мени алып келгич киши эмес белең, ыя?!- деп Терминатор абасы куржунун ийинине артынып кирип келди.
– Ий, аба, эсимден чыгып кетиптир да...
– Эки жашабай эсиңе жара чыккан го сенин!
– Ээ, аба, суурдун куурдагы бышып калды. Келиңиз...
– Аке, бышкан тамакты таштап кетмек белеңиз. Келиңиз, отуруңуз,- деп ашканадан Гүлсара чыга келип сөзгө кошулуп калды.
– Ай, ушу силер курсактын айынан мени түнгө калтыра турган болдуңар,- деп куржунун жерге коюп, сөрүгө келип отурду.
Ошентип, дасторкон жайылып, кобураша сүйлөшүп, тамактанышты. Андан кийин Адилетке Карачаңды токутуп, Мыктыбек жолго чыкты. Адилетти кучактап, бооруна бекем кысты да:
– Эй, чечек, ак жол сага! Жеңил барып, оор кел. Мени уят кылбай жүр, макулбу?! - деди
Көз ирмемге тиктеп туруп, капалуу жылмайып алды. Түнү менен уктабаганга, Адилет чарчап турган эле. Түш ооп калганда гана ойгонуп, шыпты карап ойлонуп жатты. Отурса-турса да ою Берметте. “Мен алыста жүрсөм, ал эмне болот? Башка бирөөнү таап албайбы? Ала качып кетпейби?” деген көп сандаган суроолор кыжалат кыла тынчтык бербей жатты. Канчалык сүйгөнүнүн жанынан кеткиси келбесе да, айла жок эле. Апасынын суранычы менен атасынын бир тууганы Сүйдүнбек акесине жөнөдү. Агасына ичинен нааразы болуп жүргөн эле. Атасы карызга батып калганда жардам бермек турсун, апасы тууралуу көп сөз чыгарган да ушулар эле. Айла жок. Туугандык парз менен коштошуп келмей болду.
Акеси үйдө жок. Жеңеси гана балдары менен экен. Төрт иниси менен кучакташып коштошуп, Берметтин үйүнө жөнөдү. Жете берерде сүйгөнү үйүнөн чыгып, ылдыйды көздөй бара жатканын көрдү. Жүрөгү тыз дей түштү. Колунда баштыгы бар. Аркасынан чуркап жетип барып:
– Чоң кыз, кайда баратасыз?- деп калды тамашалап. Кыз да саамайын сылап, Адилетке күлүңдөй тиктеп алды.
– Ой, сен кайдан? Мен силердикине, Барчынайга бул көйнөктү берейин деп бараткам. Апам алды эле, узун болуп калыптыр. Сенин апаңа берип «кыскартып кел» деген болчу.
– Менин апам, сенин деле апаң го?..
– Эми апам болгондо апа дейм да.
– А жакшы. Мен эртең жолго чыгам. Кетип жатам.
– 28-майда деп жатпадың беле?
– Ошондой дегем. Бирок ал күнү кечинде поездге отурат экенбиз. Элка аке кайра ошентти го.
– Андай болсо, мейли. Мен узак коштошконду жаман көрөм. Жакшы бар анда. Аман-эсен иштеп кел. Кудай буюрса, жакшы болот баары,- деди кыз муңайым.
– Бишкекке барып башканы таап албайсыңбы? Бирөө ала качса отуруп калбайсыңбы?-деди Адилет кызганычтуу.
– Адилет, бул тууралуу сүйлөшпөдүк беле. Мен эч кимди таппайм. Сөз берем, анткени сени чын жүрөгүмдөн сүйөм. Ала качса, ата-энем барып алып келип коюшат. Атам «Акматтын баласына гана берем» деп жүрөт. Былтыр окуучуларды кара өрүк тердиргенде сен башчы болуп, өзүңдү укмуш көрсөтүпсүң го. Ошондон кийин атама жагып калыпсың.
– Оо, билесиң го, жөнөкөй балдардан эмеспиз да!
– Мен сени күтөм, Адилет.
– Макул, алтыным. Бүгүн жолугуп, башаттын жанында отурабызбы?
– Жок. Үйдө апамдар менен иш кылып жатабыз. Эки күндөн кийин үйдөгүлөр тойго барышат. Кечке эзилишип коштошпой эле акырын кетип калсаң, экөөбүзгө тең жакшы болот. Ансыз деле жүрөгүм сыгылып, кете элегиңде эле сагына баштадым.

Залкарбек Карабалаев

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(4)
26.03.2011. 01:12 
Тайпасы:
Кыймылы жок
Комментарийлердин саны:
30
Катталган:
06-02-2011
Соӊку аракети:
07-01-2015 04:47
Жынысы:
Белгисиз
Калаасы:
Нарын
0
Мага ушул чыгарма жакты
26.03.2011. 17:44 
Тайпасы:
Жаран
Комментарийлердин саны:
6
Катталган:
18-08-2010
Соӊку аракети:
25-09-2018 13:37
Жынысы:
Белгисиз
0
Москвага келген кунум эсиме тушуп кетти. Адилет кызына ишенбей эле кой ал барибир куто албайт
26.03.2011. 19:48 
Тайпасы:
Жаран
Комментарийлердин саны:
253
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
tagdyryna emne jazylsa oshonu korot da ekoo ten,
28.03.2011. 18:22 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Ушул чыгарманы окусам эле денем чымырап кетет,абдан жакты мага берилип ичине кирип алып окуйм да.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: